Month: February 2021
- Top Stories
കേരളത്തില്‍ ഇന്ന് 5281 പേര്‍ക്ക് കോവിഡ്
തിരുവനന്തപുരം : കേരളത്തില്‍ ഇന്ന് 5281 പേര്‍ക്ക് കോവിഡ്-19 സ്ഥിരീകരിച്ചു. പത്തനംതിട്ട 694, എറണാകുളം 632, കോഴിക്കോട് 614, കൊല്ലം 579, മലപ്പുറം 413, കോട്ടയം 383, തൃശൂര്‍ 375, ആലപ്പുഴ 342, തിരുവനന്തപുരം 293, കണ്ണൂര്‍ 251, പാലക്കാട് 227, ഇടുക്കി 196, വയനാട് 180, കാസര്‍ഗോഡ് 102 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. യു.കെ.യില്‍ നിന്നും വന്ന ആര്‍ക്കും തന്നെ കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചിട്ടില്ല. അടുത്തിടെ യു.കെ.യില്‍ നിന്നും വന്ന 81 പേര്‍ക്കാണ് ഇതുവരെ കോവിഡ്-19 സ്ഥിരീകരിച്ചത്. ഇവരില്‍ 70 പേരുടെ പരിശോധനാഫലം നെഗറ്റീവായി. ആകെ 10 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്. കഴിഞ്ഞ 24 മണിക്കൂറിനിടെ 71,656 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 7.37 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്‍., ആര്‍.ടി. എല്‍.എ.എം.പി., ആന്റിജന്‍ പരിശോധന എന്നിവ ഉള്‍പ്പെടെ ഇതുവരെ ആകെ 1,03,65,859 സാമ്പിളുകളാണ് പരിശോധനയ്ക്കായി അയച്ചത്. കഴിഞ്ഞ ദിവസങ്ങളിലുണ്ടായ 16 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 3936 ആയി. ഇത് കൂടാതെ ഉണ്ടായ മരണങ്ങള്‍ എന്‍ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്. ഇന്ന് രോഗം സ്ഥിരീകരിച്ചവരില്‍ 106 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 4783 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 360 പേരുടെ സമ്പര്‍ക്ക ഉറവിടം വ്യക്തമല്ല. പത്തനംതിട്ട 645, എറണാകുളം 575, കോഴിക്കോട് 596, കൊല്ലം 570, മലപ്പുറം 384, കോട്ടയം 348, തൃശൂര്‍ 372, ആലപ്പുഴ 335, തിരുവനന്തപുരം 196, കണ്ണൂര്‍ 198, പാലക്കാട് 125, ഇടുക്കി 183, വയനാട് 165, കാസര്‍ഗോഡ് 91 എന്നിങ്ങനേയാണ് സമ്പര്‍ക്കത്തിലൂടെ രോഗം ബാധിച്ചത്. 32 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. കണ്ണൂര്‍ 9, എറണാകുളം 5, കൊല്ലം, പത്തനംതിട്ട, കോഴിക്കോട് 3 വീതം, മലപ്പുറം, വയനാട്, കാസര്‍ഗോഡ് 2 വീതം, തിരുവനന്തപുരം, കോട്ടയം…
Read More » - Top Stories
ഇരട്ടത്താപ്പ് നയം സ്വീകരിക്കുന്ന സമൂഹമാദ്ധ്യമങ്ങളെ അംഗീകരിക്കില്ലെന്ന് കേന്ദ്രം
