Month: April 2020
- Top Stories
അമേരിക്കയിൽ കൊവിഡ് ബാധിച്ച് ഒരു മലയാളി കൂടി മരിച്ചു
ന്യൂയോർക്ക് : അമേരിക്കയിൽ കൊവിഡ് ബാധിച്ച് മലയാളി മരിച്ചു. തിരുവല്ല പുറമറ്റം വെള്ളിക്കര മാളിയേക്കൽ വീട്ടിൽ ഏലിയാമ്മ ജോസഫാണ് മരിച്ചത്. ഇതോടെ ഒരു കുടുംബത്തിലെ മൂന്നുപേർ കൊവിഡ് ബാധിച്ചു മരിച്ചു. ഏലിയാമ്മയുടെ ഭർത്താവ് കെജെ ജോസഫ്, ഇദ്ദേഹത്തിന്റെ സഹോദരൻ ഈപ്പൻ ജോസഫ് എന്നിവരാണ് മാളിയേക്കൽ കുടുംബത്തിൽ ആദ്യം കൊവിഡ് ബാധിച്ച് മരിച്ചത്. ഇതിന് പിന്നാലെ ഭാര്യയായ ഏലിയാമ്മ ജോസഫിനും മക്കൾക്കും രോഗം സ്ഥിരീകരിക്കുകയായിരുന്നു. ഇവരുടെ മക്കൾ രണ്ടുപേരും ന്യുയോർക്കിൽ കോവിഡ് ചികിത്സയിലാണ്.
Read More » - Top Stories
രാജ്യത്ത് കോവിഡ് ബാധിതർ കാൽ ലക്ഷത്തിലേക്ക്
ന്യൂഡൽഹി : രാജ്യത്ത് കോവിഡ് ബാധിതർ കാൽ ലക്ഷത്തിലേക്ക്. കേന്ദ്ര ആരോഗ്യ വകുപ്പിന്റെ കണക്കുകൾ പ്രകാരം ഇതുവരെ 24, 506 പേർക്കാണ് കോവിഡ് സ്ഥിരീകരിച്ചത്. 24 മണിക്കൂറിനിടെ റിപ്പോർട്ട് ചെയ്തത് 1429 പുതിയ കേസുകളാണ്. കഴിഞ്ഞ 24 മണിക്കൂറിനിടെ 57 കോവിഡ് മരണങ്ങളാണ് രാജ്യത്ത് സംഭവിച്ചത്. ഇതോടെ കോവിഡ് മഹാമാരിയില്‍ മരിച്ചവരുടെ എണ്ണം 775 ആയി. 18, 668 പേർ രാജ്യത്ത് നിലവിൽ ചികിത്സയിലുണ്ട്. 5063 പേർ രോഗമുക്തി നേടി. മഹാരാഷ്ട്ര, തമിഴ്നാട്, ഗുജറാത്ത്, രാജസ്ഥാൻ സംസ്ഥാനങ്ങളിലും ദില്ലിയിലും കൊവിഡ് ബാധിതരുടെ എണ്ണത്തിൽ വൻ വർദ്ധനവാണുള്ളത്. ദില്ലിയില്‍ രോഗ ബാധിതർ 2514 ആയി ഉയര്‍ന്നു. ഇതുവരെ 53 പേര്‍ കൊവിഡ് ബാധിച്ച് മരിച്ചു. മഹാരാഷ്ട്രയിൽ 24 മണിക്കൂറിനിടെ 18 പേർ മരിച്ചതോടെ മരണ സംഖ്യ 300 കടന്നു. സംസ്ഥാനത്ത് മുംബൈയിലാണ് സ്ഥിതി ഏറ്റവും രൂക്ഷമായി തുടരുന്നത്. രാജ്യത്ത് ഒരു ലക്ഷം പേര്‍ക്ക് കൊവിഡ് പരിശോധന നടത്തിയ ആദ്യ സംസ്ഥാനമായി മഹാരാഷ്ട്ര. 1,02189 പേരെയാണ് ഇതുവരെ പരിശോധിച്ചത്. ഇതിൽ 6718 പേർക്ക് കൊവിഡ് സ്ഥിരീകരിച്ചു. ഇന്നലെ മാത്രം 394 പേർക്കാണ് രോഗം സ്ഥിരീകരിച്ചത്.
