Month: March 2020
- Top Stories
കേന്ദ്രസർക്കാരിന്റെ സാമ്പത്തിക പാക്കേജിനെ അഭിനന്ദിച്ച് രാഹുൽഗാന്ധി
ന്യൂഡൽഹി : കൊറോണ വ്യാപനത്തെ തുടർന്നുണ്ടാകുന്ന നിയന്ത്രങ്ങളിൽ രാജ്യത്തെ ജനങ്ങളുടെ അടിസ്ഥാന ആവശ്യങ്ങൾ ലഭിക്കാനും, പാവപ്പെട്ടവരുടെയും ദിവസ വേതനക്കാരുടെയും സാമ്പത്തിക സ്ഥിതി തകരാതിരിയ്ക്കാനും കേന്ദ്രസർക്കാർ പ്രഖ്യാപിച്ച സാമ്പത്തിക സഹായ പാക്കേജിനെ അഭിനന്ദിച്ച് കോൺഗ്രസ് നേതാവ് രാഹുൽഗാന്ധി. കേന്ദ്രസർക്കാരിന്റെ സാമ്പത്തിക സഹായ പാക്കേജ് പ്രഖ്യാപനം ശരിയായ ദിശയിലേക്കുള്ള ആദ്യ ചുവടുവെപ്പാണെന്നും, ലോക്ക്ഡൗണിന്റെ ആഘാതം നേരിടേണ്ടി വരുന്ന കർഷകരോടും ദിവസക്കൂലിക്കാരോടും തൊഴിലാളികളോടും സ്ത്രീകളോടും പ്രായമായവരോടും ഇന്ത്യക്ക് കടപ്പാടുണ്ടെന്നും അദ്ദേഹം ട്വിറ്ററിൽ കുറിച്ചു.
Read More » - Top Stories
റേഷൻ കാർഡ് ഇല്ലാത്തവർക്കും ഭക്ഷ്യധാന്യം വിതരണം ചെയ്യും:മുഖ്യമന്ത്രി
തിരുവനന്തപുരം : കോവിഡ്-19 വ്യാപനത്തിന്റെ പശ്ചാത്തലത്തിൽ സംസ്ഥാനത്ത് റേഷൻ കാർഡ് ഇല്ലാത്തവർക്കും ഭക്ഷ്യധാന്യം വിതരണം ഉറപ്പ് വരുത്തുമെന്ന് മുഖ്യമന്ത്രി പിണറായി വിജയൻ വാർത്തസമ്മേളനത്തിൽ അറിയിച്ചു. ആധാർ നമ്പർ പരിശോധിച്ചതിനുശേഷമാവും ഇത്തരക്കാർക്ക് റേഷൻ ധാന്യങ്ങളുടെ വിതരണം ഉറപ്പ് വരുത്തുക. ലോക്ക് ഡൗൺ സാഹചര്യത്തിൽ ആർക്കും ഭക്ഷണം ഇല്ലാത്ത സ്ഥിതിയുണ്ടാകരുത് എന്നതിന്റെ അടിസ്ഥാനത്തിൽ രൂപംനൽകിയ കമ്മ്യൂണിറ്റി കിച്ചൺ പദ്ധതി 43 തദ്ദേശ സ്ഥാപനങ്ങളിൽ ആരംഭിച്ചു എന്ന് മുഖ്യമന്ത്രി അറിയിച്ചു. 941 പഞ്ചായത്തിൽ 861 പഞ്ചായത്തുകളും സ്ഥലം സജ്ജമാക്കി കഴിഞ്ഞു. 87 മുനിസ്സിപാലിറ്റികളിൽ 87 ഉം സ്ഥലം കണ്ടെത്തിയിട്ടുണ്ട്. ആറു കോർപറേഷനുകളിൽ 9 ഇടങ്ങളിലായി കമ്മ്യൂണിറ്റി കിച്ചൺ ആരംഭിക്കാനാണ് സ്ഥലം കണ്ടെത്തിയിരിക്കുന്നത്. ഇവിടെനിന്ന് വരും ദിവസങ്ങളിൽ ഇവിടെ ഭക്ഷണം വിതരണം ആരംഭിക്കും. ഇതിനുള്ള പ്രാദേശിക വളണ്ടിയർമാകെ തദ്ദേശ സ്വയംഭരണ സ്ഥാപനങ്ങൾ കണ്ടെത്തിയിട്ടുണ്ട്.ഇക്കാര്യങ്ങൾ പെട്ടെന്ന് പൂർത്തിയാക്കാനുള്ള ചുമതല തദ്ദേശ സ്വയംഭരണ സ്ഥാപനങ്ങൾ നിർവഹിക്കണമെന്നും മുഖ്യമന്ത്രി അറിയിച്ചു.
