Month: August 2020
- Top Stories
സംസ്ഥാനത്ത് ഇന്ന് 1351 പേർക്ക് രോഗമുക്തി
തിരുവനന്തപുരം : സംസ്ഥാനത്ത് ഇന്ന് കോവിഡ് സ്ഥിരീകരിച്ച് ചികിത്സയിലായിരുന്ന 1351 പേരുടെ പരിശോധനാഫലം നെഗറ്റീവ് ആയി. ആകെ 41,694 പേര്‍ ഇതുവരെ സംസ്ഥാനത്ത് കോവിഡില്‍ നിന്നും മുക്തി നേടി. 22,344 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്.
Read More » - Top Stories
സംസ്ഥാനത്ത് ഇന്ന് 13 കോവിഡ് മരണങ്ങൾ
തിരുവനന്തപുരം : സംസ്ഥാനത്ത് ഇന്ന് 13 മരണങ്ങളാണ് കോവിഡ് മൂലമാണെന്ന് സ്ഥിരീകരിച്ചത്. ഇതോടെ ആകെ കോവിഡ് മരണം 257 ആയി.
Read More » - Top Stories
സംസ്ഥാനത്ത് ഇന്ന് 2243 പേര്‍ക്ക് സമ്പര്‍ക്കത്തിലൂടെ കോവിഡ്
തിരുവനന്തപുരം : സംസ്ഥാനത്ത് ഇന്ന് 2243 പേര്‍ക്ക് സമ്പര്‍ക്കത്തിലൂടെയാണ് കോവിഡ് ബാധിച്ചു. അതില്‍ 175 പേരുടെ സമ്പര്‍ക്ക ഉറവിടം വ്യക്തമല്ല. 69 ആരോഗ്യ പ്രവര്‍ത്തകര്‍ക്കും എറണാകുളം ജില്ലയിലെ ഒരു ഐ.എന്‍.എച്ച്.എസ്. ജീവനക്കാരനും ഇന്ന് രോഗം ബാധിച്ചു.
Read More » - Top Stories
സംസ്ഥാനത്ത് ഇന്ന് 10 പുതിയ ഹോട്ട് സ്‌പോട്ടുകൾ
തിരുവനന്തപുരം : സംസ്ഥാനത്ത് ഇന്ന് 10 പുതിയ ഹോട്ട് സ്‌പോട്ടുകളാണുള്ളത്. തൃശൂര്‍ ജില്ലയിലെ കുന്നംകുളം മുന്‍സിപ്പാലിറ്റി (കണ്ടൈന്‍മെന്റ് സോണ്‍ വാര്‍ഡ് 15), മുളങ്കുന്നത്തുകാവ് (സബ് വാര്‍ഡ് 3), വള്ളത്തോള്‍ നഗര്‍ (6), പഴയന്നൂര്‍ (5, 7 (സബ് വാര്‍ഡ്), പാലക്കാട് ജില്ലയിലെ കുമരംപുത്തൂര്‍ (11), പൂക്കോട്ടുകാവ് (5, 6 (സബ് വാര്‍ഡ്), തിരുവനന്തപുരം ജില്ലയിലെ ആറ്റിങ്ങല്‍ (22), പത്തനംതിട്ട ജില്ലയിലെ ഇരവിപേരൂര്‍ (5, 12, 14, 16, 17), കണ്ണൂര്‍ ജില്ലയിലെ ചെറുപുഴ (2), എറണാകുളം ജില്ലയിലെ കറുകുറ്റി (14, 16) എന്നിവയാണ് പുതിയ ഹോട്ട് സ്‌പോട്ടുകള്‍.
Read More » - Top Stories
സംസ്ഥാനത്ത് ഇന്ന് 2476 പേര്‍ക്ക് കോവിഡ്
തിരുവനന്തപുരം : സംസ്ഥാനത്ത് ഇന്ന് 2476 പേര്‍ക്ക് കോവിഡ്-19 സ്ഥിരീകരിച്ചു. തിരുവനന്തപുരം ജില്ലയില്‍ നിന്നുള്ള 461 പേര്‍ക്കും, മലപ്പുറം ജില്ലയില്‍ നിന്നുള്ള 352 പേര്‍ക്കും, കോഴിക്കോട് ജില്ലയില്‍ നിന്നുള്ള 215 പേര്‍ക്കും, തൃശൂര്‍ ജില്ലയില്‍ നിന്നുള്ള 204 പേര്‍ക്കും, ആലപ്പുഴ, എറണാകുളം ജില്ലകളില്‍ നിന്നുള്ള 193 പേര്‍ക്ക് വീതവും, പത്തനംതിട്ട ജില്ലയില്‍ നിന്നുള്ള 180 പേര്‍ക്കും, കോട്ടയം ജില്ലയില്‍ നിന്നുള്ള 137 പേര്‍ക്കും, കൊല്ലം ജില്ലയില്‍ നിന്നുള്ള 133 പേര്‍ക്കും, കണ്ണൂര്‍ ജില്ലയില്‍ നിന്നുള്ള 128 പേര്‍ക്കും, കാസര്‍ഗോഡ് ജില്ലയില്‍ നിന്നുള്ള 101 പേര്‍ക്കും, പാലക്കാട് ജില്ലയില്‍ നിന്നുള്ള 86 പേര്‍ക്കും, ഇടുക്കി ജില്ലയില്‍ നിന്നുള്ള 63 പേര്‍ക്കും, വയനാട് ജില്ലയില്‍ നിന്നുള്ള 30 പേര്‍ക്കുമാണ് ഇന്ന് രോഗബാധ സ്ഥിരീകരിച്ചത്.
Read More » - News
ഓണം: കടകള്‍ക്ക്‌ രാത്രി 9 മണിവരെ തുറന്നു പ്രവര്‍ത്തിക്കാം
തിരുവനന്തപുരം : ഓണം പ്രമാണിച്ച്‌ ബുധനാഴ്ച മുതൽ കച്ചവട സ്ഥാപനങ്ങള്‍ക്കും കടകള്‍ക്കും രാത്രി 9 മണിവരെ തുറന്നു പ്രവര്‍ത്തിക്കാമെന്ന് ചീഫ് സെക്രട്ടറി ഡോ. വിശ്വാസ് മെഹ്ത അറിയിച്ചു. കണ്ടെയ്ന്‍മെന്റ് സോണ്‍ ഒഴികെയുള്ള പ്രദേശങ്ങളില്‍ ആയിരിക്കും ഇതനുവദിക്കുക. ആഗസ്റ്റ് 26 മുതല്‍ സെപ്റ്റംബര്‍ രണ്ടു വരെയാണ് നിയന്ത്രണത്തില്‍ ഇളവ് അനുവദിച്ചിരിക്കുന്നത്. കണ്ടെയ്ന്‍മെന്റ് സോണിലെ കടകളും കച്ചവട സ്ഥാപനങ്ങളും നിലവിലെ മാര്‍ഗ നിര്‍ദ്ദേശപ്രകാരം തന്നെ പ്രവര്‍ത്തിക്കണം.
Read More » - News
പെരിയ ഇരട്ടക്കൊലക്കേസ്: അഭിഭാഷകർക്ക് നൽകിയ പണം തിരിച്ചടയ്ക്കണമെന്ന് ചെന്നിത്തല
തിരുവനന്തപുരം : പാവങ്ങളുടെ നികുതിപ്പണംകൊണ്ട് കൊലയാളികൾക്ക് സംരക്ഷണമൊരുക്കുന്ന പാർട്ടിയാണ് കേരളം ഭരിക്കുന്നതെന്നും ഇതിന്റെ ഒടുവിലത്തെ ഉദാഹരണമാണ് കല്ല്യോട്ടെ കേസെന്നും പ്രതിപക്ഷനേതാവ് രമേശ് ചെന്നിത്തല. സി.ബി.ഐ. അന്വേഷണം വേണ്ടെന്നുപറയാൻ ഹൈക്കോടതിയിൽ നിയോഗിച്ച അഭിഭാഷകർക്ക് 1.85 കോടി രൂപയാണ് ഖജനാവിൽനിന്ന് കൊടുത്തത്. ഇത് മാർക്സിസ്റ്റ് പാർട്ടിയിൽനിന്ന് ഈടാക്കി തിരിച്ചടയ്ക്കാൻ സർക്കാർ തയ്യാറാകണമെന്ന് ചെന്നിത്തല പറഞ്ഞു. രാജ്മോഹൻ ഉണ്ണിത്താൻ എം.