Editor
- Health
മാലി ദ്വീപിലേക്ക് നോർക്ക വഴി സൗജന്യ റിക്രൂട്ട്മെന്റ്
തിരുവനന്തപുരം : മാലിയിലെ പ്രമുഖ മൾട്ടി സ്പെഷ്യാലിറ്റി ടെർഷ്യറി കെയർ ആശുപത്രിയായ ട്രീ ടോപ്പ് ആശുപത്രിയിലേക്ക് നഴ്സ്, മിഡ് വൈഫ്, മെഡിക്കൽ ടെക്നീഷ്യൻ ഒഴിവുകളിൽ നോർക്ക റൂട്ട്സ് അപേക്ഷ ക്ഷണിച്ചു. ഇതാദ്യമായാണ് നോർക്ക റൂട്ട്സ് മുഖേന മാലിയിലേക്ക് ഉദ്ദ്യോഗാർഥികളെ തെരഞ്ഞെടുക്കുന്നത്. ഇതുമായി ബന്ധപ്പെട്ട് ട്രീ ടോപ്പ് ആശുപത്രിയുമായി നോർക്ക റൂട്ട്സ് കരാർ ഒപ്പ് വച്ചു. ബിരുദം/ ഡിപ്ളോമ കഴിഞ്ഞ് രണ്ട് വർഷത്തെ പ്രവർത്തിപരിചയമുള്ള നഴ്സുമാരേയും മെഡിക്കൽ ടെക്നീഷ്യൻമാരേയുമാണ് തെരഞ്ഞെടുക്കുന്നത്. 22 നും 30 നും മദ്ധ്യേ പ്രായമുള്ള വനിതകൾക്കും പുരുഷൻമാർക്കും അപേക്ഷിക്കാം. മിഡ് വൈഫ് തസ്തികയിൽ രണ്ട് വർഷത്തെ ലേബർ റൂം പ്രവർത്തിപരിചയമുള്ള വനിത നഴ്സുമാർക്കാണ് അവസരം. നഴ്സുമാർക്ക് പ്രതിമാസ അടിസ്ഥാന ശമ്പളം 1000 യു എസ് ഡോളറും (ഏകദേശം 70,000 രൂപ) ടെക്നീഷ്യൻമാർക്ക് 1000 യു എസ് ഡോളർ മുതൽ 1200 യു എസ് ഡോളർ വരെയും (ഏകദേശം 70,000 രൂപ മുതൽ 85,000 രൂപ വരെ) ആണ്. താമസം, ഡ്യൂട്ടി സമയത്തുള്ള ഒരു നേരത്തെ ഭക്ഷണം, യാത്ര, വിസ, വിമാന ടിക്കറ്റ്, മെഡിക്കൽ ഇൻഷുറൻസ് എന്നിവ സൗജന്യമാണ്. താത്പര്യമുള്ള ഉദ്ദ്യോഗാർത്ഥികൾ ഫോട്ടോ പതിച്ച വിശദമായ ബയോഡാറ്റ, പാസ്പ്പോർട്ടിന്റെയും, യോഗ്യത, തൊഴിൽ പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെയും പകർപ്പുകൾ സഹിതം [email protected] ൽ അയയ്ക്കണമെന്ന് നോർക്കാ റൂട്ട്സ് ചീഫ് എക്സിക്യൂട്ടീവ് ഓഫീസർ അറിയിച്ചു. വിശദവിവരങ്ങൾ www.norkaroots.org യിലും ടോൾ ഫ്രീ നമ്പറായ 18004253939 (ഇന്ത്യയിൽ നിന്നും) 00918802012345 (വിദേശത്തു നിന്നും മിസ്ഡ് കോൾ സേവനം) ലഭിക്കും. അപേക്ഷ 23 നകം നൽകണം.
