News
ആറ്റിങ്ങലില്‍ ലോറിയും കാറും കൂട്ടിയിടിച്ച്‌ മൂന്നു പേര്‍ മരിച്ചു
തിരുവനന്തപുരം : ആറ്റിങ്ങലില്‍ പാല്‍ ലോറിയും കാറും കൂട്ടിയിടിച്ച്‌ മൂന്നു പേര്‍ മരിച്ചു. അഞ്ചു പേരുടെ നില ഗുരുതരം. കൊല്ലം കല്ലുവാതുക്കല്‍ സ്വദേശികളാണ് മരിച്ചത്. പുലര്‍ച്ചെയാണ് അപകടമുണ്ടായത്. തിരുവനന്തപുരത്ത് നിന്ന് കൊല്ലത്തേക്ക് പോകുകയായിരുന്ന കാറും തിരുവനന്തപുരത്തേക്ക് പോകുകയുമായിരുന്ന ടാങ്കര്‍ ലോറിയുമായാണ് കൂട്ടിയിടിച്ചത്. അപകടത്തിന്‍റെ കാരണം വ്യക്തമല്ല. പരിക്കേറ്റവരെ മെഡിക്കല്‍ കോളേജില്‍ പ്രവേശിപ്പിച്ചിരിക്കുകയാണ്.
കാറില്‍ 8 ഓളം യാത്രക്കാർ ഉണ്ടായിരുന്നു. എല്ലാവര്‍ക്കും ഗുരുതര പരിക്കുണ്ട്. കാര്‍ പൂര്‍ണമായും തകര്‍ന്നു. ഫയര്‍ ഫോഴ്‌സും പോലീസും സ്ഥലത്തെത്തിയാണ് വാഹനത്തില്‍ കുടുങ്ങിയവരെ പുറത്തെടുത്ത് മെഡിക്കല്‍ കോളേജ് ആശുപത്രിയിലേക്ക് എത്തിച്ചത്.