Read More » - Top Stories
സംസ്ഥാനത്ത് ഇന്ന് 19 പേർക്ക് കൂടി കോറോണ
തിരുവനന്തപുരം : സംസ്ഥാനത്ത് ഇന്ന് 19 പേർക്ക് കോറോണ സ്ഥിരീകരിച്ചതായി മുഖ്യമന്ത്രി വാർത്താ സമ്മേളനത്തിൽ അറിയിച്ചു. ഇതോടെ സംസ്ഥാനത്ത് രോഗം ബാധിച്ചവരുടെ എണ്ണം 138 ആയി. 126 പേരാണ് ഇപ്പോൾ ചികിത്സയിലുള്ളത്. ഇന്ന് രോഗം സ്ഥിതീകരിച്ചവരിൽ ഒമ്പത് പേർ കണ്ണൂർ ജില്ലക്കാരും മൂന്നു പേർ വീതം കാസർകോട്, മലപ്പുറം ജില്ലകളിൽ നിന്നുമാണ്. തൃശൂരിൽ നിന്നുള്ള രണ്ടു പേർക്കും ഇടുക്കി വയനാട് ജില്ലകിളിൽ ഓരോരുത്തർക്കും ഇന്ന് കൊറോണ സ്ഥിരീകരിച്ചിട്ടുണ്ട്. വയനാട് ജില്ലയിൽ ആദ്യമായാണ് കൊറോണ വൈറസ് ബാധ സ്ഥിരീകരിക്കുന്നത്.
Read More » - Top Stories
കർഷകർക്ക് 6000രൂപ, വനിതകൾക്ക് 1500രൂപ;ആശ്വാസവുമായി കേന്ദ്രം
ഡൽഹി : കോറോണയെ നേരിടാൻ 1.70 ലക്ഷം കോടിയുടെ ആശ്വാസ സാമ്പത്തിക പാക്കേജ് പ്രഖ്യാപിച്ച്‌ കേന്ദ്രസർക്കാർ. ധനമന്ത്രി നിർമ്മലാ സീതാരാമനാണ് സകല മേഖലകളെയും ഉൾപ്പെടുത്തിയുള്ള സമഗ്ര ആശ്വാസ പാക്കേജ് പ്രഖ്യാപിച്ചത്. പ്രധാനമന്ത്രി ഗരീബ് കല്യാൺ യോജന പ്രകാരമാണ് പാക്കേജ് പ്രഖ്യാപിച്ചത്.
