Month: May 2020
- News
കണ്ണൂരിൽ കണ്ടെയ്ൻമെന്റ് സോണുകളിലുള്ള സ്കൂളുകളിലും പരിസരങ്ങളിലും നിരോധനാജ്ഞ
കണ്ണൂർ : ഇന്ന് എസ്.എസ്.എൽ.സി., പ്ലസ് ടു പരീക്ഷകൾ നടക്കുന്ന സാഹചര്യത്തിൽ കണ്ണൂർ ജില്ലയിൽ കണ്ടെയ്ൻമെന്റ് സോണുകളിലുള്ള സ്കൂളുകളിലും പരിസരങ്ങളിലും കളക്ടർ 144 പ്രഖ്യാപിച്ചു. സ്കൂൾ പരിസരങ്ങളിൽ അഞ്ചിൽക്കൂടുതൽ പേർ കൂടിനിൽക്കരുത്. കണ്ടെയ്ൻമെന്റ് സോണുകൾക്ക് പുറത്തുള്ള സ്കൂളുകളുടെ 500 മീറ്റർ ചുറ്റളവിനുള്ളിൽ കടകളൊന്നും തുറക്കാൻ പാടില്ല.
Read More » - Top Stories
സംസ്ഥാനത്ത് കോവിഡ് ബാധിച്ച് കണ്ണൂർ സ്വദേശിനി മരിച്ചു
കോഴിക്കോട് : സംസ്ഥാനത്ത് കോവിഡ് ബാധിച്ച് ഒരു മരണം കൂടി. കോഴിക്കോട് മെഡിക്കൽ കോളേജിൽ ചികിത്സയിലായിരുന്ന കണ്ണൂർ ധർമടം സ്വദേശിനി ആയിഷ (62) ആണ് മരിച്ചത്. ഇതോടെ സംസ്ഥാനത്തെ ആകെ കോവിഡ് മരണം 6 ആയി. ആയിഷയയ്ക്ക് എവിടുന്നാണ് കോവിഡ് സ്ഥിതീകരിച്ചതെന്ന് കണ്ടെത്തിയിട്ടില്ല. ഇവരുടെ കുടുംബത്തിലെ 7 പേർ കൂടി കോവിഡ് ബാധിതരാണ്. നാഡീസംബന്ധമായ അസുഖത്തിന് ചികിത്സയിലായിരുന്നു ആയിഷ. രണ്ടുദിവസമായി ഇവർ ഗുരുതരാവസ്ഥയിലായിരുന്നു. ഇന്ന് വൈകിട്ട് ഹൃദയാഘാതം കൂടി ഉണ്ടായതോടെ നിലവഷളാകുകയും തുടർന്ന് മരണം സംഭവിയ്ക്കുകയും ചെയ്തു.
Read More » - Top Stories
തിരുവനന്തപുരത്തെ മലയോര മേഖലയിൽ മഴയ്ക്ക് സാധ്യത; അരുവിക്കര ഡാം തുറന്നേക്കും
തിരുവനന്തപുരം : ഇന്ന് രാത്രി തിരുവനന്തപുരം ജില്ലയിലെ മലയോര മേഖലയിൽ മഴയുണ്ടാകാനുള്ള സാധ്യതയുണ്ടെന്ന് കാലാവസ്ഥ വകുപ്പും സംസ്ഥാന ദുരന്ത നിവാരണ അതോറിറ്റിയും അറിയിച്ചു. നീരൊഴുക്ക് വർദ്ധിച്ചാൽ ഡാം തുറക്കേണ്ടിവരുമെന്നു അരുവിക്കര ഡാമിന്റെ ചുമതലയുള്ള കേരളാ വാട്ടർ അതോറിറ്റിയും അറിയിച്ചിട്ടുണ്ട്. ഈ സാഹചര്യത്തിൽ കരമന ആറിന്റെ തീരത്തുള്ളവർ ജാഗ്രത പുലർത്തേണ്ടതാണെന്ന് ജില്ലാ കളക്ടർ കെ. ഗോപാലകൃഷ്ണൻ അറിയിച്ചു.