പി.യും ശരത് ലാലിന്റെയും കൃപേഷിന്റെയും അച്ഛൻമാരും നടത്തിയ ഉപവാസസമരം അവസാനിപ്പിക്കുന്ന ചടങ്ങ് ഉദ്ഘാടനംചെയ്യുകയായിരുന്നു ചെന്നിത്തല. സി.ബി.ഐ. അന്വേഷണം തുടരാൻ കഴിയുന്നില്ലെന്ന് ഹൈക്കോടതിയിൽ സി.ബി.ഐ. അഭിഭാഷകൻ നടത്തിയ പരാമർശത്തിന്റെ പശ്ചാത്തലത്തിലാണ് മൂന്നുപേരും കല്യോട്ടെ സ്മൃതിമണ്ഡപത്തിൽ നിരാഹാരസമരം തുടങ്ങിയത്. തിങ്കളാഴ്ച രാവിലെ 10 മുതൽ ചൊവ്വാഴ്ച രാവിലെ 10 വരെയായിരുന്നു നിരാഹാരത്തിന് തീരുമാനിച്ചിരുന്നത്. എന്നാൽ, ചൊവ്വാഴ്ച വിധിവരുന്നതുവരെ നിരാഹാരം തുടർന്നു. ഓൺലൈനിലൂടെയാണ് രമേശ് ചെന്നിത്തല സംസാരിച്ചത്. എ.കെ. ആന്റണിയും കെ.സി. വേണുഗോപാലും ഉമ്മൻചാണ്ടിയും ഓൺലൈൻവഴി പങ്കെടുത്തു. പെരിയ ഇരട്ടക്കൊലക്കേസിന്റെ അന്വേഷണം സി.ബി.ഐ.ക്കു വിടാതിരിക്കാൻ സിംഗിൾ ബെഞ്ച് ഉത്തരവ് റദ്ദാക്കണമെന്നാവശ്യപ്പെട്ട് നൽകിയ അപ്പീലിൽ സർക്കാരിനായി വാദിക്കാനെത്തിയത് സുപ്രീംകോടതിയിലെ അഭിഭാഷകരായ അഡ്വ. രഞ്ജിത്ത് കുമാറും അഡ്വ. മനീന്ദ്ര സിങ്ങുമാണ്. കേസിൽ ഒരുതവണ ഹാജരായ സുപ്രീംകോടതിയിലെ സീനിയർ അഭിഭാഷകൻ രഞ്ജിത് കുമാറിന് 25 ലക്ഷം രൂപയാണ് ഫീസ് നൽകിയത്. മൂന്നുതവണ ഹാജരായ മനീന്ദർ സിങ്ങിന് 60 ലക്ഷം നൽകി. മനീന്ദർ സിങ്ങിന്റെ ജൂനിയർ പ്രഭാസ് ബജാജിന് മൂന്നുലക്ഷവും നൽകി.
Read More » - News
കോഴിക്കോട് നഗരത്തിൽ വൻ തീപ്പിടിത്തം
കോഴിക്കോട് : കോഴിക്കോട് നഗരത്തിൽ വൻ തീപ്പിടിത്തം. ഫ്രാൻസിസ് റോഡിലെ മൂന്ന് നില കെട്ടിടത്തിനാണ് തീപിടിച്ചത്. അഞ്ച് ഫയർഫോഴ്സ് യൂണിറ്റുകൾ എത്തി തീ അണയ്ക്കാൻ ശ്രമിക്കുകയാണ്. ഗോഡൗണിന്റെ ഏറ്റവും മുകളിലത്തെ നിലയിലാണ് തീ പടർന്നിരിക്കുന്നത്. സമീപത്ത് ധാരാളം കെട്ടിടങ്ങളുള്ളതിനാൽ കൂടുതൽ ഭാഗത്തേക്ക് തീ പടരാതിരിക്കാൻ ശ്രമം നടത്തുകയാണ്. ഗോഡൗണിനാണ് തീപിടിച്ചതെന്നാണ് പ്രാഥമിക വിവരം. ഇടുങ്ങിയ വഴിയാണ് കെട്ടിടത്തിലേക്കുള്ളത്. അതിനാൽ തന്നെ ഫയർഫോഴസ് യൂണിറ്റുകൾക്ക് കെട്ടിടത്തിനടുത്തേക്ക് എത്തിച്ചേരാൻ സാധിച്ചിട്ടില്ല. വാഹനം വഴിയിൽ നിർത്തി കെട്ടിടത്തിനടുത്തേക്ക് വെള്ളം എത്തിക്കുകയാണ് ചെയ്യുന്നത്.
