പാലക്കാട്‌ ഒരു മലപ്പുറം സ്വദേശി ഉൾപ്പെടെ 30 പേർക്ക് ഇന്ന് കോവിഡ്

പാലക്കാട് : ജില്ലയിൽ ഇന്ന് ഒരു മലപ്പുറം സ്വദേശി ഉൾപ്പെടെ 30 പേർക്ക് കോവിഡ് 19 സ്ഥിരീകരിച്ചു. 30 പേര്‍ക്ക് ഒരു ദിവസം രോഗം സ്ഥിരീകരിച്ചതോടെ വലിയ ആശങ്കയിലാണ് പാലക്കാട് ജില്ല. ഇന്ന് രണ്ട് പേര്‍ ജില്ലയില്‍ രോഗമുക്തരായി. ഇത് വരെ 96 പേര്‍ക്കാണ് പാലക്കാട് ജില്ലയില്‍ കൊവിഡ് 19 സ്ഥിരീകരിച്ചത് ഇതില്‍ 15 പേരാണ് രോഗമുക്തരായത്. നിലവില്‍ 81 പേരാണ് ജില്ലയില്‍ ചികിത്സയില്‍ തുടരുന്നത്. പാലക്കാട്ടെ മണ്ണാര്‍ക്കാട് മുന്‍സിപ്പാലിറ്റിയെ ഹോട്ട്സ്പോട്ട് പട്ടികയില്‍ ഉള്‍പ്പെടുത്തിയിട്ടുണ്ട്.

കുവൈത്ത്, ചെന്നൈ, ഗുജറാത്ത്, മഹാരാഷ്ട്ര, പോണ്ടിച്ചേരി, മാലിദ്വീപ്, കർണാടക, കോയമ്പത്തൂർ എന്നിവിടങ്ങളിൽ നിന്ന് എത്തിയവർക്കും പ്രാഥമിക സമ്പർക്ക പട്ടികയിൽ ഉൾപ്പെട്ട രണ്ടുപേർക്കും ആണ് രോഗം സ്ഥിരീകരിച്ചിട്ടുള്ളത്. 30 പേരിൽ 9 പേർ കപ്പൽ മുഖേന വന്നവരാണ്.

