News
പ്ലസ് വണ്‍ പ്രവേശനം 24 മുതൽ
തിരുവനന്തപുരം : സംസ്ഥാനത്ത് പ്ലസ് വണ്‍ പ്രവേശനം 24ന് തുടങ്ങുമെന്ന് വിദ്യാഭ്യാസ വകുപ്പ് അറിയിച്ചു. ഹയര്‍ സെക്കന്‍ഡറി കേന്ദ്രീകൃത പ്രവേശന പ്രക്രിയ (എച്ച്‌.എസ്.സി.എ.പി) വഴിയാണ് പ്രവേശന നടപടികള്‍. അക്ഷയ കേന്ദ്രം വഴി വിദ്യാര്‍ത്ഥികള്‍ക്ക് അപേക്ഷിക്കാം. സ്‌കൂളുകളുടെ പട്ടികയും കോഴ്‌സ് ലിസ്റ്റും എച്ച്‌.എസ്.സി.എ.പി വെബ്‌സൈറ്റില്‍ നല്‍കിയിട്ടുണ്ട്.
എസ്.എസ്.എല്‍.സി ഫലത്തിന് പിന്നാലെ സി.ബി.എസ്.ഇ, ഐ.സി.എസ്.ഇ ഫലങ്ങള്‍ കൂടി പുറത്തു വന്നതോടെയാണ് പ്ലസ് വണ്‍ പ്രവേശന നടപടികള്‍ ആരംഭിക്കുന്നത്. പേര്, മാര്‍ക്ക് വിവരങ്ങള്‍, താല്‍പ്പര്യമുള്ള സ്ട്രീം എന്നിവ അപേക്ഷകര്‍ പൂരിപ്പിക്കണം. മാര്‍ക്കിന്റെ അടിസ്ഥാനത്തില്‍ ഡി.എച്ച്‌.എസ്.സി അലോട്ട്‌മെന്റ് പട്ടിക പ്രസിദ്ധീകരിക്കും. ഇതുപ്രകാരം വിദ്യാര്‍ത്ഥികള്‍ക്ക് വിവിധ സ്‌കൂളുകളില്‍ ഇഷ്ടപ്പെട്ട സ്ട്രീമുകളില്‍ പ്രവേശനം നല്‍കും.