ന്യൂഡല്ഹി : ഇരട്ടത്താപ്പ് നയം സ്വീകരിക്കുന്ന സമൂഹമാദ്ധ്യമങ്ങളുടെ നിലപാട് അംഗീകരിക്കില്ലെന്ന് കേന്ദ്ര ഐ.ടി മന്ത്രി രവിശങ്കര്‍ പ്രസാദ്. രാജ്യസഭയിലാണ് അദ്ദേഹം ഇക്കാര്യം അറിയിച്ചത്. ‘ട്വി‌റ്ററോ, ഫേസ്‌ബുക്കോ വാട്‌സാപ്പോ ഏത് സമൂഹമാദ്ധ്യമങ്ങളായാലും തെ‌റ്റായ വാര്‍ത്തയും അക്രമവും പടരാന്‍ ഇടയാക്കിയാല്‍ നടപടിയെടുക്കുമെന്നും അദ്ദേഹം മുന്നറിയിപ്പ് നല്‍കി. നിങ്ങള്‍ക്ക് ഇന്ത്യയില്‍ കോടിക്കണക്കിന് പേരെ അക്കൗണ്ടില്‍ ചേര്‍ക്കാം. പണമുണ്ടാക്കാം. പക്ഷെ ഇന്ത്യന്‍ നിയമങ്ങളെയും ഭരണഘടനയെയും അനുസരിക്കണം. അമേരിക്കയിലെ ക്യാപി‌റ്റോളില്‍ ആക്രമണം നടന്നപ്പോള്‍ ട്വി‌റ്റര്‍ ഉള്‍പ്പടെ സമൂഹമാദ്ധ്യമങ്ങള്‍ പൊലീസ് അന്വേഷണത്തിനൊപ്പം നിന്നു. എന്നാല്‍ ചെങ്കോട്ടയില്‍ നടന്ന ആക്രമണത്തില്‍ കേന്ദ്ര സര്‍ക്കാരിനെതിരെയാണ് നില്‍ക്കുന്നത്. നമ്മുടെ അഭിമാനമാണ് ചെങ്കോട്ട. ഈ ഇരട്ടത്താപ്പ് അനുവദിക്കില്ലന്നും മന്ത്രി വ്യക്തമാക്കി. ചോദ്യോത്തരവേളയിലാണ് മന്ത്രി ഇക്കാര്യം വ്യക്തമാക്കിയത്. കേന്ദ്രം ചൂണ്ടിക്കാട്ടിയ 1178 അക്കൗണ്ടുകള്‍ ട്വിറ്ററുകള്‍ പൂര്‍ണമായും നീക്കം ചെയ്യാത്തതാണ് കേന്ദ്ര സര്‍ക്കാരിനെ ചൊടിപ്പിച്ചത്. 583 അക്കൗണ്ടുകള്‍ മാത്രമാണ് ട്വി‌റ്റര്‍ നീക്കിയത്.അഭിപ്രായസ്വാതന്ത്ര്യത്തെ ബാധിക്കുന്നതിനാല്‍ മാദ്ധ്യമപ്രവര്‍ത്തകരുടെയും രാഷ്‌ട്രീയ നേതാക്കളുടെയും മാദ്ധ്യമ സ്ഥാപനങ്ങളുടെയും അക്കൗണ്ടുകള്‍ നീക്കാനാകില്ലെന്നാണ് ട്വി‌റ്റര്‍ നിലപാടെടുത്തത്. എന്നാൽ ഖാലിസ്ഥാന്‍ വാദത്തെയും പാകിസ്ഥാനെയും പിന്തുണയ്‌ക്കുന്നതാണ് പിന്‍വലിക്കാന്‍ ആവശ്യപ്പെട്ട അക്കൗണ്ടുകള്‍ എന്നാണ് കേന്ദ്ര സര്‍ക്കാ‌ര്‍ സ്വീകരിച്ച നിലപാട്.
Read More » - Politics
പാലായിൽ തന്നെ മത്സരിക്കുമെന്ന് കാപ്പൻ
ന്യൂഡൽഹി : പാലായിൽ തന്നെ മത്സരിക്കുമെന്ന് മാണി.സി. കാപ്പൻ. ഇടത് മുന്നണി മാറ്റമടക്കമുള്ള വിഷയത്തില്‍ ശരദ് പവാറും പ്രഫുൽ പട്ടേലുമായി ചർച്ച നടത്തിയ ശേഷം നാളെ തീരുമാനമുണ്ടാകുമെന്ന് മാണി സി കാപ്പന് പറഞ്ഞു. ശരദ് പവാറുമായുളള കൂടിക്കാഴ്ചയ്ക്ക് ശേഷം ഡൽഹിയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. എല്‍ഡിഎഫുമായി പ്രഫുല്‍ പട്ടേല്‍ ചര്‍ച്ച നടത്തിക്കഴിഞ്ഞു. പാലാ എന്‍സിപിക്ക് ഇല്ലായെന്നാണ് ഇപ്പോഴത്തെ വിവരം. എന്നാല്‍ എല്‍ഡിഎഫില്‍ ഇല്ലായെന്ന് പറ‍ഞ്ഞിട്ടില്ല. നാളെ ശരദ് പവാറുമായി പ്രഫുല്‍ പട്ടേല്‍ ചര്‍ച്ച നടത്തും. ഇതിനായി യാത്ര റദ്ദാക്കി പവാര്‍ ദില്ലിയില്‍ തുടരുകയാണെന്നും മാണി സി കാപ്പന് അറിയിച്ചു.
