Month: January 2021
- News
കല്ലമ്പലത്ത് വാഹനാപകടം; 5 പേർ മരിച്ചു
തിരുവനന്തപുരം: കാറും മീന്‍ ലോറിയും കൂട്ടിയിടിച്ചുണ്ടായ അപകടത്തില്‍ അഞ്ചു പേര്‍ മരിച്ചു. ദേശീയപാതയില്‍ കല്ലമ്ബലം തോട്ടയ്ക്കാട് വച്ച്‌ തിരുവനന്തപുരം ഭാഗത്തേക്ക് വരികയായിരുന്ന കാറും കൊല്ലത്തേക്ക് പോകുകയായിരുന്ന ലോറിയുമാണ് കൂട്ടിയിടിച്ചത്. ഇന്നലെ രാത്രി പതിനൊന്നു മണിയോടെയായിരുന്നു അപകടം. കാര്‍ യാത്രക്കാരായ കൊല്ലം ചിറക്കര സ്വദേശികളായ വിഷ്ണു, രാജീവ്, അരുണ്‍, സുധീഷ്, സൂര്യോദയകുമാര്‍ എന്നിവരാണ് മരിച്ചത്. ഇടിയുടെ ആഘാതത്തില്‍ കാറിലുണ്ടായിരുന്ന മൂന്നു പേര്‍ തല്‍ക്ഷണം മരിച്ചു. മരിച്ച രണ്ടുപേരുടെ മൃതദേഹം മെഡിക്കല്‍ കോളജ് ആശുപത്രിയിലും, രണ്ടു പേരുടേത് വലിയ കുന്ന് ആശുപത്രിയിലും, ഒരാളുടെത് പാരിപ്പള്ളി മെഡിക്കല്‍ കോളജ് ആശുപത്രിയിലുമാണുള്ളത്. അപകടത്തില്‍ കാര്‍ കത്തി നശിച്ചു. മീന്‍ ലോറിയുടെ ഡ്രൈവറെ പൊലീസ് കസ്റ്റഡിയിലെടുത്തു. സ്ഥലത്തെ സിസിടിവി ദൃശ്യമടക്കം പരിശോധിച്ച ശേഷമേ അപകടത്തിന്റെ കാരണം വ്യക്തമാകുകയുള്ളുവെന്ന് പൊലീസ് പറഞ്ഞു.
Read More » - Top Stories
രാഹുല്‍ ഗാന്ധി ഇന്ന് കേരളത്തിലെത്തും
തിരുവനന്തപുരം : യുഡിഎഫിൽ സീറ്റ് വിഭജന ചർച്ചകൾ പുരോഗമിക്കേ രാഹുല്‍ ഗാന്ധി ഇന്ന് കേരളത്തിലെത്തും, യുഡിഎഫ് നേതാക്കളുമായി കൂടിക്കാഴ്ച്ച നടത്തും. ഉമ്മന്‍ ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന്‍, കെ സി വേണുഗോപാല്‍, മുസ്ലീം ലീഗ് നേതാക്കളായ പാണക്കാട് സാദിഖലി ശിഹാബ് തങ്ങള്‍, ഇ.ടി മുഹമ്മദ് ബഷീര്‍ എന്നിവരാണ് രാഹുല്‍ ഗാസിയുമായി കൂടിക്കാഴ്ച്ച നടത്തുക. രാവിലെ പതിനൊന്നു മണിക്ക് കരിപ്പൂര്‍ വിമാനത്താവളത്തിലെത്തുന്ന രാഹുല്‍ ഗാന്ധി അവിടെ വച്ചായിരിക്കും കേരളത്തിലെ നേതാക്കളുമായി ചര്‍ച്ച നടത്തുക. പിന്നീട് വണ്ടൂര്‍ ,നിലമ്ബൂര്‍ നിയോജക മണ്ഡലം ത്രിതല പഞ്ചായത്ത് തെരഞ്ഞെടുപ്പില്‍ മത്സരിച്ച സ്ഥാനാര്‍ത്ഥികളുടെ സംഗമത്തിലും രാഹുല്‍ ഗാന്ധി പങ്കെടുക്കും. വൈകിട്ട് അദ്ദേഹം വയനാട്ടിലേക്ക് പോകും. അതേസമയം, ഉമ്മൻചാണ്ടിയും രമേശ് ചെന്നിത്തലയും പാണക്കാട്ടെത്തി മുസ്ലിംലീഗ് സംസ്ഥാന അധ്യക്ഷൻ ഹൈദരലി ശിഹാബ് തങ്ങളുമായി ചർച്ച നടത്തി. പി.കെ.കുഞ്ഞാലിക്കുട്ടി, കെ.പി.എ.മജീദ് തുടങ്ങിയ ലീഗിന്റെ മുതിർന്ന നേതാക്കളും ചർച്ചയിൽ പങ്കെടുത്തു. സീറ്റ് വിഭജനത്തിൽ തങ്ങളുടെ ആവശ്യം ഹൈദരലി തങ്ങൾ കോൺഗ്രസ് നേതാക്കളെ ധരിപ്പിച്ചതായാണ് വിവരം. അഞ്ച് സീറ്റ് അധികമായി വേണമെന്ന് ലീഗ് ആവശ്യപ്പെട്ടതായാണ് റിപ്പോർട്ട്.