Read More » - Top Stories
1.70 ലക്ഷം കോടി രൂപയുടെ സാമ്പത്തിക പാക്കേജ് പ്രഖ്യാപിച്ചു കേന്ദ്രസർക്കാർ
ന്യൂഡൽഹി : കൊറോണയുടെ പശ്ചാത്തലത്തിൽ 1.70 ലക്ഷം കോടി രൂപയുടെ സാമ്പത്തിക പാക്കേജ് പ്രഖ്യാപിച്ചു. പ്രധാനമന്ത്രി ഗരീബ് കല്യാൺ യോജന പ്രകാരമാണ് പാക്കേജ് പ്രഖ്യാപിച്ചത്. ധനമന്ത്രി നിർമലാ സീതാരാമനാണ് സാമ്പത്തിക പാക്കേജ് പ്രഖ്യാപിച്ചത്. പ്രധാനമന്ത്രി ഗരീബ് കല്യാൺ അന്നയോജന പദ്ധതി പ്രകാരം 80 കോടി പാവങ്ങൾക്ക് അഞ്ച് കിലോ അരി അല്ലെങ്കിൽ ഗോതമ്പ് സൗജന്യമായി നൽകും.നിലവിൽ നൽകുന്ന അഞ്ച് കിലോയ്ക്ക് പുറമെയായിരിക്കുമിത്. അഞ്ച് കിലോ അരിയോ ഗോതമ്പോ ഏതാണ് ആവശ്യമെങ്കിൽ അത് തിരഞ്ഞെടുക്കാം. അടുത്ത മൂന്നു മാസത്തേക്കാകും ഇത് ലഭിക്കുക. ഒരു കിലോ പയർ വർഗവും മൂന്നുമാസം സൗജന്യമായി നൽകും. ഒന്നിച്ചോ രണ്ട് തവണയായോ ഇത് വാങ്ങാവുന്നതാണ്. ആരും പട്ടിണി കിടക്കേണ്ടി വരരുതെന്ന് ധനമന്ത്രി നിർമല സീതാരാമൻ പാക്കേജ് പ്രഖ്യാപിച്ചുകൊണ്ട് പറഞ്ഞു.
Read More » - News
നിരീക്ഷണത്തിൽ ഇരിക്കാതെ കറങ്ങിനടന്നു;പാലക്കാട് കൊറോണ രോഗിയ്ക്കെതിരെ കേസെടുത്തു
പാലക്കാട് : പാലക്കാട് മണ്ണാര്‍ക്കാട് കാരാക്കുറുശ്ശിയിൽ കൊറോണ രോഗിയ്ക്കെതിരെ കേസെടുത്തു. ഹോം ക്വാറന്റൈൻ നിർദ്ദേശങ്ങൾ മറികടന്ന് നരീക്ഷണത്തിൽ കഴിയാതെ നാടുമുഴുവൻ സഞ്ചരിച്ചതിനാണ് ഇയാൾക്കെതിരെ കേസെടുത്തത്. ദുബായിൽ നിന്ന് മാർച്ച് 13ന് നാട്ടിലെത്തിയ ഇയാൾ നിരീക്ഷണത്തിൽ ആയത് മാർച്ച് 21നാണ്. അത് വരെ നാട്ടിലും ബന്ധു വീടുകളിലും അയൽ ജില്ലയായ മലപ്പുറത്ത് വരെ ഇയാൾ കറങ്ങി നടന്നിട്ടുണ്ടെന്നാണ് ആരോഗ്യവകുപ്പ് പറയുന്നത്. ഇയാൾ രണ്ട് ജുമാനമസ്കാരത്തിൽ പങ്കെടുക്കുകയും രണ്ട് ആശുപത്രികളിൽ സന്ദർശനം നടത്തുകയും ചെയ്തിരുന്നു. ഏഴ് അംഗങ്ങളുള്ള വലിയ കുടുംബമാണ് ഇദ്ദേഹത്തിന്റെത്. ഇയാളുടെ മകൻ കെഎസ്ആർടിസി കണ്ടക്ടറാണ്. ഇയാൾ പാലക്കാട് തിരുവനന്തപുരം ഉൾപ്പെടെയുള്ള റൂട്ടിൽ ഈ കാലയളവിൽ ജോലിചെയ്തിരുന്നു. ഇയാളും നിരീക്ഷണത്തിലാണ്. ഇവരുടെ കുടുംബത്തിലുള്ളവരും നിരീക്ഷണത്തിലാണ്.ഇവരുടെ സാമ്പിളുകളും പരിശോധനക്കയയ്ക്കും.
