ഷാർജയിലെ റെസിഡൻഷ്യൽ ടവറിൽ വൻ തീപിടുത്തം

49 നില കെട്ടിടത്തിലാണ് തീപിടുത്തമുണ്ടായത്. ഇതിലെ 38 നിലകളിൽ താമസക്കാരുണ്ട്. ഇവരെ ഒഴിപ്പിച്ചു. അടുത്തുള്ള കെട്ടിടങ്ങളിലെ താമസക്കാരെയും സുരക്ഷ മുൻനിർത്തി ഒഴിപ്പിച്ചു. സിവിൽ ഡിഫൻസ് അധികൃതർക്ക് അലേർട്ട് ലഭിച്ച ശേഷം രണ്ടുമണിക്കൂറിനകം തീ നിയന്ത്രണവിധേയമാക്കാനായി. രാത്രി 9 മണിയോടെയാണ് അബ്കോ ടവറിന്റെ പത്താം നിലയിൽ നിന്ന് തീ പടർന്ന്  പിടിച്ചതെന്നാണ് റിപ്പോർട്ടുകൾ. തൊട്ടടുത്തുള്ള കെട്ടിടത്തിലേക്കും തീ പടർന്നിരുന്നു.