Read More » - News
കേരളത്തിന് സ്വച്ഛ് സർവേക്ഷൺ 2019 അവാർഡ്
കേരളത്തിന് സ്വച്ഛ് സർവേക്ഷൺ 2019 അവാർഡ് തിരുവനന്തപുരം : കേരളത്തിൽ നടപ്പിലാക്കുന്ന വികേന്ദ്രീകൃത മാലിന്യ സംസ്‌കരണ പ്രവർത്തനങ്ങൾക്ക് കേന്ദ്രസർക്കാരിന്റെ അംഗീകാരം. കേന്ദ്ര ജലശക്തി മന്ത്രാലയം ഇന്ത്യയിലെ വിവിധ വില്ലേജുകളിൽ നടത്തിയ സ്വച്ഛ് സർവേക്ഷൺ 2019 സർവേയിലാണ് ജേതാക്കളെ കണ്ടെത്തിയത്. കേരളത്തിലെ 377 വില്ലേജുകളിലായിരുന്നു സർവേ. ഹരിതകേരള മിഷൻ, ശുചിത്വമിഷൻ, തദ്ദേശസ്വയംഭരണ സ്ഥാപനങ്ങൾ എന്നിവർ ചേർന്നു നടത്തിയ പ്രവർത്തനങ്ങളാണ് കേരളത്തിന് അംഗീകാരം നേടിക്കൊടുത്തത്. തദ്ദേശസ്ഥാപനങ്ങൾ മുഖേന അജൈവ മാലിന്യങ്ങൾ വേർതിരിച്ച് സംസ്‌ക്കരിക്കുന്നതിന് സ്ഥാപിച്ച മെറ്റീരിയൽ കളക്ഷൻ സംവിധാനങ്ങൾ, ബ്ലോക്ക് തലത്തിൽ സ്ഥാപിച്ചിരിക്കുന്ന റിസോഴ്‌സ് റിക്കവറി സംവിധാനങ്ങൾ എന്നിവ സന്ദർശിച്ചാണ് സംഘം അവാർഡിനായി ശുപാർശ ചെയ്തത്. ഹരിതകർമ്മസേനയുടെ പ്രവർത്തനങ്ങൾ മറ്റ് സംസ്ഥാനങ്ങൾക്ക് മാതൃകയാണെന്നും പരിശോധന സംഘം അഭിപ്രായപ്പെട്ടു. നവംബർ 19 ന് ഡൽഹിയിൽ കേന്ദ്ര ജലശക്തി മന്ത്രി സംസ്ഥാന സർക്കാരിനുള്ള അവാർഡ് കൈമാറും.
Read More » - News
48 തദ്ദേശഭരണസ്ഥാപനങ്ങളുടെ പദ്ധതി ഭേദഗതികള്‍ക്ക് അംഗീകാരം
പത്തനംതിട്ട: ജില്ലയിലെ 48 തദ്ദേശസ്വയംഭരണ സ്ഥാപനങ്ങളുടെ 2019 -20 വാര്‍ഷിക പദ്ധതി ഭേദഗതികള്‍ക്ക് ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവിയുടെ അധ്യക്ഷതയില്‍ ചേര്‍ന്ന ജില്ലാ ആസൂത്രണ സമിതി യോഗം അംഗീകാരം നല്‍കി. പത്തനംതിട്ട ജില്ലാ പഞ്ചായത്ത്, പത്തനംതിട്ട, തിരുവല്ല, അടൂര്‍ നഗരസഭകളിലെയും ഇലന്തൂര്‍, കോന്നി, റാന്നി, കോയിപ്രം, മല്ലപ്പള്ളി, പുളിക്കീഴ് ബ്ലോക്ക് പഞ്ചായത്തുകളുടെയും ഗ്രാമപഞ്ചായത്തുകളായ റാന്നി അങ്ങാടി, ഏറത്ത്, റാന്നി, അരുവാപ്പുലം, തോട്ടപ്പുഴശേരി, മൈലപ്ര, തുമ്പമണ്‍, ഏനാദിമംഗലം, ആറന്‍മുള, തണ്ണിത്തോട്, ചെറുകോല്‍, ഇരവിപേരൂര്‍, പുറമറ്റം, കലഞ്ഞൂര്‍, നിരണം, നാരങ്ങാനം, കടമ്പനാട്, നെടുമ്പ്രം, ചിറ്റാര്‍, ഇലന്തൂര്‍, വടശേരിക്കര, കോട്ടാങ്ങല്‍, ആനിക്കാട്, കോഴഞ്ചേരി, മല്ലപ്പുഴശേരി, പെരിങ്ങര, പന്തളം തെക്കേക്കര, കുളനട, ഓമല്ലൂര്‍, റാന്നി പഴവങ്ങാടി, കല്ലൂപ്പാറ, മെഴുവേലി, റാന്നി പെരുനാട്, കോന്നി, കൊടുമണ്‍, കുന്നന്താനം, അയിരൂര്‍, ചെന്നീര്‍ക്കര, എന്നീ തദ്ദേശസ്വയംഭരണ സ്ഥാപനങ്ങളുടെ വാര്‍ഷിക പദ്ധതി