Read More » - Top Stories
സംസ്ഥാനത്ത് രണ്ടാംഘട്ട കൊവിഡ് വാക്‌സിനേഷന്‍ ആരംഭിച്ചു
തിരുവനന്തപുരം : സംസ്ഥാനത്ത് രണ്ടാംഘട്ട കൊവിഡ് വാക്‌സിനേഷന്‍ ആരംഭിച്ചു. പൊലീസ്, റവന്യൂ ജീവനക്കാര്‍ക്കാണ് രണ്ടാംഘട്ടത്തില്‍ വാക്‌സിന്‍ നല്‍കുക. സംസ്ഥാന പൊലീസ് മേധാവി ലോക്‌നാഥ് ബെഹ്‌റ, എഡിജിപി മനോജ് എബ്രഹാം, ജില്ലാ കളക്ടര്‍ നവജ്യോത് ഖോസെ എന്നിവര്‍ വാക്‌സിന്‍ സ്വീകരിച്ചു. നാലു ദിവസം കൊണ്ടു പൊലീസുകാര്‍ക്ക് വാക്‌സിന്‍ നല്‍കുന്നത് പൂര്‍ത്തിയാക്കുമെന്ന് ഡിജിപി പറഞ്ഞു. ഒന്നാംഘട്ടത്തില്‍ ആരോഗ്യപ്രവര്‍ത്തകര്‍ക്കാണ് കൊവിഡ് വാക്‌സിന്‍ നല്‍കിയത്. രണ്ടാംഘട്ടത്തില്‍ പൊലീസ്, ഫയര്‍ഫോഴ്‌സ്, സേനാ വിഭാഗങ്ങള്‍, പഞ്ചായത്ത്, മുന്‍സിപ്പാലിറ്റി, റവന്യൂ ജീവനക്കാര്‍ എന്നിവര്‍ക്കാണ് വാക്‌സിന്‍ നല്‍കുന്നത്. കഴിഞ്ഞ ദിവസം വരെ 78000 സേനാ വിഭാഗം ജീവനക്കാര്‍ രജിസ്റ്റര്‍ ചെയ്തിരുന്നു. കൊവിഷീല്‍ഡ് വാക്‌സിനാണ് സംസ്ഥാനത്ത് നല്‍കുന്നത്. വാക്‌സിന്‍ സ്വീകരിക്കുന്നവര്‍ക്ക് ആദ്യ രണ്ടു ദിവസങ്ങളില്‍ ചെറിയ ജലദോഷമുണ്ടാകും. വാക്‌സിന്‍ നല്‍കുന്നതിന്റെ മൂന്നാംഘട്ടം മാര്‍ച്ചില്‍ തുടങ്ങും. 50 വയസു കഴിഞ്ഞവര്‍ക്കാണ് മൂന്നാംഘട്ടത്തില്‍ വാക്‌സിന്‍ നല്‍കുക.
Read More » - Politics
കാപ്പന് പാലായിൽ കൈപ്പത്തി ചിഹ്നം നൽകുമെന്ന് മുല്ലപ്പള്ളി
കൊച്ചി : മാണി.സി.കാപ്പന് പാലായിൽ മത്സരിക്കാൻ കൈപ്പത്തി ചിഹ്നം നൽകുമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. കാപ്പൻ കോണ്‍ഗ്രസില്‍ വന്നാല്‍ സന്തോഷമെന്നും മുല്ലപ്പള്ളി വ്യക്തമാക്കി. മുന്നണി പ്രവേശനം സംബന്ധിച്ച്‌ എന്‍സിപിയുമായി ഔദ്യോഗിക ചര്‍ച്ചകള്‍ നടന്നിട്ടില്ലെന്നും അദ്ദേഹം പറഞ്ഞു. പ്രതിപക്ഷ നേതാവ് രമേശ് ചെന്നിത്തലയും മാണി.സി.കാപ്പനെ യുഡിഎഫിലേക്ക് സ്വാഗതം ചെയ്തു. ഐശ്വര്യകേരള യാത്രയിൽ മാണി സി കാപ്പൻ എത്തിയാൽ സന്തോഷമെന്നും ചെന്നിത്തല ചാലക്കുടിയിൽ വ്യക്തമാക്കി.
