ദുരന്തമുഖത്ത് മുഖ്യമന്ത്രിയും കേന്ദ്രമന്ത്രിയും രാഷ്ട്രീയം കളിക്കുന്നുവെന്ന് ചെന്നിത്തല

തിരുവനന്തപുരം : അതിഥി തൊഴിലാളികളുടെ യാത്രാചെലവിനായി പണം നൽകാൻ അഞ്ച് കോൺഗ്രസ് ജില്ലാ കമ്മിറ്റികൾ  കളക്ടർമാരെ സമീപിച്ചു എന്നാൽ കളക്ടർമാർ പണം വാങ്ങാൻ തയ്യാറായില്ലെന്നും തിരുവനന്തപുരം ജില്ലാ കളക്ടർ കാണാൻ പോലും തയ്യാറായില്ലന്നും പ്രതിപക്ഷ നേതാവ് രമേശ്‌ ചെന്നിത്തല. മുഖ്യമന്ത്രി ദുരന്ത മുഖത്ത് രാഷ്ട്രീയം കളിയ്ക്കുകയാണെന്നും തെരഞ്ഞെടുക്കപ്പെട്ട മുഖ്യമന്ത്രിക്ക് ഇത്ര ധാര്‍ഷ്ട്യം പാടില്ലെന്നും അദ്ദേഹം പറഞ്ഞു. പിണറായി വിജയന് ഒരു മാറ്റവും കഴിഞ്ഞ നാല് വർഷമായിട്ടും ഉണ്ടായിട്ടില്ല. എത്ര പി.ആർ ഏജൻസികൾ ശ്രമിച്ചാലും മുഖ്യമന്ത്രിയുടെ ധാര്‍ഷ്ട്യം മാറില്ലെന്നും അദ്ദേഹം കൂട്ടിച്ചേര്‍ത്തു.