ഭേദഗതികള്‍ക്കാണ് അംഗീകാരം നല്‍കിയത്. പദ്ധതി പുരോഗതി ഗണ്യമായി ത്വരിതപ്പെടുത്തണമെന്ന് ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി പറഞ്ഞു. ഇതിനായി ഈമാസം 13 മുതല്‍ നിര്‍വഹണ ഉദ്യോഗസ്ഥരെ ഉള്‍പ്പെടുത്തിയുള്ള ജില്ലാതല, ബ്ലോക്ക്തല അവലോകന യോഗം ചേരും. കുറ്റകൃത്യങ്ങള്‍ക്ക് വിധേയരായവരുടെ സംരക്ഷണം, കുറ്റകൃത്യങ്ങളില്‍ പങ്കാളികളായവരുടെ പരിവര്‍ത്തനം എന്നിവ ലക്ഷ്യമിട്ടുള്ള സാമൂഹികപ്രതിരോധ പദ്ധതി തെരഞ്ഞടുക്കപ്പെട്ട അഞ്ചു പഞ്ചായത്തുകളില്‍ 20-21 സാമ്പത്തിക വര്‍ഷം പഞ്ചായത്ത് ജാഗ്രതാ സമിതിയുടെ പ്രവര്‍ത്തനവുമായി ചേര്‍ന്ന് നടപ്പാക്കുന്നതിന് തീരുമാനിച്ചു. നിലവില്‍ കുറ്റകൃത്യങ്ങളില്‍ പങ്കാളികളാകുന്നവരുടെ പരിവര്‍ത്തനത്തിനുള്ള സേവനം ജില്ലാ പ്രോബേഷന്‍ ഓഫീസ് മുഖേനയാണ് നടപ്പാക്കി വരുന്നത്. കുറ്റകൃത്യങ്ങള്‍ വര്‍ധിച്ച സാഹചര്യത്തില്‍ ഇതിനു പരിഹാരം കാണുന്നതിന് തദ്ദേശസ്വയംഭരണ സ്ഥാപനങ്ങളുടെ പങ്കാളിത്തം അനിവാര്യമാണെന്ന് ജില്ലാ ആസൂത്രണ സമിതി വിലയിരുത്തി. ജില്ലാ കളക്ടറുടെ അധ്യക്ഷതയില്‍ ചേര്‍ന്ന ജില്ലാ പ്രൊബേഷന്‍ ഉപദേശക സമിതി യോഗ തീരുമാനം ജില്ലാ പ്രോബേഷന്‍ ഓഫീസര്‍ എ.ഒ.അബീന്‍ ജില്ലാ ആസൂത്രണസമിതിയില്‍ അവതരിപ്പിച്ചു. ആസൂത്രണ സമിതി അംഗങ്ങളായ ജില്ലാപഞ്ചായത്ത് വൈസ് പ്രസിഡന്റ് ജോര്‍ജ് മാമ്മന്‍ കൊണ്ടൂര്‍, അഡ്വ.ആര്‍.ബി. രാജീവ് കുമാര്‍, സാം ഈപ്പന്‍, എന്‍.ജി. സുരേന്ദ്രന്‍, എം.ജി. കണ്ണന്‍, വിനീത അനില്‍, ലീലാ മോഹന്‍, എലിസബത്ത് അബു, ബിനി…
Read More » - Health
ഭിന്നശേഷി വിഭാഗത്തിന്റെ സംരക്ഷണത്തിനായി എൻ.ഐ.പി.എം.ആറിൽ സെൻസറി പാർക്ക് ഉദ്ഘാടനം ചെയ്തു.
തൃശ്ശൂർ : ഭിന്നശേഷി വിഭാഗത്തിന്റെ സംരക്ഷണത്തിനായി എൻ.ഐ.പി.എം.ആറിൽ സെൻസറി പാർക്ക് ഉദ്ഘാടനം ചെയ്തു. ആരോഗ്യമന്ത്രി K. K.ശൈലജയാണ് പാർക്ക് കുട്ടികൾക്കായി തുറന്നു കൊടുത്തത്‌. സാമൂഹ്യ നീതി വകുപ്പിന് കീഴിൽ കേരളത്തിലെ ആദ്യത്തെ ഹൈഡ്രോ തെറാപ്പി സെന്റർ ഇരിങ്ങാലക്കുട കല്ലേറ്റുകരയിലെ നാഷനൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷനലിൽ ആരംഭിക്കും. എൻ ഐ പി എം ആറിനെ ദി സെന്റർ ഓഫ് എക്‌സലൻസ് ആക്കിമാറ്റുന്നതിന്റെ മൂന്നാം ഘട്ടത്തിലാണ് ഹൈഡ്രോ തെറാപ്പി സെന്റർ ആരംഭിക്കുന്നത്. രണ്ട് കോടി രൂപ ചെലവഴിച്ചാണ് സെറിബ്രൽ പാൾസിയും മറ്റ് അനുബന്ധ അവസ്ഥകൾക്കും സഹായകരമാകുന്ന രീതിയിൽ ഹൈഡ്രോ തെറാപ്പി സെന്റർ സ്ഥാപിക്കുക.
