News
ഗുരുദ്വാരയില് നടന്ന ഭീകരാക്രമണത്തില് മലയാളി തീവ്രവാദിയും
ഡൽഹി : അഫ്ഗാനിസ്ഥാനിലെ സിഖ് ഗുരുദ്വാരയില് കഴിഞ്ഞ ദിവസം നടന്ന ഭീകരാക്രമണത്തില് തീവ്രവാദികളുടെ കൂട്ടത്തിൽ മലയാളിയും ഉള്പ്പെട്ടുവെന്ന് ദേശീയമാധ്യമങ്ങള് റിപ്പോര്ട്ട് ചെയ്തു. കാസര്കോട് സ്വദേശി അബുഖാലിദ് എന്ന മുഹമ്മദ് സാജിദ് ആണ് ഭീകരാക്രമണത്തില് പങ്കെടുത്തത്. ആക്രമണത്തെ തുടര്ന്ന് സുരക്ഷാ സേന നടത്തിയ പ്രത്യാക്രമണത്തില് അബുഖാലിദ് അടക്കം നാല് ഭീകരരും കൊല്ലപ്പെട്ടിരുന്നു.
ഗുരുദ്വാര ഭീകരാക്രമണത്തില് പങ്കെടുത്ത അബു ഖാലിദിന്റെ ഫോട്ടോ കഴിഞ്ഞ ദിവസം ഐഎസ് പുറത്തുവിട്ടു. കാസര്കോട് നിന്ന് ഐഎസില് ചേര്ന്ന് 14 മലയാളികളിൽ ഒരാളാണ് അബുഖാലിദ്.
കാബൂളിലെ ഷോര്ബസാറിലുള്ള ഗുരുദ്വാരയാണ് ആക്രമിക്കപ്പെട്ടത്. ചാവേറുകളും തോക്കേന്തിയ അക്രമികളും
ചേര്ന്നാണ് ആക്രമണം നടത്തിയതെന്നാണ് റിപ്പോര്ട്ട്. ആക്രമണം നടക്കുമ്പോള് 150ലേറെ ആളുകള്
ഗുരുദ്വാരയ്ക്കകത്ത് ഉണ്ടായിരുന്നു. 27 പേർ കൊല്ലപ്പെട്ടു. നിരവധി പേർക്ക് പരിക്കേറ്റു.