Read More » - Top Stories
തെരഞ്ഞെടുപ്പ് ചൂടിലേക്ക് മുന്നണികൾ; എല്‍ഡിഎഫ് യോഗം ചേരുന്നു
തിരുവനന്തപുരം : നിയമസഭ തെരഞ്ഞെടുപ്പ് ചൂടിലേക്ക് മുന്നണികൾ. സീറ്റ് വിഭജന ചര്‍ച്ചക സജീവമായി. എല്‍ഡിഎഫ് യോഗം ഇന്ന് എകെജി സെന്ററിൽ ചേരും. യുഡിഎഫിന്റെ സീറ്റ് വിഭജന ചര്‍ച്ചകളും പുരോഗമിക്കുകയാണ്. രാഹുല്‍ ഗാന്ധി ഇന്ന് കേരളത്തിലെത്തും, കോണ്‍ഗ്രസ് – ലീഗ് നേതാക്കളുമായി കൂടിക്കാഴ്ച്ച നടത്തും. ഉമ്മന്‍ ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന്‍, കെ സി വേണുഗോപാല്‍, മുസ്ലീം ലീഗ് നേതാക്കളായ പാണക്കാട് സാദിഖലി ശിഹാബ് തങ്ങള്‍, ഇ ടി മുഹമ്മദ് ബഷീര്‍ എന്നിവരാണ് രാഹുൽ ഗാന്ധിയുമായി കൂടിക്കാഴ്ച്ച നടത്തുക. എന്‍സിപിക്കുളളിൽ ഭിന്നത നിലനില്‍ക്കെ ടി പി പീതാംബരനും, മാണി സി കാപ്പനും ഒപ്പം എ കെ ശശീന്ദ്രനും എൽഡിഫ് യോഗത്തില്‍ പങ്കെടുക്കും. സീറ്റ് ചര്‍ച്ച അജണ്ടയില്‍ ഉള്‍പ്പെടുത്താതെ എല്‍ഡിഎഫ് ജാഥ, പ്രകടനപത്രിക എന്നിവയില്‍ വിഷയങ്ങളൂന്നാനാണ് സിപിഎം നീക്കം. എന്‍സിപി സമ്മര്‍ദ്ദത്തില്‍ പാലാ സീറ്റ് ചര്‍ച്ച ചെയ്താല്‍ സിപിഐ നിലപാടും നിര്‍ണ്ണായകമാകും.