Read More » - Top Stories
കൊല്ലം ജില്ലയിൽ ഇന്ന് 2 പേർക്ക് കോവിഡ്
കൊല്ലം : തുടർച്ചയായ അഞ്ചാം ദിനവും ജില്ലയിൽ കോവിഡ് ഭീഷണി തുടരുന്നു. ഇന്ന് പുതിയതായി 2 പേർക്കാണ് രോഗബാധ സ്ഥിരീകരിച്ചത്. 2 പേർ രോഗമുക്തി നേടി. ജില്ലയിൽ പുതിയതായി കോവിഡ് പോസിറ്റീവ് ആയവരുടെ റൂട്ട്മാപ്പ് ജില്ലാഭരണകൂടം പുറത്തിറക്കി. ജില്ലയിൽ ഇന്ന് കോവിഡ് സ്ഥിതീകരിച്ചവരിൽ ഒരാൾ ഡൽഹിയിൽ നിന്നും സ്പെഷൽ ട്രെയിനിൽ എത്തിയ തേവലക്കര അരിനല്ലൂർ സ്വദേശിയായ 38കാരനാണ്(P36). മറ്റൊരാൾ കരുനാഗപ്പള്ളി തുറയിൽകുന്ന് സ്വദേശിയായ 23 വയസുള്ള യുവതിയാണ്(P37). മസ്കറ്റിൽ നിന്നും CAI 554 നമ്പർ സ്പെഷൽ ഫ്ലൈറ്റിൽ തിരുവനന്തപുരത്ത് എത്തിയ ഇവർ പിതാവിനൊപ്പം കാറിൽ വീട്ടിലെത്തി നിരീക്ഷണത്തിൽ തുടരുകയായിരുന്നു. നിരീക്ഷണത്തിൽ തുടരുകയായിരുന്ന ഇവർ രോഗ ലക്ഷണങ്ങൾ പ്രകടമാക്കിയതിനാൽ സാമ്പിൾ പരിശോധന നടത്തി. കോവിഡ് പോസിറ്റീവായി സ്ഥിരീകരിച്ചതോടെ ഇരുവരെയും ഇന്നലെ പാരിപ്പള്ളി ഗവ.മെഡിക്കൽ കോളജിൽ പ്രവേശിപ്പിച്ചു.
Read More » - News
കാലടിയിൽ സിനിമ സെറ്റ് തകർത്ത സംഭവത്തിൽ ഒരാൾ അറസ്റ്റിൽ
ആലുവ : കാലടിയിൽ സിനിമ സെറ്റ് തകർത്ത സംഭവത്തിൽ മുഖ്യ ആസൂത്രകൻ അറസ്റ്റിൽ. രാഷ്ട്രീയ ബജ്രംഗ്ദൾ ജില്ലാ പ്രസിഡന്റ് രതീഷ് കാലടി ആണ് അറസ്റ്റിലായത്. അഡീഷണൽ എസ്.പി എൻ ജെ സോജന്റെ നേതൃത്വത്തിലുളള അന്വേഷണ സംഘമാണ് ഇയാളെ അറസ്റ്റ് ചെയ്തത്. കൂട്ട് പ്രതികളെക്കുറിച്ചറിയാനായി അന്വേഷണസംഘം ഇയാളെ ചോദ്യം ചെയ്തുവരികയാണ്. നിരവധി കേസുകളിലെ പ്രതിയാണ് രതീഷ്. രണ്ട് വർഷങ്ങൾക്ക് മുമ്പ് കാലടിയിൽ സനൽ എന്നയാളെ കൊലപ്പെടുത്തിയതുമായി ബന്ധപ്പെട്ട കേസിലും ഇയാൾ പ്രതിയാവുകയും ജയിൽശിക്ഷ അനുഭവിക്കുകയും ചെയ്തിരുന്നു. അതിനു ശേഷമാണ് രാഷ്ട്രീയ ബജ്രംഗ് ദളിന്റെ ഭാരവാഹിയാകുന്നത്. സെറ്റ് തകർത്തതുമായി ബന്ധപ്പെട്ട് നിർമ്മാതാക്കളുടെ അസോസിയേഷനും ഫെഫ്കയും ആലുവ റൂറൽ എസ് പിയ്ക്ക് പരാതി നൽകിയിരുന്നു. തുടർന്ന് പോലീസ് കേസെടുത്ത് പ്രത്യേക അന്വേഷണസംഘത്തെ അന്വേഷണത്തിനായി നിയോഗിച്ചിരുന്നു. ഐ പി സി സെക്ഷൻ 379, 454, 427 എന്നീ വകുപ്പുകളിലാണ് കേസെടുത്തിരിക്കുന്നത്.