Read More » - Top Stories
പ്രവാസികൾക്ക് നാട്ടിലെത്താനുള്ള അവസരമൊരുങ്ങുന്നു
ന്യൂഡൽഹി : വിദേശത്ത് കുടുങ്ങിക്കിടക്കുന്ന ഇന്ത്യക്കാർക്ക് നാട്ടിലെത്താൻ അവസരമൊരുങ്ങുന്നു. നാട്ടിലെത്തുന്ന പ്രവാസികൾക്കായി സംസ്ഥാന സർക്കാരുകൾ ഒരുക്കിയിരിയ്ക്കുന്ന സംവിധാനങ്ങളെക്കുറിച്ച്‌ വിശദശാംശങ്ങൾ നൽകണം എന്നാവശ്യപ്പെട്ട് വിദേശകാര്യ സെക്രട്ടറി സംസ്ഥാന ചീഫ് സെക്രട്ടറിമാർക്ക് കത്തയച്ചു. വിശദാംശങ്ങൾ ചർച്ച ചെയ്യാൻ ക്യാബിനറ്റ് സെക്രട്ടറി രാജീവ് ഗോബയുടെ നേതൃത്വത്തിൽ ഉന്നതതലയോഗം ചേരും. വിദേശകാര്യമന്ത്രാലയം ഗൾഫിലും യൂറോപ്യൻ രാജ്യങ്ങളിലും ഉള്ള ഇന്ത്യക്കാരുടെ കണക്ക് എംബസികൾ മുഖേന ശേഖരിച്ചിട്ടുണ്ട്. ഇതുകൂടി അടിസ്ഥാനമാക്കിയാക്കിയായിക്കും കേന്ദ്ര നടപടികൾ.
Read More » - News
പുതിയ കോളേജ് അധ്യയന വർഷം സെപ്തംബറിൽ
ന്യൂഡൽഹി : രാജ്യത്തെ കോളേജുകളിലെ അടുത്ത അധ്യയന വർഷം സെപ്തംബറിൽ തുടങ്ങിയാൽ മതിയെന്ന് യു ജി സി ഉപസമിതിയുടെ നിർദ്ദേശം.വർഷാന്ത്യ പരീക്ഷകളും സെമസ്റ്റർ പരീക്ഷകളും ജൂലായിൽ നടത്താനും സമിതിയുടെ നിർദേശമുണ്ട്. രാജ്യത്ത് കോവിഡ് ഭീഷണിയുടെ പശ്ചാത്തലത്തിലാണ് യു ജി സി ഉപസമിതിയുടെ നിർദ്ദേശങ്ങൾ. ജൂലൈ പകുതിയോടെ ആരംഭിക്കേണ്ട അധ്യായന വർഷമാണ് ഒന്നരമാസം വൈകി സെപ്തംബറിൽ ആരംഭിച്ചാൽ മതിയെന്ന് നിർദ്ദേശിച്ചിരിയ്ക്കുന്നത്. മെഡിക്കൽ എൻജിനിയറിംഗ് പ്രവേശന പരീക്ഷകളുടെ നേരത്തെ നിശ്ചയിച്ച തീയതിയും നീണ്ടുപോകാൻ സാധ്യതയുണ്ട്. എന്നാൽ ഇക്കാര്യത്തിൽ സുപ്രീംകോടതിയുടെ അനുമതി ആവശ്യമാണ്.