Read More » - Top Stories
ലഡാക്ക് സംഘർഷം: അതിര്‍ത്തിയില്‍ പിന്മാറ്റം തുടങ്ങി ഇന്ത്യ-ചൈന സേനകൾ
ന്യൂഡല്ഹി : അതിര്‍ത്തിയില്‍ പിന്മാറ്റം നടത്താൻ ഇന്ത്യന്‍ – ചൈന സേനകള്‍ ധാരണയായതായി പ്രതിരോധ മന്ത്രിരാജ്നാഥ്‌ സിംഗ് രാജ്യസഭയില്‍ പറഞ്ഞു. പാംഗോങ് തടാകത്തിന്റെ തെക്ക്-വടക്ക് മേഖലകളിൽ നിന്ന് ഇരുസേനകളും പിൻമാറ്റം തുടങ്ങി. ചൈനീസ് സേന ഫിംഗര്‍ എട്ടിലേക്കും ഇന്ത്യന്‍ സൈന്യം ഫിംഗര്‍ മൂന്നിലേക്കും പിന്മാറും. വടക്കന്‍ തീരത്ത് നിന്നുളള സേനാ പിന്മാറ്റം സംബന്ധിച്ച്‌ ചര്‍ച്ചകള്‍ തുടരും. 48 മണിക്കൂറിനുളളില്‍ ഇരുരാജ്യങ്ങളുടേയും കമാന്‍‌ഡര്‍ തലത്തില്‍ കൂടുതൽ ചര്‍ച്ച നടത്തുമെന്നും രാജ്നാഥ് സിംഗ് വ്യക്തമാക്കി. ഇന്ത്യയുടെ പരമാധികാരം വിട്ടുകൊടുത്തുകൊണ്ടുളള ഒരു തീരുമാനത്തിലേക്കും എത്താന്‍ തയ്യാറായിരുന്നില്ല. രാജ്യത്തിന്റെ അഖണ്ഡത കാത്തുസൂക്ഷിക്കാന്‍ പ്രജ്ഞാബദ്ധമാണെന്നും ചൈനയ്ക്ക് ഒരു നുളള് മണ്ണ് പോലും വിട്ടുകൊടുക്കില്ലെന്നും രാജ്യസഭയില്‍ പ്രതിരോധമന്ത്രി പറഞ്ഞു. ചൈനയുടെ നടപടി സമാധാനം തകര്‍ക്കുന്നതാണ്. സംഘര്‍ഷം ഒഴിവാക്കാനാണ് ഇന്ത്യ ശ്രമിക്കുന്നത്. ഇന്ത്യ ചൈന അതിര്‍ത്തിയില്‍ ചൈന വലിയ സേനാ വിന്യാസമാണ് നടത്തിയത്. പാങ്കോംഗ് തടാകതീരത്ത് ഇന്ത്യന്‍ സേന ശക്തമായ വെല്ലുവിളിയാണ് നേരിട്ടത്. ഇന്ത്യന്‍സേന ഉയരങ്ങളില്‍ നിലയുറപ്പിച്ചതോടെ പൂര്‍ണമായും പിന്മാറ്റത്തിന് ചൈന തയ്യാറാവുകയായിരുന്നുവെന്നും രാജ്നാഥ് സിംഗ് സ്ഥിരീകരിച്ചു.
Read More » - Top Stories
എം ശിവശങ്കറിന്‍റെ ജാമ്യം റദ്ദാക്കണമെന്ന് ആവശ്യപ്പെട്ട് ഈ ഡി സുപ്രീംകോടതിയില്‍
ന്യൂഡൽഹി : സ്വര്‍ണക്കടത്ത് കേസില്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിന്‍റെ ജാമ്യം റദ്ദാക്കണമെന്ന് ആവശ്യപ്പെട്ട് എൻഫോഴ്സ്മെന്റ് ഡറക്ടറേറ്റ് സുപ്രീംകോടതിയില്‍ ഹര്‍ജി നല്‍കി. ശിവശങ്കറിന് ജാമ്യം നല്‍കിയത് അന്വേഷണത്തെ ബാധിക്കും എന്നാണ് ഇഡിയുടെ വാദം. തിരുവനന്തപുരം എസ് ബി ഐ ബ്രാഞ്ചിലെ ലോക്കറിൽ നിന്ന് കണ്ടെത്തിയ കണക്കിൽ പെടാത്ത 64 ലക്ഷം രൂപയും ആയി ബന്ധപ്പെട്ട കേസ് അന്വേഷണം നിർണായക ഘട്ടത്തിൽ ആണ്. ശിവശങ്കരൻ ജാമ്യത്തിൽ കഴിയുന്നത് ഈ കേസിലെ സാക്ഷികളെ സ്വാധീനിക്കുന്നതിന് പോലും വഴി വയ്ക്കും. ഇത് വരെയുള്ള അന്വേഷണത്തിൽ ശിവശങ്കറിന് എതിരെ ശക്തമായ തെളിവുകൾ ഉണ്ടെന്നും എൻഫോഴ്സ്മെന്റ് ഡയറക്ടറേറ്റ് ഹർജിയിൽ ചൂണ്ടികാട്ടിയിട്ടുണ്ട്. കസ്റ്റംസും ഇഡിയും രജസ്റ്റര്‍ ചെയ്ത മൂന്ന് കേസുകളിലും ജാമ്യം ലഭിച്ചതിനെ തുടര്‍ന്ന് ഈ മാസം മൂന്നിനാണ് ശിവശങ്കര്‍ ജയിലില്‍ നിന്ന് പുറത്തിറങ്ങിയത്. സ്വര്‍ണക്കടത്ത് കേസ്, കള്ളപ്പണക്കേസ്, ഡോളര്‍ കടത്ത് എന്നിങ്ങനെ മൂന്ന് കേസുകളിലാണ് ശിവശങ്കറിനെ കസ്റ്റംസും ഇഡിയും അറസ്റ്റ് ചെയ്യുന്നത്.
