Top Stories
രാജ്യത്ത് കോവിഡ് ബാധിതരുടെ എണ്ണം 40,000 കടന്നു
ന്യൂഡൽഹി : രാജ്യത്ത് കോവിഡ് ബാധിതരുടെ എണ്ണം 40,000 കടന്നു. 24 മണിക്കൂറിനുള്ളിൽ 2,487 പുതിയ കേസുകളാണ് റിപ്പോർട്ട് ചെയ്തിട്ടുള്ളത്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 40,263 ആയി. കേന്ദ്ര ആരോഗ്യ-കുടുംബക്ഷേമ മന്ത്രാലയമാണ് ഈക്കാര്യം അറിയിച്ചത്. 28,070 പേരാണ് നിലവിൽ ചികിത്സയിലുള്ളത്. 10,887 പേർ രോഗമുക്തരായി. 1,306 പേർക്കാണ് ഇതിനോടകം ജീവൻ നഷ്ടമായത്. കഴിഞ്ഞ 24 മണിക്കൂറിനിടെ 83 പേർ മരിച്ചു.
രാജ്യത്ത് ഏറ്റവും കൂടുതൽ കോവിഡ്-19 ബാധിതരുള്ള സംസ്ഥാനം മഹാരാഷ്ട്രയാണ്. 12,296 പേർക്കാണ് മഹാരാഷ്ട്രയിൽ രോഗം സ്ഥിരീകരിച്ചിട്ടുള്ളത്. 2000 പേർ രോഗമുക്തി നേടി. 521 പേർക്കാണ് ഇതിനോടകം ജീവൻ നഷ്ടമായത്.
രോഗബാധിതരുടെ എണ്ണത്തിൽ ഗുജറാത്താണ് രണ്ടാംസ്ഥാനത്ത്. 5,055 പേർക്കാണ് ഗുജറാത്തിൽ ഇതുവരെ രോഗം ബാധിച്ചിട്ടുള്ളത്. 896 പേർ രോഗമുക്തി നേടി. 262 പേരാണ് ഇതുവരെ മരിച്ചത്. ഡൽഹിയാണ് രോഗബാധിതരുടെ എണ്ണത്തിൽ മൂന്നാമത്. 4,122 പേർക്കാണ് ഡൽഹിയിൽ രോഗം ബാധിച്ചത്. 2,802 പേർ നിലവിൽ ചികിത്സയിലുണ്ട്. 64 പേർ ഡൽഹിയിൽ കോവിഡ് ബാധയാൽ മരണപ്പെട്ടു.