Read More » - Top Stories
സെക്രട്ടറിയേറ്റിലെ തീപിടുത്തം അട്ടിമറി; എൻ.ഐ.എ അന്വേഷണം വേണം: ചെന്നിത്തല
തിരുവനന്തപുരം : സെക്രട്ടറിയേറ്റിലുണ്ടായ തീപ്പിടിത്തം അട്ടിമറിയാണെന്ന് പ്രതിപക്ഷ നേതാവ് രമേശ് ചെന്നിത്തല.സ്വർണ്ണക്കടത്തുമായി ബന്ധപ്പെട്ട തെളിവുകൾ നശിപ്പിക്കാനുളള ബോധപൂർവമായ നീക്കമാണ് തീപ്പിടിത്തമെന്ന് അദ്ദേഹം ആരോപിച്ചു. ഫാനിന്റെ സ്വിച്ചിൽ നിന്ന് തീപ്പിടിത്തമുണ്ടായി എന്ന വിശദീകരണം ഒരു കാരണവശാലും വിശ്വസിക്കാൻ കഴിയില്ലെന്നും അദ്ദേഹം പറഞ്ഞു. സെക്രട്ടറിയേറ്റിൽ തീപ്പിടിത്തമുണ്ടായ സ്ഥലം സന്ദർശിച്ച ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. തീപ്പിടിത്തവുമായി ബന്ധപ്പെട്ട് സർക്കാർ പ്രഖ്യാപിച്ച അന്വേഷണം തങ്ങൾക്ക് സ്വീകാര്യമല്ലെന്നും സംഭവത്തിൽ എൻ.ഐ.എ അന്വേഷണം വേണമെന്നും അദ്ദേഹം ആവശ്യപ്പെട്ടു. സ്വർണ്ണ കള്ളക്കടത്ത് അന്വേഷണവുമായി ബന്ധപ്പെട്ട ഫയലുകളാണ് നഷ്ടപ്പെട്ടിരിക്കുന്നത്. സംഭവത്തിൽ പ്രതിഷേധിച്ച് യുഡിഎഫ് സംസ്ഥാന വ്യാപകമായി കരിദിനമാചരിക്കാൻ തീരുമാനിച്ചതായും അദ്ദേഹം അറിയിച്ചു. സെക്രട്ടറിയേറ്റിലെ മൂന്നു സെക്ഷനുകളിലായി പ്രധാനപ്പെട്ട ഫയലുകളാണ് കത്തിപ്പോയത്, അല്ലെങ്കിൽ കത്തിച്ചിട്ടുളളത്. വിവിഐപികളെ ഡെസിഗ്നേറ്റ് ചെയ്യുന്ന ഫയലുകൾ, വിദേശയാത്രയുമായി ബന്ധപ്പെട്ട ഫയലുകൾ,രാഷ്ട്രീയ പ്രാധാന്യമർഹിക്കുന്ന നിരവധി സീക്രട്ട് ഫയലുകൾ ഇതെല്ലാമാണ് നശിച്ചിട്ടുളളതെന്നാണ് മനസ്സിലാക്കുന്നത്. വിദേശത്ത് പോകുന്ന പൊളിറ്റിക്കൽ ക്ലിയറൻസുകൾ, ജിഎഡിയുമായി ബന്ധപ്പെട്ട മറ്റു ഫയലുകൾ, എയർലൈൻസുമായി ബന്ധപ്പെട്ട ഫയലുകൾ ഉൾപ്പടെയുളള നിരവധി ഫയലുകൾക്കാണ് തീപ്പിടിച്ചിട്ടുളളത്. ഫാനിന്റെ സ്വച്ചിൽ നിന്നാണ് തീപ്പിടിത്തമുണ്ടായതെന്ന് ഉദ്യോഗസ്ഥർ പറയുന്നു. കോവിഡാണെന്ന് പറഞ്ഞ് ആ ഭാഗം മുഴുവൻ അടച്ചു അങ്ങോട്ട് പ്രവേശിക്കാൻ അനുവദിച്ചില്ല. ക്ലിഫ് ഹൗസിലെ സിസിടിവി ദൃശ്യങ്ങൾ ഇടിമിന്നലിൽ നശിച്ചുവെന്ന് പറഞ്ഞു. ഇതുവരെ ദൃശ്യങ്ങൾ എൻ.ഐ.എയ്ക്ക് കൊടുത്തിട്ടില്ല. ഇതെല്ലാം സംശയാസ്പദമായ കാര്യമാണ്. ഡിസാസ്റ്റർ മാനേജ്മെന്റ് സെക്രട്ടറി കൗശികനും മറ്റുനാല് ഉന്നതോദ്യോഗസ്ഥരും തീപ്പിടിത്തം അന്വേഷിക്കുമെന്നാണ് പറഞ്ഞത്. എന്നാൽ ഈ അന്വേഷണം ഞങ്ങൾക്ക് സ്വീകാര്യമല്ല. എൻ.ഐ.എ ഇത് അന്വേഷിക്കണം. ചെന്നിത്തല പറഞ്ഞു.