Read More » - Top Stories
കര്‍ഷക സംഘർഷം: 23 കേസുകള്‍ റജിസ്റ്റര്‍ ചെയ്തു; 100 ൽ അധികം പൊലീസുകാർക്ക് പരിക്ക്
ന്യൂഡൽഹി : കര്‍ഷകരുടെ ട്രാക്റ്റര്‍ റാലിയുമായി ബന്ധപ്പെട്ടുണ്ടായ സംഘര്‍ഷത്തില്‍ ഡൽഹി പൊലീസ് 23 കേസുകള്‍ റജിസ്റ്റര്‍ ചെയ്തു. അക്രമങ്ങളില്‍ 100 ൽ അധികം പൊലീസുദ്യോഗസ്ഥര്‍ക്ക് പരിക്കേറ്റുവെന്നാണ് ദില്ലി പൊലീസ് വ്യക്തമാക്കുന്നത്. രണ്ട് പേര്‍ തീവ്രപരിചരണവിഭാഗത്തില്‍ ചികിത്സയിലാണ്. ഇന്നലെ ഐടിഒ ജംഗ്ഷനിലുണ്ടായ സംഘര്‍ഷത്തില്‍ ഒരു കര്‍ഷകനും മരിച്ചിരുന്നു. ഉത്തരാഖണ്ഡ് സ്വദേശിയാണ് മരിച്ചത്. നിരവധി പൊതുവാഹനങ്ങളും മറ്റ് വസ്തുക്കളുമാണ് റിപ്പബ്ലിക് ദിനത്തിലുണ്ടായ സംഘര്‍ഷത്തില്‍ നശിപ്പിക്കപ്പെട്ടത്. പൊലീസിന് മാത്രം, നൂറ് കോടിയോളം രൂപയുടെ വസ്തുക്കളുടെ നാശനഷ്ടം ഇത് വഴിയുണ്ടായെന്നാണ് കണക്കാക്കപ്പെടുന്നത്. ചെങ്കോട്ടയില്‍ വലിയ സുരക്ഷാ സന്നാഹം ഏര്‍പ്പെടുത്തി. കേന്ദ്രസേനയുള്‍പ്പടെയുള്ളവരെയാണ് ചെങ്കോട്ടയുള്‍പ്പടെയുള്ള തന്ത്രപ്രധാനമേഖലകളില്‍ വിന്യസിച്ചിരിക്കുന്നത്. ദില്ലിയുടെ വിവിധ ഭാഗങ്ങളിലും എന്‍സിആര്‍ മേഖലകളിലും ഇന്ന് മൊബൈല്‍ ഇന്‍റര്‍നെറ്റ് സേവനങ്ങള്‍ക്ക് തടസ്സം നേരിടും. ഇന്നലെ സിംഘു, തിക്രി, ഗാസിപൂര്‍, മുകാര്‍ബ ചൗക്, നാന്‍ഗ്ലോയ് എന്നിവിടങ്ങളില്‍ ഉച്ചമുതല്‍ അര്‍ദ്ധരാത്രി വരെ ഇന്‍റര്‍നെറ്റ് സേവനം റദ്ദാക്കിയിരുന്നു. ഇതേ മേഖലകളില്‍ ഇന്നും, ആവശ്യമെന്ന് തോന്നുകയാണെങ്കില്‍ മൊബൈല്‍ സേവനം റദ്ദാക്കുമെന്ന് കേന്ദ്രആഭ്യന്തരമന്ത്രാലയം പുറത്തിറക്കിയ വാര്‍ത്താക്കുറിപ്പില്‍ പറയുന്നു. ഇന്നും ലാല്‍കില, ജുമാ മസ്ജിദ് എന്നീ മെട്രോ സ്റ്റേഷനുകള്‍ അടഞ്ഞു കിടക്കും. ഇവിടങ്ങളിലൂടെ പ്രവേശനമുണ്ടാകില്ല. സ്റ്റേഷനുകളുടെ പ്രവര്‍ത്തനം സാധാരണ പോലെ തുടരും. എന്നാല്‍ എന്‍ട്രി, എക്സിറ്റ് ഗേറ്റുകള്‍ അടഞ്ഞുകിടക്കുമെന്നും മെട്രോ അധികൃതര്‍ അറിയിച്ചു. സെപ്റ്റംബറില്‍ കേന്ദ്രസര്‍ക്കാര്‍ പാസ്സാക്കിയ കാര്‍ഷികനിയമഭേദഗതികള്‍ക്കെതിരെ പ്രതിഷേധവുമായാണ് ട്രാക്റ്റര്‍ പരേഡുമായി കാര്‍ഷിക സംഘടനകള്‍ റിപ്പബ്ലിക് ദിനത്തില്‍ ദില്ലിയിലെ നിരത്തിലിറങ്ങിയത്.