Read More » - News
അമ്പലക്കുളത്തിൽ മുങ്ങി താഴ്ന്ന പന്ത്രണ്ടുകാരന് രക്ഷകരായി പോലീസ്
ആലപ്പുഴ : അമ്പലക്കുളത്തിൽ മുങ്ങി താഴ്ന്ന പന്ത്രണ്ടുകാരന് രക്ഷകരായി പോലീസ്. കളർകോട് ക്ഷേത്രക്കുളത്തിൽ കുളിക്കാനെത്തിയ കുതിരപ്പന്തി സ്വദേശിയായ 12 വയസുള്ള മുഹമ്മദ് ഇർഫാനാണ് കാൽ വഴുതി കുളത്തിന്റെ ആഴങ്ങളിലേയ്ക്ക് പതിച്ചത്. ഇതിനിടെ ഇതുവഴി പെട്രോളിങിനെത്തിയ പോലീസ് സംഘം കുളത്തിനടുത്ത് കുട്ടികൾ കരഞ്ഞു നിലവിളിക്കുന്നത് ശ്രദ്ധിച്ചത്. തിരക്കിയപ്പോഴാണ് ഇർഫാൻ കുളത്തിൽ മുങ്ങിത്താഴ്‌ന്നതായി മനസ്സിലായത്.. ഉടൻതന്നെ യൂണിഫോമിലായിരുന്ന പോലീസുദ്യോഗസ്ഥർ കുളത്തിലേക്ക് ചാടി തിരച്ചിൽ നടത്തുകയും മുഹമ്മദ് ഇർഫാനെ രക്ഷപ്പെടുത്തുകയും ചെയ്തു. അബോധാവസ്ഥയിലായിരുന്ന ഇർഫാനെ ആദ്യം ജനറൽ ആശുപത്രിയിലും പിന്നീട് വണ്ടാനം മെഡിക്കൽ കോളേജ് ആശുപത്രിയിലും എത്തിച്ചു അല്പം വൈകിയിരുന്നെങ്കിൽ ജീവൻ തന്നെ നഷ്ടപ്പെടുമായിരുന്ന ഇർഫാന് പുതുജൻമം നൽകിയത് പോലീസുകാരുടെ അവസരോചിതവും ധീരവുമാർന്ന പ്രവർത്തനമായിരുന്നു. സബ് ഇൻസ്‌പെക്ടർ . എസ്.ദ്വിജേഷ്, സീനിയർ സിവിൽ പോലീസ് ഓഫീസർ ആർ.മോഹൻകുമാർ, സിവിൽ പോലീസ് ഓഫീസർമാരായ റോബിൻസൺ, ബിനുകുമാർ, മണികണ്ഠൻ എന്നിവരാണ് രക്ഷാപ്രവർത്തനം നടത്തിയത്.
Read More » - News
പരിശീലനം പൂർത്തിയാക്കി 121 സബ്ബ് ഇന്‍സ്പെക്ടര്‍മാർ.ചരിത്രം കുറിച്ച് 37 വനിതാ ഓഫീസർമാരും.
തൃശ്ശൂർ :കേരളാ പോലീസ് അക്കാഡമിയിൽ നടന്ന സബ് ഇൻസ്പെക്ടർമാരുടെ പാസിംഗ് ഔട്ട് പരേഡിൽ മുഖ്യമന്ത്രി പിണറായി വിജയൻ അഭിവാദ്യം സ്വീകരിച്ചു. ചടങ്ങിൽ സംസ്ഥാന പോലീസ് മേധാവി ലോക്നാഥ് ബെഹ്‌റയും മറ്റു ഉയർന്ന ഉദ്യോഗസ്ഥരും സംബന്ധിച്ചു. പരിശീലനം പൂർത്തിയാക്കിയ 121 സബ്ബ് ഇന്‍സ്പെക്ടര്‍മാരിൽ 37 വനിതാ ഓഫീസര്‍മാരാണുളളത്. കേരളാ പോലീസിന്‍റെ ചരിത്രത്തില്‍ ആദ്യമായാണ് വനിതകള്‍ നേരിട്ട് സബ്ബ് ഇന്‍സ്പെക്ടര്‍മാരായി നിയമിതരാകുന്നത്. പരിശീലനം പൂര്‍ത്തിയാക്കിയ 121 ട്രെയിനികളില്‍ ഒരാള്‍ എം.ടെക്ക് ബിരുദധാരിയും ഒരാള്‍ എം.ഫില്‍ ബിരുദധാരിയും ബി ടെക്ക് ബിരുദധാരികളായ 9 പേരും എം.ബി.എ ബിരുദമുളള 3 പേരും ബിരുദാനന്തര ബിരുദമുളള 26 പേരും ബി.എഡ് ബിരുദധാരികളായ 10 പേരും ഒരു നിയമ ബിരുദധാരിയും ഉള്‍പ്പെടുന്നു.