Read More » - News
ഓൺലൈനിൽ മദ്യം വിൽക്കില്ല:എക്സസൈസ് മന്ത്രി
തിരുവനന്തപുരം : ഓൺലൈനിൽ മദ്യം വിൽക്കാൻ ആലോചിച്ചിട്ടില്ലെന്ന് എക്സസൈസ് മന്ത്രി ടി പി രാമകൃഷ്ണൻ. ലഹരിയുടെ ഉപയോഗം കുറക്കുകയാണ് സർക്കാരിന്റെ ലക്ഷ്യമെന്നും മന്ത്രി പറഞ്ഞു. മദ്യം കഴിക്കാത്തതുകൊണ്ട് ശാരീരിക മാനസിക ബുദ്ധിമുട്ടുകൾ ഉണ്ടാകുന്ന വർക്ക് കൗൺസിലിംഗ് ഉൾപ്പെടെയുള്ള ചികിത്സാമാർഗങ്ങൾ എക്സൈസ് വകുപ്പ് ഇടപെട്ട് നൽകുമെന്ന് മന്ത്രി അറിയിച്ചു. അനധികൃത മദ്യവില്പന തടയാൻ കർശന നടപടിയെടുക്കുമെന്നും മന്ത്രി പറഞ്ഞു. അതേസമയം മദ്യശാലകൾ അടച്ചിട്ടത് വലിയ പ്രതിസന്ധി ഉണ്ടാക്കുമെന്ന് മന്ത്രി കടകംപള്ളി സുരേന്ദ്രൻ. മദ്യം കിട്ടാത്തത് സാമൂഹിക വിപത്ത് ആകുമോ എന്ന് ആശങ്കയുണ്ടെന്നും മന്ത്രി കടകംപള്ളി സുരേന്ദ്രൻ പറഞ്ഞു. ഇതിനോടകം ഏതാനും പേരെ ഡിഅഡിക്ഷൻ സെന്ററിലേക്ക് മാറ്റിയിട്ടുണ്ടെന്നും മന്ത്രി പറഞ്ഞു.
Read More » - Top Stories
ഇന്ത്യയിൽ കോവിഡ് ബാധിച്ച് 2 പേർ കൂടി മരിച്ചു
ശ്രീനഗർ : ഇന്ത്യയിൽ കോവിഡ് ബാധിച്ച് 2 പേർ കൂടി മരിച്ചു. ജമ്മുകശ്മീരിലും മഹാരാഷ്ട്രയിളുമാണ് മരണങ്ങൾ റിപ്പോർട്ട് ചെയ്യ്തത്. ജമ്മു കശ്മീരിലെ ശ്രീനഗറിലെ ഹൈദർപുരിലാണ് 65 കാരൻ മരിച്ചത്. ഇദ്ദേഹത്തിന്‍റെ കുടുംബത്തിലെ നാല് പേർക്ക് കൊറോണ സ്ഥിരീകരിച്ചിട്ടുണ്ട്. ജമ്മു കശ്മീരിലെ ആദ്യ മരണമാണിത്.രണ്ടു ദിവസം മുമ്പാണ് ഇയാൾക്ക് രോഗം സ്ഥിരീകരിച്ചത്. ഇയാൾക്ക് പ്രമേഹം, രക്തസമ്മർദ്ദം, അമിത വണ്ണം തുടങ്ങിയ രോഗങ്ങൾ ഉണ്ടായിരുന്നു. മഹാരാഷ്ട്രയിലെ നവി മുംബൈയിലാണ് മറ്റൊരാൾ മരിച്ചത്. ഇയാളുടെ വിശദാംശങ്ങൾ ലഭ്യമായിട്ടില്ല. ഇതോടെ രാജ്യത്ത് രോഗം ബാധിച്ച് മരിച്ചവരുടെ എണ്ണം 13 ആയി.
