പാകിസ്ഥാനിൽ വിമാനാപകടത്തിൽ മരിച്ചവർക്ക് ആദരാഞ്ജലി അർപ്പിച്ച്‌ മോദി
ഡൽഹി : പാകിസ്ഥാനിൽ യാത്രാവിമാനം തകര്‍ന്ന് മരിച്ചവര്‍ക്ക് അനുശോചനം അറിയിച്ച്‌ ഇന്ത്യന്‍ പ്രധാനമന്ത്രി നരേന്ദ്ര മോദി. ‘പാകിസ്ഥാനില്‍ വിമാനാപകടത്തില്‍ ആളുകള്‍ക്ക് ജീവന്‍ നഷ്ടപ്പെട്ടതില്‍ അഗാധമായദുഃഖമുണ്ട്. മരിച്ചവരുടെ കുടുംബങ്ങള്‍ക്ക് ഞങ്ങളുടെ അനുശോചനം, പരിക്കേറ്റവര്‍ വേഗം സുഖം പ്രാപിക്കട്ടെ എന്ന് ആശംസിക്കുന്നു’ എന്ന് പ്രധാനമന്ത്രി ട്വീറ്റ് ചെയ്തു.
ലാഹോറില്‍ നിന്ന് പുറപ്പെട്ട വിമാനമാണ് കറാച്ചിയില്‍ ഇറങ്ങുന്നതിന് മുൻപ് തകര്‍ന്നു വീണത്. പാകിസ്താന്‍ ഇന്റര്‍നാഷണല്‍ എയര്‍ലൈന്‍സിന്റയാണ് വിമാനം. 9 ജീവനക്കാരും 91 യാത്രക്കാരുമുൾപ്പെടെ വിമാനത്തില്‍ 99 യാത്രക്കാരുണ്ടായിരുന്നുവെന്നാണ് വിവരം. ലാന്‍ഡ് ചെയ്യുന്നതിന് ഒരു നിമിഷം മുൻപാണ് വിമാനം തകര്‍ന്നു വീണത്.
ജിന്ന അന്താരാഷ്ട്ര വിമാനത്താവളത്തിന് തൊട്ടടുത്തുള്ള മോഡല്‍ വില്ലേജിലേക്കാണ് യാത്ര വിമാനം ഇടിച്ചിറങ്ങിയത്. നിരവധി വീടുകൾ തകർന്നതായും റിപ്പോർട്ടുണ്ട്.
Deeply saddened by the loss of life due to a plane crash in Pakistan. Our condolences to the families of the deceased, and wishing speedy recovery to those injured.
— Narendra Modi (@narendramodi) May 22, 2020