Read More » - Politics
അയോധ്യ വിധി ആരുടെയും വിജയമോ പരാജയമോ ആയി കാണരുത്. രാമഭക്തിയായാലും റഹിം ഭക്തിയായാലും രാഷ്ട്രഭക്തിയുടെ അന്തസത്ത ശക്തിപ്പെടുത്തുകയാണ് പ്രധാനം – പ്രധാനമന്ത്രി.
അയോധ്യ വിധിയുടെ പശ്ചാത്തലത്തിൽ, പ്രധാനമന്ത്രി നരേദ്രമോദി ഇപ്രകാരം പ്രതികരിച്ചു. “അയോധ്യ വിഷയത്തിൽ ബഹുമാനപ്പെട്ട സുപ്രീം കോടതി വിധി പ്രസ്താവിച്ചു. ഈ വിധി ആരുടെയും വിജയമോ പരാജയമോ ആയി കാണരുത്. രാമഭക്തിയായാലും റഹിം ഭക്തിയായാലും രാഷ്ട്രഭക്തിയുടെ അന്തസത്ത ശക്തിപ്പെടുത്തുകയാണ് പ്രധാനം. സമാധാനവും ഐക്യവും നിലനിൽക്കട്ടെ! സുപ്രീം കോടതിയുടെ അയോദ്ധ്യ വിധി ശ്രദ്ധേയമാകുന്നത് ഇനി പറയുന്ന കാര്യങ്ങളാലാണ്. ഏതൊരു തർക്കവും ഉചിതമായ നിയമ പ്രക്രിയയുടെ മനോഭാവത്തിൽ പരിഹരിക്കാനാകുമെന്ന് ഇത് എടുത്തുകാണിക്കുന്നു. ഇത് നമ്മുടെ നീതിന്യായ വ്യവസ്ഥയുടെ സ്വാതന്ത്ര്യം, സുതാര്യത, ദീർഘദൃഷ്ടി എന്നിവ ആവർത്തിച്ചുറപ്പിച്ചിരിക്കുന്നു. നിയമത്തിന് മുന്നിൽ എല്ലാവരും തുല്യരാണെന്ന് ഇത് വ്യക്തമാക്കുന്നു. ദശാബ്ദങ്ങളായി തർക്കവിഷയമായിരുന്ന പ്രശ്നം രമ്യമായി പരിഹരിക്കാൻ നീതിപീഠത്തിന് സാധിച്ചിരിക്കുന്നു.വിഭിന്ന വിഭാഗക്കാർക്ക് വ്യത്യസ്ത വീക്ഷണങ്ങൾ പ്രകടിപ്പിക്കാനുള്ള മതിയായ സമയവും അവസരവും കോടതി നൽകിയിരുന്നു. നീതിന്യായ വ്യവസ്ഥയിലുള്ള ആളുകളുടെ വിശ്വാസം വർദ്ധിപ്പിക്കുന്നതാണ് ഈ വിധി. ഇന്നത്തെ വിധിയിയോടനുബന്ധിച്ചു 130 കോടി ഇന്ത്യക്കാർ പുലർത്തുന്ന ശാന്തിയും സമാധാനവും സമാധാനപരമായ സഹവർത്തിത്വത്തോടുള്ള ഭാരതീയരുടെ സ്വതസിദ്ധമായ പ്രതിബദ്ധതയുടെ ആവിഷ്കാരമാണ്. ഐക്യത്തിന്റെയും കൂട്ടായ്മയുടെയും ഈ ചൈതന്യം രാഷ്ട്രത്തിന്റെ വികസന പ്രക്രീയയെ ശക്തിപ്പെടുത്തട്ടെ. ഓരോ ഇന്ത്യക്കാരനും ശാക്തീകരിക്കപ്പെടട്ടെ.”
Read More » - Spiritual
ശബരിമല തീർത്ഥാടനം-ഒരുക്കങ്ങൾ മുഖ്യമന്ത്രി അവലോകനം ചെയ്തു.