Read More » - Top Stories
ലോകത്ത് കൊറോണ ബാധിതർ 474,967;ഇന്ത്യയിൽ 606
കോവിഡ് 19 ബാധിതർ ഇന്ത്യയിൽ 606ആയി. ഇന്നലെ മാത്രം ഇന്ത്യയിൽ 101 കൊറോണ കേസുകളാണ് റിപ്പോർട്ട് ചെയ്തത്. രാജ്യത്ത് കൊറോണ മൂലം മരിച്ചവരുടെ എണ്ണം 12 ആവുകയും ചെയ്തു. രാജ്യത്തെ ഏറ്റവും കൂടുതൽ കേസുകൾ റിപ്പോർട്ട് ചെയ്യ്തത് മഹാരാഷ്ട്രയിലാണ്. തൊട്ടു പിന്നിൽ കേരളവുമുണ്ട്. രാജ്യത്ത് 43 പേർ രോഗമുക്തരായിട്ടുണ്ട്.
Read More » - Top Stories
സംസ്ഥാനത്ത് 9 പേർക്ക് കൂടി കൊറോണ; എല്ലാവർക്കും ഭക്ഷ്യവസ്തുക്കൾ നൽകുമെന്ന് മുഖ്യമന്ത്രി
തിരുവനന്തപുരം : സംസ്ഥാനത്ത് ഒമ്പത് പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ സംസ്ഥാനത്ത് കൊറോണ ബാധിതരുടെ എണ്ണം 112 ആയി. ഇതിൽ ആറ് പേർ പരിശോധനയിൽ നെഗറ്റീവ് ആണെന്ന് വ്യക്തമായിട്ടുണ്ട്. രോഗബാധ സ്ഥിരീകരിച്ചവരിൽ രണ്ട് പേർ പാലക്കാട്, മൂന്നു പേർ എറണാകുളം, രണ്ട് പേർ പത്തനം തിട്ട, ഒരാൾ കോഴിക്കോട് എന്നീ ജില്ലകളിലുള്ളവരാണ്. ഇതിൽ നാലുപേർ ദുബായിൽനിന്നും ഒരാൾ യുകെ, ഒരാൾ ഫ്രാൻസ് എന്നിവിടങ്ങളിൽനിന്നും വന്നതാണ്. മൂന്നു പേർക്ക് ഇടപഴകിലൂടെ ലഭിച്ചതാണെന്നും മുഖ്യമന്ത്രി പത്രസമ്മേളനത്തിൽ വ്യക്തമാക്കി. സംസ്ഥാനത്ത് 76542 പേരാണ് നിരീക്ഷണത്തിലുള്ളത്. 76010 വീടുകളിലും 532 പേർ ആശുപത്രികളിലുമാണുള്ളത്. പുതുതായി 122 പേരെ ഇന്ന് ആശുപത്രിയിൽ പ്രവേശിപ്പിച്ചു. സംസ്ഥാനത്ത് ആകെ 12 പേർ രോഗവിമുക്തരായിട്ടുണ്ട്. തിരുവനന്തപുരത്തും തൃശ്ശൂരും ചികിത്സയിൽ കഴിഞ്ഞവരാണ് രോഗമുക്തരായത്. ഫ്രാൻസിൽനിന്നുള്ള കൊറോണ ബാധിതനൊപ്പം സഞ്ചരിച്ച ഒരു ടാക്സി ഡ്രൈവർക്കാണ് എറണാകുളത്ത് ഇന്ന് വൈറസ് ബാധ സ്ഥിരീകരിച്ചവരിൽ ഒരാൾ. ഇത് കാണിക്കുന്നത് നാം കൂടുതൽ കരുതലെടുക്കണം എന്നാണെന്നും മുഖ്യമന്ത്രി പത്രസമ്മേളനത്തിൽ വ്യക്തമാക്കി.
Read More »