Read More » - News
വിമാനങ്ങളില്‍ സാമൂഹിക അകലം പാലിക്കണമെന്ന് സുപ്രീംകോടതി
ഡൽഹി : വിമാനങ്ങളില്‍ സാമൂഹിക അകലം പാലിക്കണമെന്ന് സുപ്രീംകോടതിയുടെ ഉത്തരവ്. പുനരാരംഭിച്ച വിമാനസര്‍വ്വീസുകളിൽ വിമാനത്തിലെ മധ്യഭാഗത്തെ സീറ്റ് ഒഴിച്ചിടാത്തതില്‍ സുപ്രീം കോടതി അതൃപ്തി പ്രകടിപ്പിച്ചു. മറ്റെല്ലാ സ്ഥലങ്ങളിലും ആവാമെങ്കില്‍ വിമാനത്തില്‍ എന്തുകൊണ്ട് സാമൂഹിക അകലം പാലിച്ചു കൂടാ എന്ന് കോടതി ചോദിച്ചു. വിദേശത്ത് നിന്നുള്ള എയര്‍ ഇന്ത്യ വിമാനങ്ങളില്‍ യാത്രക്കാര്‍ക്കിടയില്‍ ഒരു സീറ്റ് ഒഴിച്ചിടണമെന്നുള്ള മുംബൈ ഹൈക്കോടതി ഉത്തരവിനെതിരായ ഹര്‍ജി പരിഗണിക്കുമ്പോഴായിരുന്നു കോടതിയുടെ പരാമര്‍ശം. ടിക്കറ്റുകള്‍ വിതരണം ചെയ്ത സാഹചര്യത്തില്‍ പത്ത് ദിവസത്തേക്ക് മുംബൈ ഹൈക്കോടതി ഉത്തരവ് നടപ്പാക്കേണ്ടതില്ല. എന്നാല്‍ അതിനു ശേഷം വിമാനയാത്രകളില്‍ മധ്യഭാഗത്തെ സീറ്റുകള്‍ ഒഴിച്ചിട്ടേ മതിയാവൂ എന്നും സുപ്രീം കോടതി നിര്‍ദ്ദേശിച്ചു. വിമാനത്തിനുള്ളില്‍ മാസ്കിന് പുറമെ ഫേസ് ഷീല്‍ഡും നിര്‍ബന്ധമാക്കിയിട്ടുണ്ട്. ഇവ വിമാന കമ്പനികള്‍ വിതരണം ചെയ്യും.
Read More » - Top Stories
പാലക്കാട് 10 മാസം പ്രായമുള്ള കുഞ്ഞിന് ഉൾപ്പെടെ 5 പേർക്ക് ഇന്ന് കോവിഡ്
പാലക്കാട് : ജില്ലയിൽ 10 മാസം പ്രായമുള്ള ആൺകുഞ്ഞിന് ഉൾപ്പെടെ അഞ്ച് പേർക്ക് ഇന്ന് കോവിഡ് 19 സ്ഥിരീകരിച്ചു. മെയ് 20ന് സലാലയിൽ നിന്നും വന്ന കാരാകുറുശ്ശിയിലുള്ള 10 മാസം പ്രായമുള്ള കുഞ്ഞ് ,അമ്മയ്ക്കും നാലരവയസുള്ള സഹോദരിക്കും ഒപ്പമാണ് നാട്ടിലെത്തിയത്. മെയ് 17 ന് ചെന്നൈയിൽ നിന്നും എത്തിയ ചെർപ്പുളശ്ശേരി സ്വദേശി (58, പുരുഷൻ), മെയ് 15ന് ചെന്നൈയിൽ നിന്നും എത്തിയ മണ്ണാർക്കാട്-2 വില്ലേജ് സ്വദേശി (52, പുരുഷൻ), മെയ് 18ന് മഹാരാഷ്ട്രയിൽ നിന്നും എത്തിയ ഒറ്റപ്പാലം, വരോട് സ്വദേശി (44, പുരുഷൻ), മെയ് 11ന് മഹാരാഷ്ട്രയിൽ നിന്നും എത്തിയ ആലത്തൂർ തോണിപാടം സ്വദേശി (50, പുരുഷൻ) എന്നിവരാണ് രോഗം ബാധിച്ച മറ്റുള്ളവർ. ചെർപ്പുളശ്ശേരി, വരോട് സ്വദേശികളുടെ സാമ്പിൾ ഒറ്റപ്പാലം താലൂക്ക് ആശുപത്രിയിൽ നിന്നുമാണ് പരിശോധനയ്ക്ക് എടുത്തിട്ടുള്ളത്. മണ്ണാർക്കാട്, കാരക്കുറിശ്ശി സ്വദേശികളുടെ സാമ്പിൾ മണ്ണാർക്കാട് താലൂക്ക് ആശുപത്രിയിൽ നിന്നും തോണിപ്പാടം സ്വദേശിയുടെത് ആലത്തൂർ താലൂക്ക് ആശുപത്രിയിൽ നിന്നുമാണ് പരിശോധനയ്ക്ക് എടുത്തിട്ടുള്ളത്. തോണിപാടം സ്വദേശിയുടെ സാമ്പിൾ മെയ് 23 നും മറ്റുള്ളവരുടെ മെയ് 22നുമാണ് പരിശോധനക്ക് എടുത്തിട്ടുള്ളത്. രോഗം സ്ഥിരീകരിച്ച കുഞ്ഞിൻ്റെ അമ്മയും സഹോദരിയും നിരീക്ഷണത്തിലാണ്. ഇതോടെ പാലക്കാട് ജില്ലയിൽ കോവിഡ് 19 സ്ഥിരീകരിച്ച് ചികിത്സയിൽ കഴിയുന്നവർ 53 പേരായി. ഇതിൽ ഒരു മലപ്പുറം സ്വദേശിയും മെയ് 23 ന് രോഗം സ്ഥിരീകരിച്ച ഒരു ഇടുക്കി സ്വദേശിനിയും (ആരോഗ്യ പ്രവർത്തകരിൽ ഒരാൾ) മെയ്24, 17 തീയതികളിലായി രോഗം സ്ഥിരീകരിച്ച രണ്ട് തൃശ്ശൂർ സ്വദേശികളും ഉൾപ്പെടുന്നു. കളമശ്ശേരി മെഡിക്കൽ കോളേജിൽ ചികിത്സയിലായിരുന്ന പാലക്കാട് ആലത്തൂർ സ്വദേശി രോഗം ഭേദമായി ആശുപത്രിവിട്ടു. നിലവിൽ വീട്ടിൽ നിരീക്ഷണത്തിലാണ്. ഒരു മങ്കര സ്വദേശി നിലവിൽ എറണാകുളത്തും ഒരു നെല്ലായ സ്വദേശി മഞ്ചേരിയിലും ചികിത്സയിലുണ്ട്. സംസ്ഥാനത്ത് ആകെ 49 പേര്‍ക്കാണ് ഇന്ന് കോവിഡ്-19 സ്ഥിരീകരിച്ചത്. കാസര്‍ഗോഡ് ജില്ലയില്‍ നിന്നുള്ള 14 പേര്‍ക്കും കണ്ണൂര്‍ ജില്ലയില്‍ നിന്നുള്ള 10 പേര്‍ക്കും, തിരുവനന്തപുരം, പാലക്കാട് ജില്ലകളില്‍ നിന്നുള്ള 5 പേര്‍ക്ക് വീതവും കോഴിക്കോട് ജില്ലയില്‍ നിന്നുള്ള 4 പേര്‍ക്കും പത്തനംതിട്ട,…
Read More » - Top Stories
കണ്ണൂര്‍ സബ് ജയിലില്‍ റിമാന്‍ഡിലുള്ള രണ്ട് തടവ്കാർക്ക് കോവിഡ്
കണ്ണൂര്‍ : കണ്ണൂര്‍ സബ് ജയിലില്‍ റിമാന്‍ഡിലുള്ള രണ്ട് തടവ്കാർക്ക് കോവിഡ് സ്ഥിരീകരിച്ചു. കണ്ണപുരം ,ചെറുപുഴ സ്റ്റേഷനുകളിലെ പൊലീസുകാര്‍ അറസ്റ്റ് ചെയ്ത രണ്ടു പേര്‍ക്കാണ് രോഗം സ്ഥിരീകരിച്ചത്. ഇതോടെ പൊലീസുകാരും ജയിലധികൃതരും ക്വാറന്റൈനിലാണ്. കണ്ണൂര്‍ ജില്ലയില്‍ ഇന്ന് 10 പേര്‍ക്കാണ് കോവിഡ് സ്ഥിരീകരിച്ചിരിക്കുന്നത്. ധര്‍മ്മടത്ത് ഒരു കുടുംബത്തില്‍ രോഗബാധിതരുടെ എണ്ണം എട്ടായി. കോഴിക്കോട് മെഡിക്കല്‍ കോളേജില്‍ ചികിത്സയിലുള്ള 62 കാരിക്കാണ് ഈ വീട്ടില്‍ ആദ്യം കൊവിഡ് സ്ഥിരീകരിച്ചത്. ഇവര്‍ക്ക് രോഗം ബാധിച്ചതെങ്ങനെയെന്ന് കണ്ടെത്താനായിട്ടില്ല. കണ്ണൂരിലെ പിണറായിയെ പുതുതായി ഇന്ന് ഹോട്ട്സ്പോട്ടിൽ ഉൾപ്പെടുത്തി. ആകെ 49 പേര്‍ക്കാണ് സംസ്ഥാനത്ത് ഇന്ന് കോവിഡ്-19 സ്ഥിരീകരിച്ചത്. കാസര്‍ഗോഡ് ജില്ലയില്‍ നിന്നുള്ള 14 പേര്‍ക്കും കണ്ണൂര്‍ ജില്ലയില്‍ നിന്നുള്ള 10 പേര്‍ക്കും, തിരുവനന്തപുരം, പാലക്കാട് ജില്ലകളില്‍ നിന്നുള്ള 5 പേര്‍ക്ക് വീതവും കോഴിക്കോട് ജില്ലയില്‍ നിന്നുള്ള 4 പേര്‍ക്കും പത്തനംതിട്ട, ആലപ്പുഴ ജില്ലകളില്‍ നിന്നുള്ള 3 പേര്‍ക്ക് വീതവും കൊല്ലം, കോട്ടയം ജില്ലകളില്‍ നിന്നുള്ള 2 പേര്‍ക്ക് വീതവും ഇടുക്കി ജില്ലയില്‍ നിന്നുള്ള ഒരാള്‍ക്കുമാണ് രോഗം സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരിൽ വിദേശത്ത് നിന്ന് 18 പേരും 25 പേര്‍ സംസ്ഥാനത്തിന് പുറത്ത് നിന്നും വന്നതാണ്. 6 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്.
Read More » - Top Stories
കോവിഡ് ബാധിച്ച് ഗൾഫിൽ ഒരു മലയാളികൂടി മരിച്ചു
അബുദാബി : കോവിഡ്19 ബാധിച്ച് ഗൾഫിൽ ഒരു മലയാളികൂടി ഇന്ന് മരിച്ചു. ചാവക്കാട് കുരിക്കലകത്ത് അകലാട് ഷക്കീർ(48) ആണ് അബുദാബിയിൽ മരിച്ചത്. ഇന്ന് മാത്രം ഗൾഫിൽ അഞ്ച് മലയാളികളാണ് മരിച്ചത്. ഇതോടെ ഗൾഫിൽ മരിച്ച മലയാളികളുടെ എണ്ണം 115 ആയി.
Read More » - Top Stories
സംസ്ഥാനത്ത് 4 പുതിയ ഹോട്ട്സ്പോട്ടുകൾ കൂടി
തിരുവനന്തപുരം : സംസ്ഥാനത്ത് കണ്ണൂർ, പാലക്കാട് എന്നീ ജില്ലകളിലായി 4 പ്രദേശങ്ങൾ കൂടി ഇന്ന് ഹോട്ട്സ്പോട്ടിൽ ഉൾപ്പെടുത്തി. കണ്ണൂര്‍ ജില്ലയിലെ പിണറായി, പാലക്കാട് ജില്ലയിലെ പുതുശ്ശേരി, മലമ്പുഴ, ചാലിശ്ശേരി എന്നിവയാണ് പുതിയ ഹോട്ട് സ്‌പോട്ടുകള്‍. നിലവില്‍ ആകെ 59 ഹോട്ട് സ്‌പോട്ടുകളാണ് ഉള്ളത്. 49 പേര്‍ക്കാണ് സംസ്ഥാനത്ത് ഇന്ന് കോവിഡ്-19 സ്ഥിരീകരിച്ചത്. കാസര്‍ഗോഡ് ജില്ലയില്‍ നിന്നുള്ള 14 പേര്‍ക്കും കണ്ണൂര്‍ ജില്ലയില്‍ നിന്നുള്ള 10 പേര്‍ക്കും, തിരുവനന്തപുരം, പാലക്കാട് ജില്ലകളില്‍ നിന്നുള്ള 5 പേര്‍ക്ക് വീതവും കോഴിക്കോട് ജില്ലയില്‍ നിന്നുള്ള 4 പേര്‍ക്കും പത്തനംതിട്ട, ആലപ്പുഴ ജില്ലകളില്‍ നിന്നുള്ള 3 പേര്‍ക്ക് വീതവും കൊല്ലം, കോട്ടയം ജില്ലകളില്‍ നിന്നുള്ള 2 പേര്‍ക്ക് വീതവും ഇടുക്കി ജില്ലയില്‍ നിന്നുള്ള ഒരാള്‍ക്കുമാണ് രോഗം സ്ഥിരീകരിച്ചത്.
Read More »