പൊലീസുകാരും സമരക്കാര്‍ക്കും ഇടയിലുണ്ടായ സംഘര്‍ഷത്തില്‍ നിരവധി സമരക്കാര്‍ക്കും പൊലീസുകാര്‍ക്കും പരിക്കേറ്റിരുന്നു. നേരത്തേ നിശ്ചയിച്ച വഴികള്‍ക്ക് പകരം ഗതിമാറി മറ്റ് വഴികളിലൂടെ കര്‍ഷകര്‍ യാത്ര തുടങ്ങിയതോടെ പൊലീസ് കടുത്ത നടപടി തുടങ്ങുകയായിരുന്നു. നിശ്ചയിച്ചതിലും രണ്ട് മണിക്കൂര്‍ നേരത്തേ ട്രാക്റ്റര്‍ പരേഡ് പല അതിര്‍ത്തികളില്‍ നിന്നും തുടങ്ങിയിരുന്നു. പലയിടത്തും സമരക്കാരും പൊലീസും തമ്മില്‍ ഏറ്റുമുട്ടി. ലാത്തിച്ചാര്‍ജും കണ്ണീര്‍വാതകവും പ്രയോഗിക്കപ്പെട്ടു. ചിലയിടത്ത് പൊലീസ് വെടിവച്ചുവെന്ന് കര്‍ഷകസംഘടനകള്‍ ആരോപിക്കുന്നു. പൊലീസ് വെടിവെപ്പില്‍ ട്രാക്റ്റര്‍ മറിഞ്ഞാണ് കര്‍ഷകന്‍ മരിച്ചതെന്ന് കര്‍ഷകസംഘടനകള്‍ പറയുമ്പോള്‍ സ്ഥലത്ത് വെടിവെപ്പ് നടന്നിട്ടേയില്ലെന്നാണ് ദില്ലി പൊലീസ് പറയുന്നത്. ഇതിനിടെയാണ് ഒരു സംഘം കര്‍ഷകര്‍ ചെങ്കോട്ടയിലെത്തിയത്. അവിടെയെത്തി…
Read More » - Top Stories
കർഷക പ്രക്ഷോഭം: യുദ്ധക്കളമായി ഡൽഹി
ന്യൂഡൽഹി : കർഷക പ്രതിഷേധത്തിൽ ഡൽഹിയിൽ വൻ സംഘർഷം. ഒരു കർഷകൻ മരണപ്പെട്ടു. ഉച്ചയോടെ ഡൽഹി നഗരം യുദ്ധക്കളമായി. പലയിടങ്ങളിലും കർഷകരും പോലീസും തമ്മിൽ ഏറ്റുമുട്ടി. ട്രാക്ടർ റാലിയിൽ പ്രതീക്ഷിച്ചതിലും വലിയ പങ്കാളിത്തമുണ്ടായി. പോലീസ് സ്ഥാപിച്ച എല്ലാ തടസ്സങ്ങളും ഭേദിച്ച് കർഷകർ മുന്നേറി. കണ്ണീർവാതകം പ്രയോഗിച്ചിട്ടും സമരക്കാർ പിൻവാങ്ങിയില്ല. പൊലീസ് ലാത്തിച്ചാര്‍ജില്‍ നിരവധി പ്രതിഷേധക്കാര്‍ക്ക് പരിക്കേറ്റു. സിംഘുവില്‍ നിന്ന് ഗാസിപൂര്‍ വഴി യാത്രതിരിച്ച സംഘം പ്രഗതി മൈതാനില്‍ പൊലീസുമായി ഏറ്റുമുട്ടുകയാണ്. ഡല്‍ഹി ട്രാന്‍സ്‌പോര്‍ട്ട് കോര്‍പ്പറേഷന്‍ ബസിനും കണ്ടെയ്‌നറുകള്‍ക്കും നേരെ കര്‍ഷകര്‍ ആക്രമണം നടത്തി. ട്രാക്ടറുമായി മുന്നേറിയ കർഷകർ ചെങ്കോട്ടയിൽ പ്രവേശിച്ചു. ചെങ്കോട്ടയിൽ കയറിയ കർഷകരെ തടയാൻ പോലീസിന് സാധിച്ചില്ല. ചെങ്കോട്ട കീഴടക്കിയ കർഷകർ പതാക സ്ഥാപിച്ചു. ഇപ്പോഴും സംഘർഷം തുടരുകയാണ്.
Read More » - Top Stories
72-ാം റിപ്പബ്ലിക് ദിനാഘോഷ നിറവിൽ രാജ്യം
ന്യൂഡൽഹി : രാജ്യം 72-ാംറിപ്പബ്ലിക് ദിനം ആഘോഷിക്കുന്നു. രാഷ്ട്രപതി രാംനാഥ് കൊവിന്ദ് ദേശീയ പതാക ഉയര്‍ത്തി. പ്രധാനമന്ത്രി നരേന്ദ്രമോദി യുദ്ധസ്‌മാരകത്തില്‍ ധീരസൈനികര്‍ക്ക് ആദരമര്‍പ്പിച്ചു. തൊട്ടുപിന്നാലെ രാജ്പഥില്‍ പരേഡ് ആരംഭിച്ചു.അരനൂറ്റാണ്ടിനിടെ ആദ്യമായി ഇത്തവണ റിപ്പബ്ലിക് ദിനാഘോഷങ്ങൾക്ക് വിശിഷ്ടതിഥി ഇല്ല. കോവിഡിന്റെ പശ്ചാത്തലത്തിൽ റിപ്പബ്ലിക് ദിനാഘോഷ റാലിയുടെ ദൈർഘ്യവും കാണികളുടെ എണ്ണവും കുറച്ചിട്ടുണ്ട്. റിപ്പബ്ലിക് ദിന പരേഡിന്റെ ചരിത്രത്തിലാദ്യമായി ബംഗ്ലാദേശ് സേനയും പരേഡിന്റെ ഭാഗമായി. ലെഫ്റ്റനന്റ് കേണല്‍ അബു മുഹമ്മദ് ഷഹനൂര്‍ ഷവോണിന്റെ നേതൃത്വത്തിലുളള 122 അംഗസേനയാണ് പരേഡില്‍ പങ്കെടുത്തത്. രാജ്യത്തിന്റെ സൈനിക ശക്തി തെളിയിക്കുന്നതായിരുന്ന സൈനിക പരേഡ്. ടാങ്ക് 90-ഭീഷ്മ, പിനാക മൾട്ടി ലോഞ്ചർ റോക്കറ്റ് സിസ്റ്റം, ഷിൽക വെപ്പൺ സിസ്റ്റം, രുദ്ര-ദ്രുവ് ഹെലികോപ്ടറുകൾ, ബ്രഹ്മോസ് മിസൈൽ എന്നിവ പ്രദർശിപ്പിച്ചു. പരേഡിൽ പങ്കെടുത്ത 861ബ്രഹ്മോസ് മിസൈൽ റജിമെന്റിന്റെ യുദ്ധകാഹളം സ്വാമിയേ ശരണമയ്യപ്പാ എന്ന മന്ത്രമാണ്. 15ന് ഡൽഹിയിൽ നടന്ന കരസേനാ ദിനാചരണത്തോടനുബന്ധിച്ചുള്ള പരേഡിലും ബ്രഹ്മോസിന്റെ കാഹളം ‘സ്വാമിയേ ശരണമയ്യപ്പാ’ തന്നെയായിരുന്നു. ഇന്ത്യയുടെ അഭിമാനമായ കണ്ടുപിടുത്തം കോവിഡ് വാക്സിനും നിശ്ചലദൃശ്യത്തിൽ അഭിമാനമായി. രാജ്യത്തെ ഫൈറ്റർ ജെറ്റ് ആദ്യ വനിതാ പൈലറ്റിലൊരാളായ ഭാവന കാന്ത് എയർ ഫോഴ്സിന്റെ ടാബ്ലോയിൽ പങ്കെടുത്തു. രാജ്യത്തിന്റെ സാംസ്കാരിക പൈതൃകവും വൈവിധ്യവും പ്രദർശിപ്പിക്കുന്നതായിരുന്നു വിവിധ സംസ്ഥാനങ്ങളിൽ നിന്നുള്ള നിശ്ചലദൃശ്യപ്രദർശനം. കേന്ദ്രഭരണ പ്രദേശമായി മാറിയ ലഡാക്ക് ആദ്യമായി നടത്തിയ നിശ്ചലദൃശ്യത്തോടെയാണ് സാംസ്കാരിക നിശ്ചലദൃശ്യ പ്രദർശനം ആരംഭിച്ചത്. 32 നിശ്ചദൃശ്യങ്ങളാണ് അണിനിരന്നത്. വടക്കൻ മലബാറിന്റെ തനത് കലാരൂപമായ തെയ്യമുൾപ്പെടുന്ന ദൃശ്യങ്ങളാണ് കേരളത്തിൽ നിന്നുള്ള നിശ്ചല ദൃശ്യത്തിലുൾപ്പെട്ടത്. അയോധ്യയുടേയും നിർദിഷ്ട രാം മന്ദിറിന്റേയും രൂപരേഖ ഉൾക്കൊളളുന്നതായിരുന്നു ഉത്തർപ്രദേശിന്റെ നിശ്ചലദൃശ്യം. റാഫേൽ ഉൾപ്പെടെയുള്ള യുദ്ദവിമാനങ്ങളുടെ കരുത്തിനും ആകാശം സാക്ഷിയായി.
