Top Stories
കെ.ടി.ജലീലിനെ എൻ.ഐ.എ ചോദ്യം ചെയ്യുന്നു
കൊച്ചി : മന്ത്രി കെ.ടി.ജലീലിനെ എൻ.ഐ.എ ചോദ്യം ചെയ്യുന്നു. രാവിലെ ആറുമണിയോടെയാണ് കൊച്ചിയിലെ എൻ.ഐ.എ ഓഫീസിൽ ജലീൽ എത്തിയത്. സ്വകാര്യ വാഹനത്തിലാണ് എത്തിയത്.സ്വർണക്കടത്തുകേസുമായി ബന്ധപ്പെട്ടാണ് മന്ത്രിയെ ചോദ്യം ചെയ്യാൻ വിളിപ്പിച്ചത് എന്നാണ് വിവരം.
മാർച്ച് നാലിന് എത്തിയ നയതന്ത്ര ബാഗേജിനെ പറ്റിയാണ് പ്രധാനമായും എൻഫോഴ്സ് ഡയറക്ടറേറ്റിന് പിന്നാലെയാണ് ദേശീയ അന്വേഷണ ഏജൻസിയും മന്ത്രിയെ ചോദ്യം ചോദ്യം ചെയ്യുന്നതെന്നാണ് സൂചനകൾ. 4478 കിലോഗ്രാം ഭാരമാണ് നയതന്ത്ര ബാഗേജിന് ഉണ്ടായിരുന്നത്. മതഗ്രന്ഥത്തിന്റെ ഭാരം കിഴിച്ച് മറ്റെന്താണ് ബാഗേജിൽ ഉണ്ടായിരുന്നത് എന്നാണ് പരിശോധിക്കുന്നത്.
പ്രോട്ടോകോൾ ഓഫീസറെ എൻഐഎ ചോദ്യം ചെയ്തപ്പോൾ കഴിഞ്ഞ രണ്ടുവർഷമായി ഇത്തരം നയതന്ത്ര ബാഗേജുകൾക്ക് അനുമതി നൽകിയിട്ടില്ലെന്നാണ് പ്രൊട്ടൊക്കോൾ ഓഫീസർ വ്യക്തമാക്കിയത്. ലെഡ്ജർ അടക്കമുളള കൂടുതൽ രേഖകൾ ഹാജരാക്കണമെന്ന് എൻ.ഐ.എ ആവശ്യപ്പെട്ടിരുന്നു.അതിന്ശേഷമാണ് മന്ത്രിയെ ചോദ്യം ചെയ്യുന്നത്.