Read More » - Top Stories
ഇന്നും രാജ്യത്ത് ഇന്ധന വില കൂടി
തിരുവനന്തപുരം : തുടര്‍ച്ചയായ നാലാം ദിവസവും രാജ്യത്ത് ഇന്ധന വില കൂടി. പെട്രോള്‍ 25 പൈസയും ഡീസല്‍ 32 പൈസയുമാണ് ഇന്ന് കൂടിയത്. ഇതോടെ തിരുവനന്തപുരം നഗരത്തില്‍ ഇന്ന് പെട്രോള്‍ വില 89 രൂപ 73 പൈസയും ഡീസല്‍ വില 83 രൂപ 91 പൈസയുമായി. കൊച്ചി നഗരത്തില്‍ പെട്രോള്‍ 88 രൂപ 10 പൈസയും, ഡീസല്‍ 82 രൂപ 40 പൈസയുമായി. രാജ്യത്തെ പ്രധാന നഗരങ്ങളില്‍ ഇന്ധനവില സര്‍വകാല റെക്കോഡില്‍ എത്തി. മുംബൈയില്‍ പെട്രോള്‍ വില 94 രൂപ 50 പൈസ ആയി. ദില്ലിയിലും പെട്രോള്‍ വില സര്‍വകാല റെക്കോഡില്‍ എത്തി. 87 രൂപ 90 പൈസ. ബെംഗളൂരുവില്‍ പെട്രോള്‍ വില 90 രൂപ 85 പൈസയിലെത്തി.
Read More » - Top Stories
ഇന്ധന വില ഇന്നും കൂട്ടി
കൊച്ചി : തുടര്‍ച്ചയായ മൂന്നാം ദിവസവും ഇന്ധന വില കൂടി. പെട്രോള്‍ ലിറ്ററിന് 30 പൈസയും ഡീസല്‍ ലിറ്ററിന് 26 പൈസയുമാണ് ഇന്ന് കൂടിയത്. കൊച്ചി നഗരത്തില്‍ പെട്രോള്‍ വില 87 രൂപ 76 പൈസയും ഡീസല്‍ വില 81രൂപ 99 പൈസയുമായി. തിരുവനന്തപുരം നഗരത്തില്‍ 89രൂപ 48 പൈസ ആണ് പെട്രോള്‍ വില. ഡീസല്‍ 83 രൂപ 63 പൈസ. സംസ്ഥാനത്ത് ഗ്രാമീണ മേഖലകളില്‍ പെട്രോള്‍ വില 90 കടന്ന് കുതിക്കുകയാണ്. എട്ടു മാസത്തിനിടെ 16 രൂപയിലേറെയാണ് ഇന്ധന വില കൂടിയത്.
Read More » - News
ഗായകന്‍ എം.എസ് നസീം അന്തരിച്ചു
തിരുവനന്തപുരം : ഗായകന്‍ എം എസ് നസീം അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. നാടകങ്ങളിലൂടെയും സ്റ്റേജ് ഷോകളിലൂടെയും ശ്രദ്ധേയനായ ഗായകനാണ് എം എസ് നസീം. ടെലിവിഷന്‍ രംഗത്തും സജീവ സാന്നിദ്ധ്യമായിരുന്ന നസിം നിരവധി സിനിമകളിലും പാടിയിട്ടുണ്ട്. 1987ല്‍ മികച്ച ഗായകനുള്ള സംഗീത നാടക അക്കാദമി അവാര്‍ഡ് നേടിയിട്ടുണ്ട്. കഴിഞ്ഞ പത്ത് വര്‍ഷമായി പക്ഷാഘാതം വന്ന് ചലനശേഷി നഷ്ടപ്പെട്ട് കിടക്കുകയായിരുന്നു അദ്ദേഹം.
Read More »