തിരുവനന്തപുരം: മണ്ഡല-മകരവിളക്ക് സീസണ്‍ ആരംഭിക്കുന്നതിന്‍റെ മുന്നോടിയായി ശബരിമല തീര്‍ത്ഥാടകര്‍ക്ക് സൗകര്യങ്ങള്‍ ഒരുക്കുന്നതിന് ദേവസ്വം ബോര്‍ഡും വിവിധ സര്‍ക്കാര്‍ വകുപ്പുകളും നടത്തുന്ന പ്രവര്‍ത്തനങ്ങള്‍ അവലോകനം ചെയ്തു. ഇടത്താവളങ്ങളിലെ സൗകര്യങ്ങളെല്ലാം പൂര്‍ത്തിയായിട്ടുണ്ടെന്ന് ദേവസ്വം മന്ത്രി യോഗത്തില്‍ പറഞ്ഞു. ശുദ്ധജല വിതരണം, ചികിത്സാ സൗകര്യം, മലിനീകരണ നിയന്ത്രണം, ശുചിമുറി സൗകര്യം, സുരക്ഷ, യാത്രാ സൗകര്യം, റോഡുകളുടെ അറ്റകുറ്റപ്പണി, ശബരിമലയില്‍ ഡ്യൂട്ടിക്ക് നിയോഗിക്കപ്പെടുന്ന ഉദ്യോഗസ്ഥര്‍ക്കുള്ള താമസ സൗകര്യം തുടങ്ങിയ കാര്യങ്ങളെല്ലാം യോഗം അവലോകനം ചെയ്തു. ചികിത്സാ സൗകര്യം ഉറപ്പാക്കുന്നതിന് ആരോഗ്യവകുപ്പ് വിപുലമായ സജ്ജീകരണങ്ങള്‍ ഏര്‍പ്പെടുത്തിയിട്ടുണ്ട്. അധികമായി 300 ജീവനക്കാരെ ശബരിമലയിലേക്ക് നിയോഗിച്ചു. നിലയ്ക്കല്‍ – പമ്പ റൂട്ടില്‍ കെ.എസ്.ആര്‍.ടി.സി.യുടെ 210 സര്‍വ്വീസുണ്ടാകും. ശബരിമലയിലേക്കുള്ള റൂട്ടുകളില്‍ നിലവിലുള്ള സര്‍വ്വീസുകള്‍ക്ക് പുറമേ 379 സര്‍വ്വീസ് ഏര്‍പ്പെടുത്തിയിട്ടുണ്ട്. യോഗത്തിൽ എം.എൽ.എ മാരായ രാജു അബ്രഹാം, ഇ.എസ്. ബിജിമോൾ, ചീഫ് സെക്രട്ടറി ടോം ജോസ്, ദേവസ്വം ബോർഡ് പ്രസിഡന്റ് എം. പത്മകുമാർ, പോലീസ് മേധാവി ലോക്നാഥ് ബെഹ്റ, എഡിജിപി മാരായ അനന്തകൃഷ്ണൻ, ആർ. ശ്രീലേഖ ദേവസ്വം വകുപ്പ് പ്രിൻസിപ്പൽ സെക്രട്ടറി ബിശ്വനാഥ് സിൻഹ തുടങ്ങിയവരും വിവിധ വകുപ്പുമേധാവികളും പങ്കെടുത്തു.
Read More » - Top Stories
വാഹനപരിശോധന സമയത്ത് ഡിജി ലോക്കര്‍, എം-പരിവാഹന്‍ എന്നിവ മുഖാന്തിരം ഹാജരാക്കുന്ന രേഖകള്‍ ആധികാരിക രേഖയായി അംഗീകരിക്കണം – ലോക്നാഥ് ബെഹ്റ
തിരുവനന്തപുരം: കേന്ദ്ര ഇലക്ട്രോണിക് ആന്‍റ് ഐ.റ്റി മന്ത്രാലയം പുറത്തിറക്കിയ ഡിജി ലോക്കര്‍, കേന്ദ്ര റോഡ് ഗതാഗത വകുപ്പിന്റെ എം-പരിവാഹന്‍ എന്നീ ആപ്ലിക്കേഷനുകള്‍ മുഖാന്തരം വാഹനപരിശോധന സമയത്ത് ഹാജരാക്കുന്ന രേഖകള്‍ ആധികാരിക രേഖയായി അംഗീകരിക്കണമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ എല്ലാ പോലീസ് ഉദ്യോഗസ്ഥര്‍ക്കും നിര്‍ദ്ദേശം