കെ.​ടി.​ജ​ലീ​ല്‍ എൻഐഎ ഓഫീസിൽ എത്തിയത് പുലർച്ചെ അഞ്ചേമുക്കാലോടെ

കൊ​ച്ചി : സ്വ​ര്‍​ണ​ക്ക​ട​ത്ത് കേസിൽ ചോദ്യം ചെ​യ്യ​ലി​ന് ദേശീയ അ​ന്വേ​ഷ​ണ ഏ​ജ​ന്‍​സി​യു​ടെ മു​ന്നി​ല്‍ ഹാ​ജ​രാ​കാ​ന്‍ മ​ന്ത്രി കെ.​ടി.​ജ​ലീ​ല്‍ ത​ല​സ്ഥാ​ന​ത്തു നിന്ന് യാ​ത്ര തി​രി​ച്ച​ത് അ​ര്‍​ദ്ധ​രാ​ത്രിയിൽ. മാധ്യമങ്ങളുടെ കണ്ണു വെട്ടിക്കാൻ പുലർച്ചെ അഞ്ചേമുക്കാലോടുകൂടിയാണ് മന്ത്രി ജലീൽ എൻഐഎ ആസ്ഥാനത്ത് എത്തിയത്. ഒമ്പതുമണിക്ക് ചോദ്യംചെയ്യാൻ ഹാജരാകാനായിരുന്നു ജലീലിന് എൻഐഎയെ നോട്ടീസ് നൽകിയിരുന്നത്. സർക്കാർ വാഹനം ഉപേക്ഷിച്ച് മു​ന്‍ എം​എ​ല്‍​എ എ.​എം.​യൂ​സ​ഫി​ന്‍റെ കാ​റി​ലാ​ണ് ജലീൽ എൻഐഎ ഓഫീസിലെത്തിയത്.

മന്ത്രി ജലീൽ എൻഐഎ ഓഫീസിൽ എത്തുമ്പോൾ ഓഫീസ് അടച്ചിട്ടിരിക്കുകയായിരുന്നു. തുടർന്ന് സെക്യൂരിറ്റി ജീവനക്കാരൻ എത്തി വാതിൽ തുറന്ന് മന്ത്രിയെ അകത്ത് കയറ്റി. തുടർന്ന് 3 മണിക്കൂറോളം സമയം എൻഐഎ ഉദ്യോഗസ്ഥരെ കാത്ത് മന്ത്രി കെ ടി ജലീൽ എൻ ഐ എ ഓഫീസിൽ കാത്തിരുന്നു. എട്ടേ മുക്കാലോടുകൂടിയാണ് എൻഐഎ  ഉദ്യോഗസ്ഥർ ഓഫീസിലെത്തിയത്. ഒമ്പതരയോടു കൂടിയാണ് ചോദ്യം ചെയ്യൽ ആരംഭിച്ചത്. മാ​ധ്യ​മ​ങ്ങ​ളു​ടെ ക​ണ്ണി​ല്‍ നി​ന്ന് ര​ക്ഷ​പ്പെ​ട​നാ​ണ് യാ​ത്ര രാ​ത്രി​യി​ലാ​ക്കി​യ​തെ​ന്ന് പ്ര​തി​പ​ക്ഷ പാ​ര്‍​ട്ടി​ക​ള്‍ ആ​രോ​പി​യ്ക്കുന്നു.

സ്വർണക്കടത്തുകേസുമായി ബന്ധപ്പെട്ടാണ്  മന്ത്രിയെ ചോദ്യം ചെയ്യാൻ വിളിപ്പിച്ചത്  എന്നാണ് വിവരം. മാർച്ച് നാലിന് എത്തിയ നയതന്ത്ര ബാഗേജിനെ പറ്റിയാണ് പ്രധാനമായും ദേശീയ അന്വേഷണ ഏജൻസി മന്ത്രിയെ ചോദ്യം ചോദ്യം ചെയ്യുന്നതെന്നാണ് സൂചനകൾ. 4478 കിലോഗ്രാം ഭാരമാണ് നയതന്ത്ര ബാഗേജിന് ഉണ്ടായിരുന്നത്. മതഗ്രന്ഥത്തിന്റെ ഭാരം കിഴിച്ച് മറ്റെന്താണ് ബാഗേജിൽ ഉണ്ടായിരുന്നത് എന്നാണ് പരിശോധിക്കുന്നത്.

പ്രൊട്ടോക്കോൾ ഓഫീസറിൽ നിന്നടക്കം എൻ.ഐ.എ വിശദമായ മൊഴി രേഖപ്പെടുത്തിയിരുന്നു. കഴിഞ്ഞ രണ്ടുവർഷമായി ഇത്തരം നയതന്ത്ര ബാഗേജുകൾക്ക് അനുമതി നൽകിയിട്ടില്ലെന്നാണ് പ്രൊട്ടൊക്കോൾ ഓഫീസർ വ്യക്തമാക്കിയത്. ലെഡ്ജർ അടക്കമുളള കൂടുതൽ രേഖകൾ ഹാജരാക്കണമെന്ന് എൻ.ഐ.എ ആവശ്യപ്പെട്ടിരുന്നു. അതിന്ശേഷമാണ് മന്ത്രിയെ ചോദ്യം ചെയ്യുന്നത്.