News
എട്ട് വയസ്സുകാരിയെ പീഡിപ്പിച്ച രണ്ടാനച്ഛൻ അറസ്റ്റിൽ
കോട്ടയം:പൊൻകുന്നത്ത് എട്ട് വയസ്സുകാരിയെ പീഡിപ്പിച്ചുവെന്ന കേസിൽ രണ്ടാനച്ഛൻ അറസ്റ്റിൽ. സ്കൂൾ അധികൃതരുടെ പരാതിയിൽ പനമറ്റം സ്വദേശിയാണ് അറസ്റ്റിലായത്.കുട്ടിയുടെ അമ്മയെയും കേസിൽ പ്രതിചേർത്തിട്ടുണ്ട്. പീഡനവിവരം മറച്ചുവയ്ക്കുകയും പീഡനത്തിന് ഒത്താശ ചെയ്യുകയും ചെയ്തതിനാണ് കുട്ടിയുടെ അമ്മയെ പോലീസ് പ്രതിചേർത്തത്.
രണ്ടാനച്ഛൻ നാളുകളായി പീഡിപ്പിക്കുകയാണെന്ന് കുട്ടി സഹപാഠികളെയാണ് ആദ്യം അറിയിച്ചത്. തുടർന്ന് കുട്ടികൾ സ്കൂൾ അധികൃതരെ വിവരമറിയിക്കുകയായിരുന്നു.തുടർന്ന്
സ്കൂൾ അധികൃതർ നടത്തിയ കൗൺസിലിങ്ങിൽ ഒരു വർഷത്തോളമായി പീഡനം തുടരുന്നതായി കുട്ടി പറഞ്ഞു. തുടർന്നാണ് സ്കൂൾ അധികൃതർ പോലീസിൽ പരാതി നൽകിയത്.
പോക്‌സോ, ബലാത്സംഗം തുടങ്ങിയ വകുപ്പുകൾ ചേർത്തിട്ടാണ് പോലീസ് കേസെടുത്തിട്ടുള്ളത്. പ്രതികളെ നാളെ കോടതിയിൽ ഹാജരാക്കും.
