Month: April 2020
- News
പ്രവാസികളുടെ മൃതദേഹങ്ങൾ ജന്മനാട്ടിലേക്ക് കൊണ്ടുവരാൻ കേന്ദ്രത്തിന്റെ അനുമതി
ദുബായ് : പ്രവാസികളുടെ മൃതദേഹങ്ങൾ ജന്മനാട്ടിലേക്ക് കൊണ്ടുവരാൻ കേന്ദ്ര സർക്കാരിന്റെ അനുമതി. നാലു ദിവസത്തെ അനിശ്ചിതത്വത്തിന് ശേഷമാണ് ശനിയാഴ്ച വൈകീട്ട് ഇക്കാര്യത്തിൽ സർക്കാർ ഉത്തരവ് പുറത്തിറങ്ങിയത്. കോവിഡ് 19 ബാധിച്ചുള്ള മരണത്തിന് ഈ ആനുകൂല്യം ലഭിക്കില്ല. മൃതദേഹങ്ങൾ കൊണ്ടുവരുന്നതിനുള്ള മാർഗനിർദേശങ്ങൾ കേന്ദ്ര ആഭ്യന്തര മന്ത്രാലയം പുറത്തിറക്കിയിട്ടുണ്ട്. ഇതിൻ പ്രകാരം കേന്ദ്ര ആരോഗ്യ മന്ത്രാലയത്തിന്റെയും കേന്ദ്ര ആഭ്യന്തര മന്ത്രാലയത്തിന്റെയും അനുമതിയോടെ മൃതദേഹങ്ങൾ ഇന്ത്യയിലേക്ക് കൊണ്ടുവരാം. രാജ്യത്ത് നടപ്പിലാക്കിയിരിക്കുന്ന കോവിഡ്-19 പ്രതിരോധ മാർഗരേഖ പാലിക്കുന്നുണ്ടെന്ന് ഉറപ്പുവരുത്തുകയും വേണം.
Read More » - Top Stories
കോട്ടയത്ത് 2 സ്ത്രീകളുൾപ്പെടെ 3 പേർക്ക് കോവിഡ്
കോട്ടയം : ജില്ലയില്‍ മൂന്നു പേര്‍ക്കുകൂടി കൊറോണ വൈറസ് ബാധ സ്ഥിരീകരിച്ചു. മണര്‍കാട് സ്വദേശിയായ ലോറി ഡ്രൈവര്‍(50), സംക്രാന്തി സ്വദേശിനി(55), കഴിഞ്ഞ ദിവസം രോഗം സ്ഥിരീകരിച്ച പനച്ചിക്കാട് സ്വദേശിയായ ആരോഗ്യ പ്രവര്‍ത്തകന്‍റെ അമ്മ(60) എന്നിവരുടെ പരിശോധനാ ഫലമാണ് പോസിറ്റീവായത്. മൂവരെയും കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. നിലവിൽ ആറു പേരാണ് ജില്ലയില്‍ രോഗ ബാധിതരായുള്ളത്.
Read More » - Top Stories
കൊല്ലത്ത് 7 വയസ്സുകാരി ഉൾപ്പെടെ 3 പേര്‍ക്ക് കോവിഡ്
കൊല്ലം : ജില്ലയില്‍ മൂന്നു പേര്‍ക്കു കൂടി കോവിഡ് സ്ഥിരീകരിച്ചു. ശാസ്‌താംകോട്ട, കുളത്തൂപ്പുഴ, ചാത്തന്നൂർ എന്നിവിടങ്ങളിലാണ് പുതിയ പോസിറ്റീവ് കേസുകൾ സ്ഥിരീകരിച്ചത്. ഇതോടെ ജില്ലയിൽ നിലവില്‍ രോഗബാധയുള്ളവരുടെ എണ്ണം ഒന്‍പത് ആയി. ജില്ലയില്‍ ആദ്യമായിട്ടാണ് ഒരു ദിവസം തന്നെ മൂന്നു പേര്‍ക്ക് കോവിഡ് പോസിറ്റീവ് റിപ്പോര്‍ട്ട് ചെയ്യുന്നത്.
Read More » - Top Stories
സംസ്ഥാനത്ത് ഒരു ക്ഷേമനിധിയുടെയും പരിധിയിൽ വരാത്ത ബിപിഎൽ കുടുംബങ്ങൾക്ക് 1000 രൂപ നൽകും
തിരുവനന്തപുരം : സംസ്ഥാനത്ത് ഒരു ക്ഷേമനിധിയുടെയും പരിധിയിൽ വരാത്ത ബിപിഎൽ കുടുംബങ്ങൾക്ക് 1000 രൂപ വീതം സഹായം നൽകുമെന്ന് മുഖ്യമന്ത്രി പിണറായി വിജയൻ. മറ്റൊരു ആനുകൂല്യങ്ങളും ലഭിയ്ക്കാതെ അവശത അനുഭവിക്കുന്ന ബിപിഎൽ കുടുംബങ്ങൾക്കാണ് സഹായം ലഭിക്കുക. 1000 രൂപ നേരിട്ട് ഉപഭോക്താക്കളുടെ അക്കൗണ്ടുകളിലേക്ക് നൽകും. തുക വിതരണം ചെയ്യുന്ന നടപടി ഉടൻ ആരംഭിക്കുമെന്നും മുഖ്യമന്ത്രി അറിയിച്ചു.
Read More » - Top Stories
മാളുകളും കമ്പോളങ്ങളും ഒഴിച്ചുള്ള കടകൾക്ക്‌ തുറന്നു പ്രവർത്തിക്കാമെന്ന് മുഖ്യമന്ത്രി
തിരുവനന്തപുരം : കേന്ദ്ര അഭ്യന്തരമന്ത്രാലയം പ്രഖ്യാപിച്ച ഇളവുകൾ അനുസരിച്ച് മുൻസിപ്പാലിറ്റികളിലേയും കോർപറേഷനുകളുടേയും പരിധിക്ക് പുറത്ത് ചട്ടപ്രകാരം രജിസ്റ്റർ ചെയ്ത എല്ലാ കടകൾക്കും തുറന്ന് പ്രവർത്തിക്കാമെന്ന് മുഖ്യമന്ത്രി. എന്നാൽ സിംഗിൾ ബ്രാൻഡ്, മൾട്ടി ബ്രാൻഡ് മാളുകൾക്ക് ഇളവ് ബാധകമല്ല. കടകൾ തുറക്കുന്നതിലുള്ള ആശയക്കുഴപ്പങ്ങൾ സംസ്ഥാന സർക്കാരിന്റെ ഉത്തരവിറങ്ങുമ്പോൾ മാറുമെന്ന് മുഖ്യമന്ത്രി പറഞ്ഞു. മുൻസിപ്പിൽ കോ‍ർപറേഷൻ പരിധിയിലാണെങ്കിലും ഒറ്റപ്പെട്ടു കിടക്കുന്ന സ്ഥാപനങ്ങളും തുറക്കാം. തുറക്കുന്ന സ്ഥാപനങ്ങളിൽ അൻപത് ശതമാനം ജീവനക്കാർ മാത്രമേ പാടൂള്ളൂ. സാമൂഹിക അകലം പാലിക്കുകയും എല്ലാവരും മാസ്ക് ധരിക്കുകയും വേണമെന്നും മുഖ്യമന്ത്രി പറഞ്ഞു. ഉത്തരവ് വന്നാൽ ഉടനെ കട തുറക്കാം എന്നു കരുതേണ്ട. കട ശുചീകരിക്കുകയും അണുവിമുക്തമാക്കുകയും വേണം. എന്നിട്ട് വേണം കട തുറന്നു പ്രവർത്തിക്കാൻ. അതിന് നമ്മുടെ വ്യാപാരികൾ പ്രത്യേക ശ്രദ്ധ ചെലുത്തണം. ഇതിന് വേണ്ട മാർഗ നിർദേശങ്ങളോട് കൂടിയ ഉത്തരവ് സംസ്ഥാന സർക്കാർ പുറപ്പെടുവിക്കുമെന്നും മുഖ്യമന്ത്രി പറഞ്ഞു.
