സംസ്ഥാനത്ത് മൂന്ന് പുതിയ ഹോട്ട്സ്പോട്ടുകൾ

തിരുവനന്തപുരം : സംസ്ഥാനത്ത് മൂന്ന് പുതിയ ഹോട്ട്സ്പോട്ടുകൾ കൂടി. പാലക്കാട് ജില്ലയിലെ തൃക്കടീരി, ശ്രീകൃഷ്ണപുരം, കണ്ണൂർ ജില്ലയിലെ ധർമ്മടം എന്നിവയാണ് പുതിയ ഹോട്ട്സ്പോട്ടുകൾ. എട്ട് പ്രദേശങ്ങളെ ഹോട്ട്സ്പോട്ടുകളിൽനിന്ന് ഒഴിവാക്കിയിട്ടുണ്ട്. നിലവിൽ സംസ്ഥാനത്ത് ആകെ 28 ഹോട്ട്സ്പോട്ടുകളാണുള്ളത്.

സംസ്ഥാനത്ത്  24 പേർക്കാണ് ഇന്ന്  കോവിഡ് സ്ഥിരീകരിച്ചത്. മലപ്പുറം ജില്ലയിൽനിന്നുള്ള അഞ്ചു പേർക്കും കണ്ണൂർ ജില്ലയിൽനിന്നുള്ള നാലു പേർക്കും കോട്ടയം, തൃശൂർ ജില്ലകളിൽ നിന്നുള്ള മൂന്നു പേർക്ക് വീതവും തിരുവനന്തപുരം, കൊല്ലം, ആലപ്പുഴ ജില്ലകളിൽനിന്ന് രണ്ടു പേർക്ക് വീതവും ഇടുക്കി, പാലക്കാട്, കാസർകോട് ജില്ലകളിൽ ഓരോരുത്തർക്കുമാണ് രോഗം സ്ഥിരീകരിച്ചത്.

ഇതില്‍ 14 പേര്‍ വിദേശത്തു നിന്നും (യു.എ.ഇ.-8, കുവൈറ്റ്-4, ഖത്തര്‍-1, മലേഷ്യ-1) 10 പേര്‍ മറ്റ് സംസ്ഥാനങ്ങളില്‍ നിന്നും (മഹാരാഷ്ട്ര-5, തമിഴ്‌നാട്-3, ഗുജറാത്ത്-1, ആന്ധ്രപ്രദേശ്-1) വന്നതാണ്.