സംസ്ഥാനത്ത് 6 പുതിയ കോവിഡ് ഹോട്ട്സ്പോട്ടുകൾ കൂടി

തിരുവനന്തപുരം : സംസ്ഥാനത്ത് ആറ് പുതിയ കോവിഡ് ഹോട്ട്സ്പോട്ടുകൾ കൂടി. കൊല്ലത്ത് ഒന്ന്, പാലക്കാട്ട് അഞ്ച് എന്നിങ്ങനെയാണ് ആറ് പുതിയ ഹോട്ട്സ്പോട്ടുകൾ. ഇതോടെ  സംസ്ഥാനത്തെ ആകെ ഹോട്ട്സ്പോട്ടുകളുടെ എണ്ണം 29 ആയി.

സംസ്ഥാനത്ത് ഇന്ന് 29 പേർക്കു കൂടി കോവിഡ്-19 സ്ഥിരീകരിച്ചു. ആരും രോഗമുക്തി നേടിയിട്ടില്ല.  കൊല്ലം-6,തൃശ്ശൂർ-4, തിരുവനന്തപുരം-3, കണ്ണൂർ-3, പത്തനംതിട്ട, ആലപ്പുഴ, കോട്ടയം, കോഴിക്കോട്, കാസർകോട് എന്നീ ജില്ലകളിൽ രണ്ടുപേർക്കു വീതവും എറണാകുളം, പാലക്കാട്, മലപ്പുറം എന്നിവിടങ്ങളിൽ ഓരോരുത്തർക്കുമാണ് ഇന്ന് രോഗം സ്ഥിരീകരിച്ചത്.