Read More » - Top Stories
സംസ്ഥാനത്ത് ഇന്ന് 1456 പേർക്ക് രോഗമുക്തി
തിരുവനന്തപുരം : സംസ്ഥാനത്ത് കോവിഡ് സ്ഥിരീകരിച്ച് ചികിത്സയിലായിരുന്ന 1456 പേരുടെ പരിശോധനാഫലം ഇന്ന് നെഗറ്റീവ് ആയി. 40,343 പേര്‍ ഇതുവരെ സംസ്ഥാനത്ത് കോവിഡില്‍ നിന്നും മുക്തി നേടി. 21,232 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. സംസ്ഥാനത്തെ വിവിധ ജില്ലകളിലായി 1,83,794 പേരാണ് ഇപ്പോള്‍ നിരീക്ഷണത്തിലുള്ളത്.1834 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. തിരുവനന്തപുരം ജില്ലയിലാണ് ഇന്ന് ഏറ്റവും കൂടുതൽ കോവിഡ് മുക്തർ. 303 പേരാണ് തലസ്ഥാനത്ത് ഇന്ന് നെഗറ്റീവ് ആയത്. കൊല്ലം ജില്ലയില്‍ നിന്നുള്ള 57 പേരുടെയും, പത്തനംതിട്ട ജില്ലയില്‍ നിന്നുള്ള 32 പേരുടെയും, ആലപ്പുഴ ജില്ലയില്‍ നിന്നുള്ള 60 പേരുടെയും, കോട്ടയം ജില്ലയില്‍ നിന്നുള്ള 67 പേരുടെയും, ഇടുക്കി ജില്ലയില്‍ നിന്നുള്ള 37 പേരുടെയും, എറണാകുളം ജില്ലയില്‍ നിന്നുള്ള 85 പേരുടെയും, തൃശൂര്‍ ജില്ലയില്‍ നിന്നുള്ള 90 പേരുടെയും, പലക്കാട് ജില്ലയില്‍ നിന്നുള്ള 119 പേരുടെയും, മലപ്പുറം ജില്ലയില്‍ നിന്നുള്ള 240 പേരുടെയും, കോഴിക്കോട് ജില്ലയില്‍ നിന്നുള്ള 140 പേരുടെയും, വയനാട് ജില്ലയില്‍ നിന്നുള്ള 32 പേരുടെയും, കണ്ണൂര്‍ ജില്ലയില്‍ നിന്നുള്ള 99 പേരുടെയും, കാസര്‍ഗോഡ് ജില്ലയില്‍ നിന്നുള്ള 95 പേരുടെയും പരിശോധനാ ഫലവും ഇന്ന് നെഗറ്റിവായി. സംസ്ഥാനത്ത് ഇന്ന് 2375 പേര്‍ക്ക് കോവിഡ് സ്ഥിരീകരിച്ചു. അതിൽ 2142 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്.174 പേരുടെ സമ്പര്‍ക്ക ഉറവിടം വ്യക്തമല്ല. 10 മരണങ്ങളാണ് സംസ്ഥാനത്ത് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്.
Read More »
