കുറവിലങ്ങാട് കാറും ബൈക്കും കൂട്ടിയിടിച്ച്‌ ഒരാൾ മരിച്ചു

കോട്ടയം : കുറവിലങ്ങാട് എം.സി. റോഡിൽ കാളികാവ് പള്ളിക്കു സമീപം കാറും ബൈക്കും കൂട്ടിയിടിച്ച്‌ ഒരാൾ മരിച്ചു. ബൈക്കോടിച്ചിരുന്ന മരങ്ങാട്ടുപിള്ളി മണ്ണയ്ക്കനാട് ഈഴക്കുന്നേൽ ജോർജ് ജോസഫ് (ജോർജുകുട്ടി- 34) ആണ് മരിച്ചത്.

ഇന്ന് രാവിലെയായിരുന്നു അപകടം. കോട്ടയം ഭാഗത്തു നിന്നെത്തിയ ഇന്നോവ കാർ നിയന്ത്രണം വിട്ട് എതിരെ വന്ന ബൈക്കിലിടിക്കുകയായിരുന്നു. ജോർജ് ജോസഫ്  സംഭവസ്ഥലത്ത് വച്ച് തന്നെ മരിച്ചു. ഗുരുതരമായി പരിക്കേറ്റ ഭാര്യ എലിസബത്തിനെ പരിക്കുകളോടെ ആസ്പത്രിയിലേക്ക് മാറ്റി.