മെയ് 21-ന് ചെന്നൈയിൽ നിന്നും വന്ന ചിറ്റൂർ സ്വദേശി (37, പുരുഷൻ) ,മെയ് 12ന് ഗുജറാത്തിൽ നിന്നും എത്തിയ ഒറ്റപ്പാലം സ്വദേശി(30, പുരുഷൻ), മെയ് 18ന് മുംബൈയിൽ നിന്നും എത്തിയ പുൽപ്പുള്ളി സ്വദേശി(37, പുരുഷൻ), മെയ് 25 ന് ചെന്നൈയിൽ നിന്നും വന്ന നെല്ലായ സ്വദേശി(54, പുരുഷൻ) , മെയ് 25 ന് ചെന്നൈയിൽ നിന്നും വന്ന പട്ടിത്തറ സ്വദേശി(26, പുരുഷൻ) , മെയ് 17 ന് മാലിദ്വീപിൽ നിന്നും വന്ന ഒറ്റപ്പാലം ചുനങ്ങാട്(41, പുരുഷൻ),കരിമ്പുഴ (35, പുരുഷൻ) ,കുളപ്പുള്ളി (33, പുരുഷൻ), ഒറ്റപ്പാലം കല്ലടിക്കോട് (31, പുരുഷൻ), കാവശ്ശേരി (44, പുരുഷൻ), കൊപ്പം (24, പുരുഷൻ),ചാത്തന്നൂർ(41, പുരുഷൻ), ഒറ്റപ്പാലം വേലത്താവളം(29, പുരുഷൻ),  നിന്നുമെത്തിയ തൃത്താല  (30, പുരുഷൻ) സ്വദേശികൾ, മെയ് 13 കുവൈറ്റിൽ നിന്നും വന്ന ഒറ്റപ്പാലം ചുനങ്ങാട് സ്വദേശിക്ക് (40, പുരുഷൻ),മെയ് 19 ന് ചെന്നൈയിൽ നിന്നും വന്ന കുളപ്പുള്ളി സ്വദേശി (68, പുരുഷൻ),മെയ് 21 ന് ചെന്നൈയിൽ നിന്നും എത്തിയ ഷൊർണൂർ കവളപ്പാറ സ്വദേശി(25, പുരുഷൻ) , മെയ് ഏഴിന് ചെന്നൈയിൽ നിന്നും നാട്ടിലെത്തിയ പൊന്നാനി സ്വദേശി(40, പുരുഷൻ),മെയ് 15ന് മഹാരാഷ്ട്രയിൽ നിന്നും എത്തിയ ചെർപ്പുളശ്ശേരി സ്വദേശി(22, പുരുഷൻ), മെയ് ഒമ്പതിന്  മഹാരാഷ്ട്രയിൽ നിന്നും എത്തിയ ചെർപ്പുളശ്ശേരി സ്വദേശി (30, പുരുഷൻ), മെയ് ആറിന് ചെന്നൈയിൽ നിന്നും എത്തിയ കടമ്പഴിപ്പുറം സ്വദേശി(43, പുരുഷൻ),പോണ്ടിച്ചേരിയിൽ നിന്നും എത്തിയ പരുതൂർ സ്വദേശി (28, പുരുഷൻ), മുംബൈയിൽ നിന്നും എത്തിയ നെല്ലായ സ്വദേശി(38, പുരുഷൻ), മെയ് 17 ന് ചെന്നൈയിൽ നിന്നും എത്തിയ പട്ടാമ്പി സ്വദേശി(59, പുരുഷൻ) ,മുംബൈയിൽ നിന്നും എത്തിയ നെല്ലായ സ്വദേശി (34, പുരുഷൻ), മെയ് 17 ന് ബാംഗ്ലൂരിൽ നിന്നും എത്തിയ കുഴൽമന്ദം സ്വദേശി (53, സ്ത്രീ), മെയ് 24ന് ബാംഗ്ലൂരിൽ നിന്നും എത്തിയ വിളയൂർ സ്വദേശി (18, പുരുഷൻ), കോയമ്പത്തൂരിൽ നിന്നും എത്തിയ  പെരിങ്ങോട്ടുകുറുശ്ശി സ്വദേശി (21, പുരുഷൻ) എന്നിവർക്കാണ് രോഗബാധ സ്ഥിരീകരിച്ചത്. ഇതിൽ രണ്ട് പേർക്ക് സമ്പർക്കത്തിലൂടെയാണ് രോഗബാധ ഉണ്ടായിരിക്കുന്നത്.

കഴിഞ്ഞദിവസം മുതലമട സ്വദേശി രോഗം ഭേദമായി ആശുപത്രി വിട്ടതോടെ  നിലവിൽ പാലക്കാട് ജില്ലയിൽ കോവിഡ്‌ 19 സ്ഥിരീകരിച്ച് ചികിത്സയിൽ കഴിയുന്നവർ ഒരു മലപ്പുറം സ്വദേശിയും  മെയ് 23 ന് രോഗം സ്ഥിരീകരിച്ച ഒരു ഇടുക്കി സ്വദേശിനിയും (ആരോഗ്യ പ്രവർത്തകരിൽ ഒരാൾ) മെയ്24,  17 തീയതികളിലായി രോഗം സ്ഥിരീകരിച്ച രണ്ട് തൃശ്ശൂർ സ്വദേശികളും ഉൾപ്പെടെ 82 പേരായി.  കളമശ്ശേരി മെഡിക്കൽ കോളേജിൽ ചികിത്സയിലായിരുന്ന പാലക്കാട് ആലത്തൂർ സ്വദേശി രോഗം ഭേദമായി ആശുപത്രിവിട്ടു. നിലവിൽ വീട്ടിൽ നിരീക്ഷണത്തിലാണ്. നിലവിൽ ഒരു മങ്കര സ്വദേശി എറണാകുളത്തും ഒരു നെല്ലായ സ്വദേശി മഞ്ചേരിയിലും ചികിത്സയിലുണ്ട്.