Read More » - News
ദുരൂഹസാഹചര്യത്തില്‍ മരിച്ച നവവധു ആതിരയുടെ ഭര്‍തൃമാതാവ് തൂങ്ങി മരിച്ച നിലയില്‍
കൊല്ലം : കല്ലമ്പലത്ത് ദുരൂഹസാഹചര്യത്തില്‍ മരിച്ച നവവധു ആതിരയുടെ ഭര്‍തൃമാതാവ് തൂങ്ങി മരിച്ച നിലയില്‍. വീടിനോട് ചേര്‍ന്ന മരത്തില്‍ തുങ്ങി മരിച്ച നിലയിലാണ് മൃതദേഹം കണ്ടത്. സുനിത ഭവനില്‍ ശ്യാമളയാണ് മരിച്ചത്.ആത്മഹത്യയാണെന്നാണ് പ്രാഥമിക നിഗമനം. മരുമകള്‍ ആതിരയെ രണ്ടാഴ്ച മുന്‍പാണ് ഭര്‍തൃഗൃഹത്തിലെ കുളിമുറിയില്‍ മരിച്ച നിലയില്‍ കണ്ടെത്തിയത്. കഴുത്തും കൈഞരമ്പും മുറിച്ച നിലയിലായിരുന്നു ആതിരയുടെ മൃതദേഹം. വര്‍ക്കല മുത്താന സ്വദേശി ശരത് അടുത്തിടെയാണ് ആതിരയെ വിവാഹം കഴിച്ചത്. രണ്ട് മാസം പോലും തികയും മുന്‍പാണ് ആതിരയെ ദുരൂഹസാഹചര്യത്തില്‍ മരിച്ച നിലയില്‍ കണ്ടത്. മരണത്തില്‍ ദുരൂഹതയുണ്ടെന്ന് ആതിരയുടെ ബന്ധുക്കള്‍ പൊലീസിനെ അറിയിച്ചിരുന്നു.