നല്‍കി. ഡ്രൈവിംഗ് ലൈസന്‍സ്, രജിസ്ട്രേഷന്‍, ഇന്‍ഷുറന്‍സ്, ഫിറ്റ്നെസ്, പെര്‍മിറ്റ്, പുക പരിശോധന സര്‍ട്ടിഫിക്കറ്റ് തുടങ്ങിയ രേഖകള്‍ ഡിജിറ്റലായി സൂക്ഷിക്കാന്‍ കഴിയുന്ന വിധത്തിലാണ് ഈ ആപ്ലിക്കേഷനുകള്‍ തയ്യാറാക്കിയിരിക്കുന്നത്. ഡിജി ലോക്കര്‍, എം-പരിവാഹന്‍ എന്നിവയെ മോട്ടോര്‍ വാഹന രേഖകള്‍ ആധികാരികമായി സൂക്ഷിക്കാവുന്ന ആപ്ലിക്കേഷനുകളായി അംഗീകരിച്ച് കേന്ദ്ര സര്‍ക്കാര്‍ ഉത്തരവിറക്കിതിനു ശേഷവും സംസ്ഥാനത്ത് പലസ്ഥലങ്ങളിലും അവ വഴി ഹാജരാക്കുന്ന രേഖകള്‍ക്ക് സ്വീകാര്യത കിട്ടാതെ വരുന്ന സാഹചര്യത്തിലാണ് വീണ്ടും നിര്‍ദ്ദേശം പുറപ്പെടുവിച്ചിരിക്കുന്നത്. ഡിജി ലോക്കര്‍, എം-പരിവാഹന്‍ ആപ്ലിക്കേഷനുകളില്‍ വാഹനരേഖകള്‍ സൂക്ഷിച്ചിട്ടുളളവര്‍ക്ക് ഏതെങ്കിലും കാരണവശാല്‍ പരിശോധന സമയത്ത് അവ ഹാജരാക്കാന്‍ കഴിഞ്ഞില്ലെങ്കില്‍ പോലും ഉദ്യോഗസ്ഥര്‍ക്ക് വാഹന ഉടമയുടെ ഡിജി ലോക്കര്‍ നമ്പര്‍ ഉപയോഗിച്ചോ വാഹന നമ്പര്‍ ഉപയോഗിച്ചോ ഈ ആപ്ലിക്കേഷനുകള്‍ വഴി രേഖകള്‍ പരിശോധിക്കാവുന്നതാണ്. 2019 ലെ പുതുക്കിയ മോട്ടോര്‍ വാഹന നിയമപ്രകാരം ഇലക്ട്രോണിക് മാതൃകയിലുളള രേഖകള്‍ അംഗീകരിക്കേണ്ടതാണെന്നും ഇതിന്‍റെ പേരില്‍ വാഹന ഉടമകള്‍ക്ക് പീഡനമോ അസൗകര്യമോ ഉണ്ടാകാന്‍ പാടില്ലെന്നും നിര്‍ദ്ദേശിച്ചിട്ടുണ്ട്. രേഖകളുടെ പകര്‍പ്പ് ഹാജരാക്കാത്തതിന്‍റെ പേരില്‍ പിഴ ഈടാക്കുന്നത് നീതീകരിക്കാനാവില്ലെന്നും സംസ്ഥാന പോലീസ് മേധാവി നിര്‍ദ്ദേശിച്ചിട്ടുണ്ട്.
Read More » - News
അയോധ്യയിൽ രാമ ക്ഷേത്രം നിർമിക്കാം’ – സുപ്രീം കോടതി
അയോധ്യാ കേസിൽ തർക്കഭൂമിയുടെ അവകാശം സർക്കാരിന് നൽകിക്കൊണ്ട് സുപ്രിംകോടതി ഉത്തരവിറക്കി.2.77 ഏക്കർ തർക്കഭൂമി രാമക്ഷേത്രം നിർമിക്കുന്നതിനായി കൈമാറണം.ക്ഷേത്രം നിർമിക്കുന്നതിനും നടത്തിപ്പിനുമായി ട്രസ്റ്റ്‌ രൂപീകരിക്കണം. ട്രസ്റ്റ്‌ രൂപീകരണമുൾപ്പെടെയുള്ള കാര്യങ്ങൾ മൂന്നുമാസത്തിനകം പൂർത്തിയാക്കണമെന്നും സുപ്രീംകോടതി വിധിയിൽ ചൂണ്ടിക്കാട്ടി. ക്ഷേത്രനിർമ്മാണത്തിനും നടത്തിപ്പിനുമായുള്ള ബോർഡ് ഓഫ് ട്രസ്റ്റിനെ സംബന്ധിച്ച് കേന്ദ്രസർക്കാരിന് ഉചിതമായ തീരുമാനമെടുക്കാം. പക്ഷേ ബോർഡ് ഓഫ് ട്രസ്റ്റിയിൽ നിർമോഹി അഖാഡ ക്ക് പ്രാതിനിധ്യം ഉണ്ടായിരിക്കണമെന്നും വിധിയിൽ ചൂണ്ടിക്കാട്ടുന്നു. അതേസമയംതന്നെ കേസിൽ അഖാടയുടെ തർക്ക ഭൂമിയിൽ ഉള്ള അവകാശവാദങ്ങൾ നിലനിൽക്കില്ലെന്നും, ആരാധനമൂർത്തിയിലുള്ള അവകാശം തെളിയിക്കാൻ അവർക്ക് ആയിട്ടില്ലെന്നും അതിനാൽ അവർക്ക് പൂജയും മറ്റു കാര്യങ്ങളും മാത്രം നടത്താനുള്ള അവകാശമേ ഉള്ളൂ എന്നും കോടതി വ്യക്തമാക്കി. തർക്കഭൂമിക്ക്‌ പുറത്ത് അയോധ്യയിൽ തന്നെ അഞ്ചേക്കർ ഭൂമി സുന്നി വഖഫ് ബോർഡിന് നൽകണമെന്നും അതിൽ പള്ളി പണിയുവാനുള്ള സഹായങ്ങൾ ചെയ്തു കൊടുക്കണമെന്നും സർക്കാരിനോട് സുപ്രീംകോടതി വിധിയിൽ നിർദ്ദേശിച്ചു. സുന്നി വഖഫ് ബോർഡിന് കൂടി താല്പര്യമുള്ള ഭൂമി ആയിരിക്കണം അവർക്ക് നൽകേണ്ടത്. വിധിയോടു കൂടി തർക്ക ഭൂമിയുമായി ബന്ധപ്പെട്ട പ്രശ്നങ്ങൾ എല്ലാം പരിഹരിക്കപ്പെടുമെന്ന് പ്രതീക്ഷിക്കുന്നതായി ചീഫ് ജസ്റ്റിസ് രഞ്ജൻ ഗോഗോയ് പറഞ്ഞു. ഒരു മതേതര രാജ്യത്ത് എല്ലാവരെയും ഉൾക്കൊള്ളണമെന്നും മതത്തിന്റെയോ വിശ്വാസത്തിന്റെയോ പേരിൽ ഏകപക്ഷീയമായ വിധി പുറപ്പെടുവിക്കാനാകില്ലെന്നും ചീഫ് ജസ്റ്റിസ് രഞ്ജൻ ഗോഗോയ് അഭിപ്രായപ്പെട്ടു. അയോധ്യയിൽ ശ്രീരാമൻ ജനിച്ചുവെന്ന ഹിന്ദുക്കളുടെ വിശ്വാസം നിലനിൽക്കുന്നുണ്ട്. ബാബറി മസ്ജിദ് പണിയുമ്പോൾ അതിന്റെ താഴെ ഒരു നിർമിതി ഉണ്ടായിരുന്നു എന്ന് പുരാവസ്തു വകുപ്പിന്റെ റിപ്പോർട്ടിൽ പറയുന്നു. പക്ഷേ അത് ക്ഷേത്രം ആണെന്ന് വ്യക്തമാക്കാൻ അവർക്ക് സാധിച്ചിട്ടില്ല. പക്ഷേ അതൊരു ഇസ്ലാമിക നിർമ്മിതി അല്ല. അതിനു മുകളിലാണ് ബാബറി മസ്ജിദ് നിർമിച്ചിട്ടുള്ളതെന്നും കോടതി വിധിയിൽ ചൂണ്ടിക്കാട്ടുന്നു. 1949-ൽ പള്ളിക്കുള്ളിൽ വിഗ്രഹങ്ങൾ കൊണ്ടു വച്ച സംഭവവും 1992ൽ ബാബറി മസ്ജിദ് തകർത്തതും നിയമവിരുദ്ധമായിരുന്നു. ഇത് സുപ്രീംകോടതി വിധി അട്ടിമറിച്ചുകൊണ്ടാണെന്നും കോടതി ചൂണ്ടിക്കാട്ടി. പള്ളിയുടെ ഉള്ളിലായിരുന്നു മുസ്ലീങ്ങൾ നമസ്കാരം നടത്തിയിരുന്നത്. പള്ളി ഒരുകാലത്തും മുസ്ലീങ്ങൾ ഉപേക്ഷിച്ചിരുന്നില്ല. രേഖകൾ പ്രകാരം 1857 ന് മുൻപ് പള്ളിക്കുള്ളിൽ പ്രാർത്ഥന…
Read More »