Read More » - Top Stories
കോവിഡ് ബാധിച്ച 84 കാരൻ രോഗമുക്തി നേടിയതിൽ ആരോഗ്യപ്രവർത്തകരെ അഭിനന്ദിച്ച്‌ മുഖ്യമന്ത്രി
തിരുവനന്തപുരം: കൊവിഡ് ബാധിച്ച് അതീവ ഗുരുതരവാസ്ഥയിലായിരുന്ന 84-കാരനായ കൂത്തുപറമ്പ് സ്വദേശി മൂരിയാട് അബൂബക്കർ രോഗമുക്തി നേടിയതിൽ ആരോഗ്യപ്രവർത്തകരെ അഭിനന്ദിച്ച്‌ മുഖ്യമന്ത്രി. 60 വയസിന് മുകളിൽ പ്രായമുള്ളവരെല്ലാം ഹൈ റിസ്കിലാണ് എന്നിരിക്കെയാണ് വൃക്കരോഗമടക്കമുള്ള അബൂബക്കറിനെ രക്ഷിക്കാനായത് നേട്ടമാണെന്ന് മുഖ്യമന്ത്രി പിണറായി വിജയൻ പറഞ്ഞു. അദ്ദേഹത്തെ ജീവിതത്തിലേക്ക് മടക്കിക്കൊണ്ടുവന്ന കോഴിക്കോട് മെഡിക്കൽ കോളേജിലെ എല്ലാ ഡോക്ടർമാർക്കും നഴ്സുമാർക്കും മറ്റ് ജീവനക്കാർക്കും അഭിനന്ദനങ്ങൾ അറിയിക്കുന്നതായും മുഖ്യമന്ത്രി വാർത്താസമ്മേളനത്തിൽ പറഞ്ഞു.
Read More » - Top Stories
സംസ്ഥാനത്ത് ഇന്ന് ഏഴു പേർക്കു കൂടി കോവിഡ്
തിരുവനന്തപുരം : സംസ്ഥാനത്ത് ഇന്ന്(ശനിയാഴ്ച) ഏഴു പേർക്കു കൂടി കോവിഡ് 19 സ്ഥിരീകരിച്ചു. കോട്ടയത്തും കൊല്ലത്തും മൂന്നുപേർക്കും കണ്ണൂരിൽ ഒരാൾക്കുമാണ് രോഗം സ്ഥിരീകരിച്ചത്. കൊല്ലത്ത് രോഗബാധയുണ്ടായ ഒരാൾ ആരോഗ്യ പ്രവർത്തകയാണ്. മുഖ്യമന്ത്രി പിണറായി വിജയൻ വാർത്താസമ്മേളനത്തിലാണ് അദ്ദേഹം ഇക്കാര്യം അറിയിച്ചത്. ഇന്ന് ഏഴുപേർ രോഗമുക്തി നേടി. കോഴിക്കോട്, കണ്ണൂർ, കാസർകോട് എന്നിവിടങ്ങളിൽ രണ്ടുപേർ വീതവും വയനാട്ടിൽ ഒരാളുമാണ് രോഗമുക്തി നേടിയത്. സംസ്ഥാനത്ത് ആകെ രോഗം സ്ഥിരീകരിച്ചത് 457 പേർക്കാണ്. 116 പേർ നിലവിൽ ചികിത്സയിലുണ്ട്.
Read More » - News
സിനിമാ നടന്‍ രവി വള്ളത്തോള്‍ അന്തരിച്ചു
തിരുവന്തപുരം : പ്രശസ്ത സിനിമ-നാടക നടന്‍ രവി വള്ളത്തോള്‍ അന്തരിച്ചു. 67വയസായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. പ്രശസ്ത നാടകകൃത്ത് ടി.എന്‍.ഗോപിനാഥന്‍ നായര്‍- സൗദാമിനി ദമ്പതികളുടെ മകനായി മലപ്പുറം ജില്ലയിലാണ് ജനിച്ചത്. മഹാകവി വള്ളത്തോള്‍ നാരായണമേനോന്റെ അനന്തരവനാണ് രവി വള്ളത്തോള്‍. 1976-ല്‍ മധുരം തിരുമധുരം എന്ന ചിത്രത്തിന് വേണ്ടി ‘താഴ്‌വരയില്‍ മഞ്ഞുപെയ്തു’ എന്ന ഗാനം എഴുതിക്കൊണ്ടാണ് രവി വള്ളത്തോളിന്റെ സിനിമാ ബന്ധം തുടങ്ങുന്നത്. 1986-ല്‍ ഇറങ്ങിയ രേവതിക്കൊരു പാവക്കുട്ടി എന്ന സിനിമയുടെ കഥ രവി വള്ളത്തോളിന്റെതായിരുന്നു. 1986-ല്‍ ദൂരദര്‍ശന്‍ സംപ്രേഷണം ചെയ്ത ‘വൈതരണി’ എന്ന സീരിയലിലൂടെയാണ് രവിവള്ളത്തോള്‍ അഭിനേതാവാകുന്നത്. അദ്ദേഹത്തിന്റെ അച്ഛന്‍ ടി എന്‍ ഗോപിനാഥന്‍ നായരുടെ തായിരുന്നു സീരിയലിന്റെ തിരക്കഥ. തുടര്‍ന്ന് ഏതാണ്ട് നൂറോളം സീരിയലുകളില്‍ രവി വള്ളത്തോള്‍ അഭിനയിച്ചു.