Read More » - Top Stories
കെ.എസ്.ചിത്രയ്ക്ക് പത്മഭൂഷൺ, എസ്.പി.ബിക്ക് പത്മവിഭൂഷൻ
ന്യൂഡൽഹി : 72-ാം റിപ്പബ്ലിക്ക് ദിനാഘോഷത്തിന് മുന്നോടിയായി രാജ്യം പദ്മ പുരസ്കാരങ്ങൾ പ്രഖ്യാപിച്ചു. ഗായിക കെ.എസ്.ചിത്രയ്ക്ക് പത്മഭൂഷണും അന്തരിച്ച ഗായകന്‍ എസ്.പി ബാലസുബ്രഹ്മണ്യത്തിന് പത്മവിഭൂഷണും പ്രഖ്യാപിച്ചു. ഗാനരചയിതാവ് കൈതപ്രം ദാമോദരന്‍ നതിമ്പൂരിക്ക് പത്മശ്രീയും ലഭിച്ചു. എസ് പി ബാലസുബ്രഹ്മണ്യം ഉള്‍പ്പെടെ ഏഴുപേർക്കാണ് പദ്മ വിഭൂഷണ്‍ അവാര്‍ഡ് ലഭിച്ചത്. മരണാനന്തര ബഹുമതിയായാണ് എസ്പിബിക്ക് പുരസ്‌കാരം. മുന്‍ജാപ്പനീസ് പ്രധാനമന്ത്രി ഷിന്‍സോ ആബേ, ബി.ബി.ലാല്‍, ബിഎം ഹെഗ്ഡേ,സുദര്‍ശന്‍ സാഹു, എന്നിങ്ങനെ ഏഴ് പേര്‍ക്കാണ് പരമോന്നത സിവിലിയന്‍ ബഹുമതിയായ പത്മവിഭൂഷണ് പ്രഖ്യാപിച്ചിരിക്കുന്നത്. കെ.എസ്.ചിത്രയെ കൂടാതെ മുന്‍സ്പീക്കര്‍ സുമിത്രാ മഹാജന്‍, പ്രധാനമന്ത്രിയുടെ മുന്‍പ്രിന്‍സിപ്പള്‍ സെക്രട്ടറി നിപേന്ദ്ര മിശ്ര, അന്തരിച്ച കേന്ദ്രമന്ത്രി രാം വില്വാസ് പാസ്വന്‍, രജനികാന്ത് ദേവിദാസ്, മുന്‍ അസം മുഖ്യമന്ത്രി തരുണ് ഗൊഗോയി, കല്‍വേ സാദിഖ്, ദേവിദാസ്, ടര്‍ലോചന്‍ സിംഗ്, മുന്‍ ഗുജറാത്ത് മുഖ്യമന്ത്രി കേശുഭായി പട്ടേല്‍ തുടങ്ങിയവരും പത്മഭൂഷണ് അര്‍ഹരായി. ഗാനരചയിതാവ് കൈതപ്രം ദാമോദരന്‍ നമ്പൂതിരി, കായിക പരിശീലകന്‍ മാധവന്‍ നമ്പ്യാര്‍, ബാലന്‍ പുത്തേരി, തോല്‍പാവക്കൂത്ത് കലാകാരന്‍ കെ.കെ. രാമചന്ദ്ര പുലവര്‍ തുടങ്ങി 102 പേര്‍ പദ്മശ്രീ പുരസ്‌കാരത്തിനും അര്‍ഹരായി.
Read More » - Top Stories
കര്‍ഷകരും സൈനികരും രാജ്യത്തിന്റെ നട്ടെല്ലാണെന്ന് രാഷ്ട്രപതി
ന്യൂഡൽഹി : രാജ്യം കര്‍ഷകരോട് കടപ്പെട്ടിരിക്കുന്നുവെന്ന് രാഷ്ട്രപതി രാം നാഥ് കൊവിന്ദ്. കര്‍ഷകരും സൈനികരും രാജ്യത്തിന്റെ നട്ടെല്ലാണെന്നും രാഷ്ട്രപതി പറഞ്ഞു. രാജ്യത്തിന് റിപ്പബ്ലിക്ക് ദിന സന്ദേശം നൽകുകയായിരുന്നു രാഷ്ട്രപതി. രാജ്യത്തെ എല്ലാ പൗരന്‍മാര്‍ക്കും രാഷ്ട്രപതി റിപ്പബ്ലിക്ക് ദിന ആശംസകള്‍ നേര്‍ന്നു.
Read More » - Top Stories
സംസ്ഥാനത്ത് ഇന്ന് 3361 പേര്‍ക്ക് കോവിഡ്
തിരുവനന്തപുരം : സംസ്ഥാനത്ത് ഇന്ന് 3361 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 487, കോഴിക്കോട് 439, കൊല്ലം 399, തിരുവനന്തപുരം 313, കോട്ടയം 311, തൃശൂര്‍ 301, ആലപ്പുഴ 271, മലപ്പുറം 220, പാലക്കാട് 162, ഇടുക്കി 117, പത്തനംതിട്ട 117, കണ്ണൂര്‍ 115, വയനാട് 67, കാസര്‍ഗോഡ് 42 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.
Read More »
