കാർഷിക ബില്ലുകൾ രാജ്യസഭ പാസാക്കി

കടുത്ത പ്രതിപക്ഷ പ്രതിഷേധങ്ങളാണ് രാജ്യസഭയിൽ അരങ്ങേറിയത്. തൃണമൂൽ കോൺഗ്രസ് അംഗം ഡെറിക് ഒബ്രിയാന്റെ നേതൃത്വത്തിലായിരുന്നു പ്രതിപക്ഷ പ്രതിഷേധം. രാജ്യസഭാ ഉപാധ്യക്ഷന്റെ ഡയസിലേക്ക് പ്രതിപക്ഷ അംഗങ്ങൾ ഇരച്ചുകയറി. ഡെറിക് ഒബ്രിയൻ ഉപാധ്യക്ഷന്റെ മൈക്ക് തകർക്കുകയും പേപ്പറുകൾ വലിച്ചുകീറുകയും ചെയ്തു. അംഗങ്ങൾ ബില്ലുകളുടെ പകർപ്പ് വലിച്ചുകീറി. പിന്നീട് നടുത്തളത്തിലിറങ്ങി പ്രതിഷേധ മുദ്രാവാക്യങ്ങൾ മുഴക്കി.  കർഷകരുടെ മരണ വാറണ്ടാണ് ബില്ലുകളെന്ന് കോൺഗ്രസ് ആരോപിച്ചു.