Read More » - Top Stories
ലോകത്ത് കൊവിഡ് മരണം രണ്ട് ലക്ഷത്തിലേക്ക്
കൊവിഡ് മരണം ലോകത്ത് രണ്ട് ലക്ഷത്തിലേക്ക് എത്തി. 24 മണിക്കൂറിനിടെ ആറായിരത്തിലധികം പേരാണ് മരിച്ചത്. ലോകത്താകെ കൊവിഡ് രോഗികളുടെ എണ്ണം 2826000 കടന്നു. ഒരു ലക്ഷത്തിലധികം ആളുകളാണ് 24മണിക്കൂറിനിടെ രോഗബാധിതരായത്. എട്ട് ലക്ഷത്തോളം ആളുകൾ ലോകത്താകെ രോഗമുക്തരായി. അമേരിക്കയിൽ മരിച്ചവരുടെ എണ്ണം അരലക്ഷം കടന്നു. പത്ത് ദിവസത്തിനിടെയാണ് മരണസംഖ്യ കാൽ ലക്ഷത്തിൽ നിന്ന് അരലക്ഷമായി വർധിച്ചത്. വെള്ളിയാഴ്ച 1951 പേരാണ് മരിച്ചത്. ഇതോടെ രാജ്യത്തെ ആകെ മരണം 51,017 ആയി. പകുതിയോളം മരണവും ന്യൂയോർക്കിലാണ് റിപ്പോർട്ട് ചെയ്തിരിക്കുന്നത്. അമേരിക്കയിലെ മൊത്തം രോഗബാധിതരുടെ എണ്ണം ഒമ്പത് ലക്ഷം കടന്നിട്ടുണ്ട്.
Read More » - News
ലോക്ക്ഡൗണിൽ കൂടുതൽ ഇളവുകൾ നൽകി കേന്ദ്രം
ന്യൂഡൽഹി : ലോക്ക്ഡൗണിൽ കൂടുതൽ ഇളവുകളുമായി കേന്ദ്ര സർക്കാർ. ഹോട്ട്സ്പോട്ട് അല്ലാത്ത മേഖലകളിൽ അവശ്യ സാധനങ്ങൾ അല്ലാത്ത ചെറിയ കടകളും ഇന്ന് മുതൽ തുറന്ന് പ്രവർത്തിപ്പിക്കാൻ അനുമതി. കേന്ദ്ര ആഭ്യന്തര മന്ത്രാലയം വെള്ളിയാഴ്ച രാത്രിയോടെയാണ് ഇളവ് സംബന്ധിച്ച ഉത്തരവ് ഇറക്കിയത്.
Read More » - Top Stories
വരുന്ന അധ്യയനവർഷം സ്കൂളുകളിൽ മാസ്ക് നിർബന്ധമാക്കി
തിരുവനന്തപുരം : കോവിഡ് ഭീതിയുടെ പശ്ചാത്തലത്തിൽ വരുന്ന അധ്യയനവർഷം മുഴുവൻ കുട്ടികളും അധ്യാപകരും മാസ്ക് അണിഞ്ഞുമാത്രമേ വിദ്യാലയങ്ങളിലെത്താവൂ എന്ന് ആരോഗ്യവകുപ്പ് നിർദേശം. മേയ് 30-നുമുമ്പ് കേരളത്തിലെ പൊതുവിദ്യാലയങ്ങളിലെ അരക്കോടിയോളം വിദ്യാർഥികൾക്കും അധ്യാപകർക്കും സൗജന്യമായി മുഖാവരണം നിർമിച്ചുനൽകാൻ സമഗ്ര ശിക്ഷാ കേരളത്തെ ചുമതലപ്പെടുത്തി. രണ്ടു മുഖാവരണങ്ങളാണ് ഒരുകുട്ടിക്ക് നൽകുക. തുണികൊണ്ടുള്ള മുഖാവരണം യൂണിഫോം പോലെ സൗജന്യമായിരിക്കും. ഗുണനിലവാരമുള്ള തുണിയിൽ അന്താരാഷ്ട്ര മാനദണ്ഡമനുസരിച്ചാണ് മാസ്ക് നിർമാണം. കോവിഡ് രോഗികൾ സംസ്ഥാനത്ത് ഇല്ലാതായാലും അധ്യയന വർഷം മിഴുവൻ കുട്ടികളും അധ്യാപകരും മറ്റ് ജീവനക്കാരും മാസ്ക് ധരിച്ചു മാത്രമേ സ്കൂളിൽ എത്താവു.
Read More » - News
കോവിഡ് പ്രതിരോധം:അന്താരാഷ്ട്ര സെമിനാർ ഇന്ന്
തിരുവനന്തപുരം : കോവിഡ് പ്രതിരോധ പ്രവർത്തനങ്ങളെക്കുറിച്ച്‌ വിവിധ രാജ്യങ്ങളിൽ നിന്നുള്ള ആരോഗ്യ വിദഗ്ധർ പങ്കെടുക്കുന്ന, ഓൺലൈൻ വീഡിയോ സെമിനാർ ഇന്ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. വൈകിട്ട് 7 മണിക്കാണ് സെമിനാർ. കാനഡ, യു എസ്, സിംഗപ്പൂർ എന്നീ രാജ്യങ്ങളിൽ നിന്നുള്ള ആരോഗ്യ വിദഗ്ധരാണ് ചർച്ചയിൽ പങ്കെടുക്കുന്നത്.
