Top Stories
സംസ്ഥാനത്ത് ഇന്ന് കോവിഡ് കേസുകളില്ല
തിരുവനന്തപുരം : സംസ്ഥാനത്തിന് ഇന്ന് വീണ്ടും ആശ്വാസദിനം. സംസ്ഥാനത്ത് ഇന്നും കോവിഡ്-19 പോസിറ്റീവ് കേസുകളില്ല. ഏഴുപേർക്ക് രോഗമുക്തി. കോട്ടയത്ത് ആറുപേരും പത്തനംതിട്ടയിൽ ഒരാളുമാണ് രോഗമുക്തി നേടിയത്.മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്.
ഇതുവരെ സംസ്ഥാനത്ത് 502 പേർക്കാണ് രോഗം സ്ഥിരീകരിച്ചിട്ടുള്ളത്. 30 പേരാണ് നിലവിൽ ചികിത്സയിലുള്ളത്. 14,670 പേർ നിരീക്ഷണത്തിലുണ്ട്. 14,402 പേർ വീടുകളിലും 268 പേർ ആശുപത്രികളിലും നിരീക്ഷണത്തിൽ കഴിയുന്നുണ്ട്. ഇന്നുമാത്രം 58 പേരെ ആശുപത്രിയിൽ പ്രവേശിപ്പിച്ചിട്ടുണ്ട്. ഇതുവരെ 34599 സാമ്പിളുകൾ പരിശോധനയ്ക്ക് അയച്ചു. 34063 എണ്ണത്തിൽ രോഗബാധയില്ലെന്ന് ഉറപ്പുവരുത്തിയിട്ടുണ്ട്.
ഇതുവരെ 34,599 സാമ്പിളുകൾ പരിശോധനയ്ക്ക് അയച്ചു. 34,063 എണ്ണത്തിൽ രോഗബാധയില്ലെന്ന് ഉറപ്പുവരുത്തിയിട്ടുണ്ട്. ഇന്ന് 1154 സാമ്പിളുകളുടെ പരിശോധന നടത്തി. സെന്റിനൽ സർവൈലൻസിന്റെ ഭാഗമായി മുൻഗണന ഗ്രൂപ്പിലെ 2,947 സാമ്പിളുകൾ ശേഖരിച്ചതിൽ 2,147 എണ്ണം നെഗറ്റീവായിട്ടുണ്ട്.
സംസ്ഥാനത്ത് ആറ് ജില്ലകളിൽ മാത്രമാണ് കോവിഡ് ബാധിതർ ചികിത്സയിലുള്ളത്. എട്ടുജില്ലകൾ കോവിഡ് മുക്തമായിട്ടുണ്ട്. കോഴിക്കോട്, മലപ്പുറം, തൃശ്ശൂർ,എറണാകുളം, കോട്ടയം,പത്തനംതിട്ട,ആലപ്പുഴ,തിരുവന്തപുരം എന്നീ ജില്ലകളാണ് കോവിഡ് മുക്തമായത്. സംസ്ഥാനത്ത് പുതുതായി ഹോട്ട്സ്പോട്ടുകളില്ല. നിരീക്ഷണത്തിൽ കഴിയുന്നവരുടെ എണ്ണത്തിലുണ്ടായ കുറവ് ആശ്വസകരമായ കാര്യമാണെന്നും മുഖ്യമന്ത്രി പറഞ്ഞു.
