ചെന്നിത്തലയുടെയും മുല്ലപ്പള്ളിയുടെയും വാർഡിൽ എൽഡിഎഫ് ജയം

തിരുവനന്തപുരം : പ്രതിപക്ഷ നേതാവ് രമേശ് ചെന്നിത്തല, കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ എന്നിവരുടെ വാർഡുകളിൽ യുഡിഎഫ് നേതാക്കളെ പിന്തള്ളി എൽ ഡി എഫിന് ജയം.

മുല്ലപ്പള്ളിയുടെ കല്ലാമല ഡിവിഷനിൽ എൽഡിഎഫ് സ്ഥാനാർത്ഥി അഡ്വ ആശിഷ് 1000 ലേറെ വോട്ടുകൾക്കാണ് വിജയിച്ചത്. തൃപ്പെരുന്തുറ പഞ്ചായത്തിലെ പതിനാലാം വാര്‍ഡാണ് രമേശ് ചെന്നിത്തലയുടേത്. ഇവിടെ എല്‍ഡിഎഫിലെ കെ വിനു ആണ് ജയിച്ചത്.പ്രതിപക്ഷ നേതാവിന്റെയും കെ.പി.സി.സി പ്രസിഡന്റിന്റെയും വാർഡുകളിലെ യുഡി എഫ് പരാജയം പാർട്ടിക്ക് വലിയ  ക്ഷീണമാണ് വരുത്തുക.