Read More » - News
ഗോഡൗണിൽനിന്ന് വ്യക്തികൾക്ക് മദ്യം നൽകാം; അബ്കാരി നിയമം ഭേദഗതി ചെയ്ത് സർക്കാർ
തിരുവനന്തപുരം : ബിവറേജസ് ഗോഡൗണിൽനിന്ന് ആവശ്യക്കാർക്ക് മദ്യം നൽകാമെന്ന വ്യവസ്ഥ കൂട്ടിച്ചേർത്ത് അബ്കാരി നിയമം ഭേദഗതി ചെയ്ത് സംസ്ഥാന സർക്കാർ. മാർച്ച് 30 മുതൽ മുൻകാല പ്രാബല്യത്തോടെയാണ് ഭേദഗതി കൊണ്ടുവന്നിരിക്കുന്നത്. നിയമപരമായ അളവിൽ മദ്യം നൽകാമെന്നാണ് ഭേദഗതിയിൽ പറയുന്നത്. ഓൺലൈൻ മദ്യവിതരണം ഉൾപ്പെടെയുള്ള സാധ്യതകൾ മുന്നിൽക്കണ്ടാണ് സർക്കാർ നീക്കമെന്നാണ് വിലയിരുത്തൽ. ഏപ്രിൽ 24ലെ അസാധാരണ ഗസറ്റ് വിജ്ഞാപനത്തിലൂടെയാണ് സർക്കാർ ഉത്തരവ് പുറത്തിറക്കിയിരിക്കുന്നത്. ലോക്ക്ഡൗൺ പ്രഖ്യാപിച്ചതിനു പിന്നാലെ സംസ്ഥാനത്തെ മദ്യശാലകൾ അടച്ചിരുന്നു. ഇതിനു പിന്നാലെ മദ്യാസക്തി ഉള്ളവർക്ക് ഡോക്ടറുടെ കുറിപ്പടിയിൽ മദ്യം വിതരണം ചെയ്യാമെന്ന് സർക്കാർ ഉത്തരവ് പുറത്തിറക്കി. എന്നാൽ ഈ ഉത്തരവ് ഹൈക്കോടതി മൂന്നാഴ്ചത്തേക്ക് സ്റ്റേ ചെയ്യ്തിരുന്നു. മെയ്‌ മൂന്നിന് ശേഷം വീണ്ടും മദ്യശാലകൾ അടച്ചിടേണ്ട അവസ്ഥ വന്നാൽ പുതിയ ഉത്തരവിന്റെ അടിസ്ഥാനത്തിൽ ഓൺലൈൻ ഉൾപ്പെടെയുള്ള മാർഗ്ഗങ്ങളിലൂടെ സർക്കാരിന് മദ്യം ആവശ്യക്കാർക്ക് എത്തിക്കാൻ കഴിഞ്ഞേക്കും.
Read More » - Top Stories
സ്വകാര്യതാ ലംഘനം ഉണ്ടായാല്‍ സ്പ്രിങ്ക്ളറിനെ വിലക്കുമെന്ന് ഹൈക്കോടതി
കൊച്ചി : കോവിഡ് രോഗികളുടെ വിവരങ്ങള്‍ ഉള്‍പ്പെടെയുള്ള ഡേറ്റകളുടെ രഹസ്യാത്മകത ഉറപ്പാക്കിയതിനുശേഷമേ സ്പ്രിങ്ക്ളറിനു കൈമാറാന്‍ പാടുള്ളൂവെന്ന് ഹൈക്കോടതിയുടെ ഇടക്കാല ഉത്തരവ്. സ്പ്രിങ്ക്ളര്‍ കരാര്‍ റദ്ദാക്കണമെന്നാവശ്യപ്പെട്ടുള്ള ഹര്‍ജികള്‍ പരിഗണിച്ചാണ് കോടതിയുടെ ഇടക്കാല ഉത്തരവ്.
Read More »