Read More » - News
ഗുരുതര രോഗം ബാധിച്ച നിര്‍ധനർക്ക് തദ്ദേശഭരണ സ്ഥാപനങ്ങള്‍ വഴി മരുന്ന് നല്‍കും
തിരുവനന്തപുരം : കോവിഡ് ഇതര ഗുരുതര രോഗം ബാധിച്ച നിര്‍ധന രോഗികള്‍ക്ക് തദ്ദേശഭരണ സ്ഥാപനങ്ങള്‍ വഴി മരുന്ന് നല്‍കും. തദ്ദേശഭരണ സ്ഥാപനങ്ങളുടെ നിയന്ത്രണത്തിലുള്ള ആരോഗ്യസ്ഥാപനങ്ങളിലൂടെയാകും മരുന്ന് ലഭ്യമാക്കുക. അടച്ചുപൂട്ടലില്‍ വരുമാനം നിലച്ച നിര്‍ധനരോഗികള്‍ക്ക്‌ ഈ പദ്ധതിയുടെ പ്രയോജനം ലഭിക്കും. ഡയാലിസിസിന് വിധേയരാകുന്നവര്‍, അവയവം മാറ്റിവച്ചവര്‍, അര്‍ബുദബാധിതര്‍ എന്നിവര്‍ക്ക് പ്രയോജനം ലഭിക്കും. ഇന്‍സുലിന്‍ ഉള്‍പ്പെടെ അത്യാവശ്യ മരുന്നുകള്‍ മെഡിക്കല്‍ സര്‍വീസ് കോര്‍പറേഷനില്‍നിന്ന് ലഭിക്കാന്‍ കാലതാമസമുണ്ടായാല്‍ കാരുണ്യ, നീതി സ്റ്റോറുകളില്‍നിന്ന് വാങ്ങാനുള്ള അനുമതിയും നല്‍കിയതായി തദ്ദേശ ഭരണ മന്ത്രി എ സി മൊയ്തീന്‍ അറിയിച്ചു.
Read More » - News
പിഎസ്‌സി നിയമനങ്ങള്‍ കാലാവധി കഴിഞ്ഞ റാങ്ക് ലിസ്റ്റില്‍ നിന്ന് വേണ്ടെന്ന് സുപ്രീംകോടതി
ഡൽഹി : പിഎസ്‌സി നിയമനങ്ങള്‍ കാലാവധി കഴിഞ്ഞ റാങ്ക് ലിസ്റ്റില്‍ നിന്ന് വേണ്ടെന്ന് സുപ്രീംകോടതി വിധി.നിലവിലുള്ള ഒഴിവുകളില്‍ പുതിയ ലിസ്റ്റ് പ്രകാരം നിയമനം നടത്താമെന്നാണ് കോടതി നിർദ്ദേശിച്ചത്. കാലാവധി കഴിഞ്ഞ ലിസ്റ്റില്‍ നിന്ന് നിയമനം സാധ്യമല്ലെന്ന കേരള പിഎസ്‌സി നിലപാട് ശരിവച്ചാണ് സുപ്രീംകോടതി വിധി. 2013 ലെ സബ് ഇന്‍സ്പെക്ടര്‍ ട്രെയിനി ലിസ്റ്റുമായി ബന്ധപ്പെട്ടാണ് കോടതി വിധി ഉണ്ടായിരിക്കുന്നത്. ഈ ലിസ്റ്റിലെ എന്‍ജെഡി ഒഴിവുകള്‍ അതേ ലിസ്റ്റില്‍ നിന്ന് തന്നെ നികത്തണമെന്ന ആവശ്യം കോടതി തള്ളി. ജസ്റ്റിസ്മാരായ എഎം ഖാന്‍വില്‍ക്കര്‍, ദിനേശ് മഹേശ്വരി എന്നിവരടങ്ങിയ ബെഞ്ചിന്റേതാണ് വിധി.
Read More »
