യൂട്യൂബ് കണ്ട് ചാരായം വാറ്റിയ ബ്യൂട്ടീഷ്യൻ അറസ്റ്റിൽ

മദ്യം ലഭിക്കാതെ വന്നപ്പോൾ യൂട്യൂബ് വീഡിയോ കണ്ട് പഠിച്ച്‌ വീട്ടിൽ കോട ഇട്ട്  ചാരായം വാറ്റിയെടുത്ത് വീട്ടിൽ സൂക്ഷിച്ചിരിക്കെയാണ് സുമേഷ് അമരവിള എക്സൈസ് ഷാഡോ ടീമിൻ്റെ പിടിയിലായത്. ഇയാളുടെ വീട്ടിലെ അടുക്കളയിൽ നിന്നും 2 ലിറ്റർ ചാരായം, പ്രഷർകുക്കർ ഉൾപ്പെടയുള്ള വാറ്റുപകരണങ്ങൾ എന്നിവ കണ്ടെടുത്തു.

എക്സൈസ് ഇൻസ്പെക്ടർ അജീഷ്.എൽ.ആർ ൻ്റെ നേതൃത്വത്തിൽ പ്രിവൻ്റീവ് ഓഫീസർ രതീഷ്.ആർ, സിവിൽ എക്സൈസ് ഓഫീസർമാരായ വി.വിജേഷ്, എസ്.എസ്.അനീഷ്, യു.കെ.ലാൽകൃഷ്ണ, അനീഷ്.വി.ജെ എന്നിവരടങ്ങുന്ന സംഘമാണ് ഇയാളെ പിടികൂടിയത്.